Додека кршел стакло за да ги тргне возилата, повредено лице во вчерашниот пожар на стариот полигон - МВР со детали

Пожар избувнал на стариот полигон под Кале во Скопје, при што биле зафатени три возила, а едно лице се здобило со повреди, информираат од Министерството за внатрешни работи.

— реклама —

Настанот бил пријавен на 17 април 2026 година околу 15:50 часот во СВР Скопје. Пожарот настанал на улицата „Самоилова“, каде што се запалила сува трева, по што огнот се проширил и зафатил возила паркирани во близина.

— реклама —

Едно лице се повредило при обид да ги тргне возилата од зафатеното подрачје, кршејќи ги стаклата со цел да спречи поголема штета.

— реклама —

На местото интервенирале полициски службеници и екипа на Бригадата за противпожарна заштита Скопје, по што пожарот бил локализиран и изгаснат.

— реклама —

Од МВР информираат дека се преземаат мерки за целосно расчистување на случајот.