главни-вести

Судија од гостиварска Апелација добивал закани по телефон, заканувачот ќе одговара кривично

Надворешната канцеларија за криминалистички работи Гостивар поднесе кривична пријава против Н.А.(39) од село Врапчиште, гостиварско за сторено кривично дело “загрозување на сигурноста“.-На 07.12.2018 година околу 22,00 часот, пријавениот, преку телефон, упатувал закани по животот кон 52 годишно лице од село Добридол, судија во Апелационен суд Гостивар, поради претходно донесена судска пресуда од страна на истиот, информираат од МВР.

Македонија | пред 3 години

5 мај - Ден на македонскиот јазик и азбука

Од  годинава 5 мај се одбележува како Ден на македонскиот јазик, со одлука која Владата ја донесе на седница минатиот месец. Прогласувањето е во чест на Решението на Народната влада на Федерална Македонија од 1945-та за усвојување на азбуката на македонскиот јазик како официјално писмо и озаконувањето на првиот правопис со што беше стандардизиран македонскиот јазик.Азбуката е создадена на 3 мај 1945 и е предложена на тогашната Влада. Таа ја прифатила и азбуката е официјализирана на 5 мај со објавување во весникот „Нова Македонија“, зашто во тоа време не постоел Службен весник каде што државата ги објавува своите одлуки. Објавувањето на 5 мај се смета за службен документ.Процесот на создавање на азбуката бил долг и не бил лесен. Тоа го опишал и Блаже Конески. Имало две комисии, според некои три, и не се согласиле сите одеднаш.На 2 август 1944 делегатите на Првото заседание на АСНОМ го прогласиле македонскиот јазик за официјален во македонската држава. На 3 мај 1945 е усвоена македонската азбука, а на 7 јуни е усвоен македонскиот правопис, со што се стандардизира македонскиот јазик и станува јазик на државата – во тоа време Демократска Федерална Македонија која е во заедница со другите југословенски народи. Секој си имал свој државен јазик и македонскиот се издигнал на ниво на државен јазик.Првата стандардизација е направена уште од Крсте Мисирков во 1903-та, но не заживеала, освен во неговата книга, затоа што не постоела држава за да стане стандарден јазик односно да биде јазик на администрацијата, образованието, на науката и на културата воопшто. Стандардизирањето е овозможено со создавањето на  државата, со АСНОМ во 1944 година.  

Македонија | пред 5 години

Видео и аудио од моментот кога Боки 13 и Зоки Кичеец ги земаат парите од Орце Камчев

Италијанските медиуми објавија видео од моментот кога Бојан Јовановски и Зоран Милески Кичеец со полна торба пари излегуваат од домот на бизнисменот Орце Камчев. Италијанскиот весник La Verità утрово го објави видеото на кое јасно се гледа броењето на парите, како и излегувањето на Боки 13 и Зоки Кичеец од кај Орце Камчев. Притоа е пуштен и дел од разговорот меѓу Орце Камчев и Бoки 13, на кое Боки му објаснува на Камчев дека понеделник, најдоцна вторник ќе биде ослободен.Бојан 13: Во понеделник ќе ве ослободатОрце: ДоброБојан 13: Вторник најкасно веројатно.Врховен ќе ве ослободи.Орце: Врховен, не може да дојде до врховен до понеделникБоки 13: Да, тогаш ќе дојде. Нема да употреби СЈО вонредни правни лекови, нема ништо да употребиОрце: А Апелација?!Боки 13: Па Апелација ќе ве одбие. Вие се жалите во Апелација, да бидете спремни. Врховен се жалите, како втор спремен. Начелното правно лице и советот се повикова автоматски. Нема да употреби Катица никакви вонредни правни лекови да го прудужува, да го удолговлекува, понеделник вторник вие сте на слобода.

Македонија | пред 6 години

Обинителството и Полицијата влегоа во фирмите на Нефи Усеини

Полицијата и Обвинителството  влегле во фирмите на советникот Нефи Усеини каде се проверуваат сите аспекти на работењето на овие компании во минатите години.Ова доаѓа од како повеќе месеци советникот Нефи Усеини беше тема во медиумите и беше дел од истражувачки новинарски стории на реномирани истражувачки центри. 

Македонија | пред 6 години

Нема фотографија

Аквариус ќе ја отстрани платформата, а јавноста чека да види кој ќе ги следи ?!

