Ексдиректорот на Бирото за јавна безбедност и поранешен министер за внатрешни работи Митко Чавков се огласи со објава на социјалните мрежи во која повикува на владеење на правото, коментирајќи ја одлуката за одбивање на барањето за повторување на постапката поврзана со настаните од 27 април 2017 година.
„ПОВИК ЗА ВЛАДЕЕЊЕ НА ПРАВОТО
9 години по 27 април 2017 – ова не е прашање на поединец. Ова е прашање на правдата.
Барањето за повторување на постапката е одбиено. Но сомнежите остануваат — за нефер постапка и за попречување на правдата.
Денес, во рамки на правото, поднесовме кривична пријава против застапникот на обвинението и други непознати лица. Не бараме привилегија. Бараме проверка. Повторувањето беше шанса за правосудството.
Сега останува обврската — вистината да не се затвори административно. Владеењето на правото значи одговорност пред вистината. Кога сомнежот за неправда не се испитува — неправдата станува правило“, вели Чавков.
