Дете повредено откако рели автомобил излета меѓу гледачи во Грција

Деветгодишно дете е повредено за време на 29. издание на релито „Епир“ во северозападна Грција, откако натпреварувачки автомобил излетал од патеката и удрил во гледачи.

— реклама —

Според првичните информации, возилото ја напуштило патеката од засега непознати причини и завршило во просторот каде што се наоѓале посетителите на настанот.

— реклама —

По инцидентот, организаторите донеле одлука привремено да го прекинат релито додека не се изврши безбедносна проверка и не се утврдат околностите под кои дошло до несреќата.

— реклама —

Повреденото дете било пренесено во локална болница со приватно возило. Според информациите од организаторите, неговата здравствена состојба е стабилна и не е во животна опасност.

— реклама —

Надлежните служби спроведуваат истрага за причините што довеле до излетувањето на автомобилот од патеката.