Платформата која навлегува во Охридско Езеро на кафетеријата „Аквариус“ ќе биде првата тераса која ќе биде урната и тоа од страна на самите сопственици на објектот. Ова беше денес најавено на прес конференцијата по повод 30 години творештво на Драган Спасески Охридски.Сега останува да видиме дали останатите кафетерии кои се нелегално влезени во водите на Охридско Езеро како и плажите кои се на узурпирано државно земјиште ќе го следат овој пример, како и советникот Нефи Усеини кој најави дека ако се уриваат останатите објекти, тој сам ќе си ја урне пицеријата дибоградба.Благодарност до Аквариус искажа градоначалникот на Охрид Константин Георгиески.Сакам да се заблагодарам на тераса „Аквариус“ за искажаната еколошка свест и општествена одговорност. На повикот за заштита на градот први испратија писмо до локалната самоуправа дека први ќе ја отстранат платфортмата од Охридското Езеро, а после ќе видиме како овој простор соодветно и плански ќе го уредуваме. Од тука упатувам апел до сите да почнеме да го креираме новиот Охрид со една позитивна намера, а не со репресивни мерки на што не сакаме да бидеме принудени. – изјави градоначалникот Георгиески.Според уметникот Драган Спасески Охридски „Аквариус“ станува центар на еколошката свест.„Аквариус“ ќе постане центар каде ќе започне ревитализирањето на Охрид, односно на негово реконструирање. Ова место ќе биде дел од еден нов почеток на Охрид, зелен Охрид, еколошки Охрид, град со едрилици и безмоторни возила, со плажи достапни за сите граѓани и посетители кои ќе можат да чекорат низ стариот дел на градот. – истакна уметникот  д-р Драган Спасески Охридски.

Македонија | пред 6 години

Мицкоски од Ташмаруништа: Боки и Кичеец немаше да имаат никаква сила ако не беа Кики, Фрики и Зоки Поки

Лидерот на ВМРО-ДПМНЕ, Христијан Мицкоски, во најголем дел од неговото обраќање за Илинден од струшко Ташмаруништа, зборуваше за своите политички противници и за криминалот и правдата.Го спомена и случајот „Рекет“ каде осомничени се Бојан Јовановски – Боки 13 и Зоран Милески – Кичеец, кои според Мицкоски, немало да станат моќни без поддршка од власта.„За криминалот да не збориме. Правдата е замолчена, а криминалниот октопод царува. Новинари се викаат на сослушување, а криминалците за кои тие пишуваат се уште се на државна плата, или на чело на скапите тендери платени со државни пари. И не е проблем ниту првото, ниту второ осомничениот во случајот Рекет. Сите знаат, сите знаат во оваа земја дека ниту прво ниту второ осомничениот немаше да има никаква сила доколку неговиот грб не беа функционерите од врхушката на СДСМ, фамозните Кики, Фрики, предводени од сценаристото Зоки Поки.Знам, добро знам дека имаше и луѓе кои поверуваа дека Заев и сега компромитираното СЈО ќе донесоа некаква правда, но драги браќа и сестри гледате дека ве разочараа. Сите нас не разочараа. Ова СЈО веќе не е алатка за носење на правда, туку алатка во рацете на Зоран Заев за правење на неправда. Не може да се очекува правда, од нешто што не само што ја навредува нашата интелегенција туку служи и за потсмев. Па еден ден ќе слушнете како Катица го загубила телефонот, вториот ден дека тој бил кај снаата, а третиот ден таа форензички го исчистила. Се ќе направат да ја спасат од обвинение, не затоа што Заев е многу хуман, а Катица невина, туку затоа што Јанева премногу знае, а Заев се плаши да не проговори за сето она што го правеа со СЈО-како местеа случаи, како креираа случаи за да уценуваат бизнисмени за рекет, прогонуваа и како заштититуваа криминал, тоа е алатката со која Зоран Заев дојде и сака да се одржи на власт.Но, сега за сето ова знае и опозицијата, а дел по дел ќе знае и народот во Република Македонија. А, ако процени дека и Јанева станува штетна за премиерот бидете сигурни дека Рускоска обвинителството ќе стапи на сцена и некое утро ќе бидеме сведоци како се откажал и од Јанева, исто како што ќе се откаже и од сите други криминални ликови само да го заштити својот криминал и криминалот на своето семејство. И бидете сигури дека тоа лажно ќе сака да го прикаже како некаква борба за правда, во период кога знаат дека правдата со Заев не е можна. Заев не е во состојба да поставува услови, ниту повеќе да диктира темпо. Нему му преостанува да ги планира деновите по неговото политичко заминување. Да преиспита каде се огрешил пред законот, каков криминал сторил и колку долга ќе биде казната која ќе треба да ја отслужи за да може колку толку да им се извини на граѓаните“.

