Од минатата година Доколку свештениците на СПЦ бараат награда за венчавка, погреб, крштевка или осветување на вода, може да добијат опомена, укор, преместување во друга парохија, а во најлош случај и да ја изгубат службата. Вака одлучи Српската православна црква уште минатата година и оваа одлука се почитува во целост.
Додека во СПЦ свештениците го почитуваат правилото, кај нас нештата се многу поразлични. Во Македонската православна црква постои ценовник за секоја услуга.
Граѓаните се најреволтирани за цената за погреб и задушница. Тие велат дека можат да разберат до некаде да се плаќа за венчавка или крштевка, но за погреб е малку чудно. Затоа што ова е чин кој мора да се изведи без разлика дали семејството има пари или не.
