До 30 степени, но посвежо – засилен северозападен ветер низ Повардарието

Сончево и посвежо време со мала до умерена локална облачност се очекува денеска, а температурите ќе достигнат најмногу до 30 степени, соопшти Управата за хидрометеоролошки работи.

— реклама —

Ќе дува слаб до умерен ветер од северозападен правец, кој долж Повардарието повремено ќе засилува и ќе достигнува брзина над 50 километри на час.

— реклама —

Минималните температури ќе се движат од 11 до 19 степени, додека максималните ќе бидат во интервал од 22 до 30 степени.

Во Скопје ќе биде претежно сончево, со слаб до умерен ветер од северен правец. Утринската температура ќе се спушти до 14 степени, а дневната ќе достигне 28 степени.

— реклама —

Слично време ќе продолжи и во текот на новата седмица. Според прогнозата на УХМР, ќе преовладува сончево и посвежо време, со мала до умерена локална облачност во текот на денот.

— реклама —

Температурите во следните денови ќе се движат во границите на просекот за овој период од годината.