Слајдер | пред 6 години

Сообраќајка кај Горенци предизвика застој на патот Охрид - Кичево

Сообраќајна несреќа која се случи вечерва во близина на селото Горенци , а во која автомобил се судрил во комбе , кое потоа удрило во друг автомобил, предизвика долга колона возила се формирана во двата правци на патот Охрид - Кичево.Возилата во групи се пропуштаат наизменично во двата правци додека полицски екипи вршат увид на местото на несреќата.Нема инфо дали во комбето имало патници и дали има повредени во сообраќајката. 

Македонија | пред 6 години

Расте интересот за средби со Христијан Мицкоски

„Прелетачи“, бизнисмени, функционери, бивши функционери, бараат прием кај Христијан Мицкоски.Се повеќе лица од земјава бараат прием кај Христијан Мицкоски, а во напливот на заинтересирани за средби со лидерот на опозицијата се појавуваат најразлични категории на граѓани од обични луѓе, до бизнисмени, поранешни функционери па се до лица со сомнителен бекграунд кои официјално во моментов се доближани до СДСМ.Средби со Мицкоски барале одредени бизнисмени чии имиња се актуелизираа во јавноста во последните седмици, а прием барале и познати новинарски имиња, но и сопственици на медиуми. Некои од нив барале средбите да се незабележителни, да се во четири очи и да не допрат до јавноста.Од ВМРО ДПМНЕ за „Скопје1.мк“ потврдуваат дека секојдневно имаат барања за средби со првиот човек Христијан Мицкоски.„Интерес за средби секогаш има, тоа можеби е поинтензивно деновиве, но интересот е присутен цело време. Претседателот излегува во пресрет колку што е можно временски да се сретне со лица кои барале прием, а најгмногу сепак се среќава со народот, насекаде низ Македонија на неговите секојдневни активности низ градовите и селата, кои се приоритет и имаат предност пред средбите во кабинетот“ - велат од партијата. 

Слајдер | пред 6 години

(ВИДЕО) Силно невреме на албанското крајбрежје, две лица загинаа

Невремето кое беше најавува за Балканот веќе погоди неколку од земјите во регионот. Во Албанија зафатено е крајбрежјето, а како што јавува телевизијата A2 CNN, две лица ги загубиле животите.Моторен чамец бил погоден од брановите во Ѓири и Лазит и како последица, лицето кое управувало со чамецот, им подлегнало на повредите во болницата во Драч.Исто така во Драч го загубила животот и една жена на 50-годишна возраст, која била извлечена од водите од туристите и била однесена во болница каде и починала, а постои сомнеж дека имала здравствени проблеми.Други туристи во Велипоја, од кои едно од нив било дете, биле спасувани од високите бранови, кои се појавиле како последица од невремето.Од албанската гранична полиција биле спасувани 14 лица, од кои девет чешки граѓани кои биле блокирани во лагуната во Велипоја.

Свет | пред 6 години

(ФОТО + ВИДЕО) Струга затрупана во смет

Струга стана вистинска депонија. Во екот на летната сезона во Струга никогаш не било позагадено и позатрупано со ѓубре. Стружани бесни на локалната власт и комуналното јавно претпријатие кои очигледно не знае што му е работа, секојдневно на социјлните мрежи објавуваат фотографии од смет натрупат во центарот на градот.Попладнео беше објавено и видео на кое се гледа како некои граѓани обидувајќи се да го решат проблемот со сметот, прават дополнителен и посериозен.https://www.facebook.com/kukunes/videos/10219773750515402/UzpfSTExMzY1MzQwMTc6MTAyMTgwMjQ1NzQ5NDI3MTk/На тема „Струга никогаш не била позагадена и позатрупана со ѓубре“ вчера прес конференција одржа и ОК на ВМРО ДПМНЕ.„Центарот на градот и чаршијата наликуваат на депонија, а од неа, на далеку се шири непријатна миризба.Добро сесеќаваме на предизборните ветувања на СДСМ и градоначалникот на град Струга, РамизМерко, дека депонијата ќе биде дислоцирана.И да е иронијата уште поголема, депонијата е дислоцирана, но за жал,во срцето на градот, посочија од ВМРО-ДПМНЕ, ОК-Струга. 

