Деветмина возеле спротивно на законот, полицијата ги уапси

Девет возачи биле лишени од слобода во изминатото деноноќие на различни локации низ Македонија поради сомнение за сторено кривично дело „безобѕирно управување со моторно возило“, согласно член 297-а од Кривичниот законик.

— реклама —

Според информациите од МВР, шестмина од нив управувале возило без положен возачки испит. Станува збор за А.С. (46), М.Р. (26) и З.С. (26) од Скопје, А.М. (27) од селото Никиштани, скопско, Г.Т. (56) од селото Подлес, Општина Градско, и А.К. (28) од селото Дреново, кавадаречко, кој истовремено бил и под дејство на алкохол.

— реклама —

Двајца возачи, Г.Ј. (49) од Кочани и М.С. (35) од Куманово, управувале возило под дејство на алкохол, додека Д.С. (21) од Крива Паланка возел и покрај тоа што имал активна забрана за управување со моторно возило.

— реклама —

По целосно документирање на случаите, против деветтемина ќе бидат поднесени соодветни кривични пријави.

— реклама —

Од МВР апелираат до учесниците во сообраќајот да ги почитуваат правилата и прописите и да не управуваат возило без положен возачки испит, со активна забрана или под дејство на алкохол.