Денеска без вода делови од Гази Баба и Центар

Најавени се прекини во водоснабдувањето во делови од општините Гази Баба и Центар поради интервенции на водоводната мрежа.

— реклама —

— реклама —

Од ЈП „Водовод и канализација“ информираат дека денеска, 10 ноември, поради промена на шибери на нова водоводна мрежа и воздушен вентил на улицата „Душан Тасковиќ“ бр. 49, без вода ќе бидат корисниците на оваа улица, делови од улиците „Коце Металец“, „Филип Филиповиќ“ и „Гемиџиска“, како и улиците „Тајмишка“ и „Зеничка“ во општина Гази Баба. Прекинот ќе трае до завршување на интервенциите.

— реклама —

— реклама —

Во општина Центар, поради изведување водоводен приклучок на улицата „29 Ноември“ бр. 53, од 10 часот ќе биде прекинато водоснабдувањето на дел од оваа улица и на потегот од улицата „Васил Стефановски“ до „Борка Талевски“. Прекинот ќе трае до завршување на работите.