Македонија | пред 6 години

Нови огласи за вработувања во државни институции

Нови вработувања во државните институции. Преку агенцијата за администарција ги објавија огласите .  Во моментов, Агенцијата за администрација има распишано огласи за вработување на 40-тина луѓе во разни дирекции, центри, државни агенции, национални културни установи. Сето ова се случува во момент додека Владата тврди дека сака дел од службениците да ги префрли во приватниот сектор нудејќи им поволни пакети, за да го намали преобемниот државен апарат, секојдневно се објавуваат  огласи за вработување во администрацијата.Најголем број вработувања – 13 ќе има во новоформираната Агенција за примена на јазикот што го зборуваат најмалку 20% од граѓаните. Македонци, Албанци, 1 Турчин и 1 Ром, за примања што варираат од 20 до 38 илјади денари ќе работат како државни советници за преведување и лекторирање, раководители на сектори и одделенија, помлади соработници.8 нови вработувања ќе има и во Дирекцијата за заштита и спасување, платите таму почнуваат од 21 до над 28 илјади денари. Во Центарот за управување со кризи предвидени се 7 вработувања за кои следуваат плати од 15.500 до 37 илјади денари.Агенцијата за вработување распиша оглас за 5 работни места, од кои 4 за раководители на центрите за вработување во Охрид, Струга, Ресен и Валандово за плати од 28.300 денари месечно. Агенцијата за супервизија на осигурувањето распиша оглас за двајца советници, Турчин и Албанец, за плата од скоро 42 илјади денари и помлад соработник Албанец за плата од 29.500 денари. И Агенцијата за енергетика бара да вработи еден Албанец како помлад соработник в оодделението за енергетска ефикасност за плата од 19.750 денари и еден Турчин како советник со примања од 25 илјади денари.Највисоки убедливо се платите во Агенцијата за цивилно воздухопловство, но и квалификациите што се бараат од вработените што се бараат се најголеми. Платите на тројцата ново вработени ќе се движат од 45.600 до дури 117.600 денари месечно.Огласи за вработувања има и во националните културни установи во градовите во внатрешноста.Јавниот сектор брои 130 илјади лица. 

Македонија | пред 6 години

Нема фотографија

Во локал на автопатот Скопје- Тетово, уапсени 12 танчерки

На 28.07.2019 во 02:30часот при акциска контрола во угостителски објект лоциран во близина на автопатот Тетово-Скопје од страна на полициски службеници од Тетово лишени од слобода се 12 женски лица на возаст од 20 до 40 години од Србија, Албанија, Бугарија. Лицата се приведени во Полициската станица во Тетово по што ќе бидат предадени во Отсек за прекуграничен криминал миграции странци и реадмисија Тетово за натамошна постапка.  

Македонија | пред 6 години

Почина актерот Гоце Влахов

По долга и тешка борба со ракот денеска почина актерот Гоце Влахов, член на ансамблот на Македонскиот народен театар (МНТ), . Неговото семејство соопшти дека погребот ќе се изврши на 30 јули во 11 часот на градските гробишта Бутел во Скопје.Колеги актери, режисери, културни работници и новинари се збогуваат со актерот кој со децении беше нераздвоен дел на македонскиот филм, театар и телевизија.Неговиот матичен театар, Македонски народен театар, каде Влахов работеше до пензионирањето, емотивно се збогува со еден од доајените на македонското глумиште.„Гоце Влахов ќе остане запаметен по вештината со која го создаде секој лик карактеристичен, секогаш сигурен во играта и страста кон театарот и претставата. Таа константност на играта му обезбедува важно место, место за паметење“, стои во објавата на МНТ.https://www.facebook.com/MakedonskiNarodenTeatar/posts/2542462052454207 

Македонија | пред 6 години

МВР: Се самоуби поранешниот возач на Хазби Лика

Педестиседумгодишен маж од Тетово со иницијали Ф.Т е најден мртов во возило со рани од огнено оружје. Телото било најдено од страна на неговиот син на крстосницата на улицата Киро Ристовски-Дрнц и Андреа Стојановиќ во Тетово, информира полицијата-Извршен е увид од страна на екипите на СВР Тетово и јавен обвинител по што е констатирано дека станува збор за самоубиство на лицето Ф.Т (57). Самоубиството е потврдено и од јавниот обвинител, информираат од СВР Тетово.Случајот во тетовската полиција е пријавен во 11 часот. Човекот бил вработен во општина Тетово. 

Македонија | пред 6 години

(ФОТО) Превртен автомобил BMW X5 на скопската обиколница

Автомобил марка BMW X5,стои превртен на скопска обиколница, во близина на клучката Стајковци, од правецот Тетово кон Велес на  патот што води кон Смилковското езеро.Неофицијално повредени се две лица. Увидот е во тек се чекаат детали од МВР.

Скопје | пред 6 години