ГЛАВНИ-ВЕСТИ

„Илинденска“ да се преименува во Петро Порошенко, а Мостот „Гоце Делчев“ во мост Бојко Борисов

Од денес преку анкета граѓаните ќе можат да предложат нови имиња за улиците, булеварите, мостовите и плоштадите, рекол градоначалникот Петре Шилегов на одбележувањето на 56-годишнината од катастрофалниот земјотрес во Скопје, пренесува САКАМДАКАЖАМ.По оваа информација граѓаните почнаа да даваат предлози. Најдобрите секако се на социјлните мрежи. Еве што предлагаат:https://twitter.com/2Lapev/status/1155049231511687168?ref_src=twsrc%5Etfw%7Ctwcamp%5Etweetembed%7Ctwterm%5E1155049231511687168&ref_url=http%3A%2F%2Fskopjeinfo.mk%2Filindenska-da-se-preimenuva-vo-petro-poroshenko

Скопје | пред 6 години

МВР за инцидентот на плоштадот Скендер бег: Има пријавено само еден физички напад

Министерството за внатрешни работи ја известува јавноста дека во врска со вчерашниот протест на плоштадот Скендер бег во Скопје има пријавено само еден физички напад од НН лице врз И.Г., кому му била укажана помош во ГОБ Наум Охридски. Други пријави за физички напад на вчерашниот протест до сега во МВР нема. Апелираме доколку има сторено било какво дело врз безбедноста и сигурноста на било кој граѓанин, тоа да го пријави во најблиската полициска станица, врз основа на што Министерството за внатрешни работи според професионалните стандарди ќе преземе соодветни мерки за расчистување на случајот, како и во било кој друг случај.

Македонија | пред 6 години

Милошоски бара почесниот конзул на Белорусија да ја повлече изјавата и да му се извини

Пратеникот Антонио Милошоски побара од почесниот конзул на Белорусија во Македонија да ја повлече изјавата и да му се извини, во спротивно ќе поднесе тужба за клевета. Тој вели дека поставил прашање до премиерот дали е точно дека на бизнисмен, кој што добил тендер во РЕК Битола му бил побаран рекет од 250.000 евра, а не дека го тврдел дека. Милошоски со видео линк потсетува на поставено пратеничко прашање.Неговиот демант го пренесуваме во целост:„Почитуван почесен конзул на Белорусија, г-н Борче Марковски (сопственик на „Марковски компани“ од Битола),во прилог ви го доставувам линкот од настапот во Собранието во кој можете да го чуете моето прашање до Премиерот, а тоа е дали се точни информациите и наводите што ги пренесуваат медиумите дека на бизнисмен кој што добил тендер во РЕК Битола му бил побаран рекет од 250.000 €. Доколку внимателно сте ја следеле седницата и сте ги следеле вестите пред почетокот на седницата тој ден, сигурно сте имале можност да забележите дека таквите наводи и информации беа пренесени од најмалку 5 медиуми, и е сосема легитимно за секој пратеник до Владата да постави прашање од јавен интерес дали тие медиумски наводи за барање на рекет на фирмите кои работат во РЕК Битола се точни.Сепак, Вие сте одлучиле со известување во име на почесниот конзулат, без претходно да побарате информација од мене, без претходно јавно да реагирате до медиумите кои пренеле наводи за барање на рекет на фирми во РЕК Битола како тема од јавен интерес, да тврдите дека ‘од страна на пратеник се извадени лажни вести’, што не одговара на вистината и го сметам за навреда и клевета со која се нанесува штета на угледот во работата и извршувањето на моите обврски како пратеник. Дали Вие ќе полемизирате или ќе ги демантирате медиумите кои дојавуваат дека на приватни фирми им се бара рекет за тендери, не Ви се мешам, тоа е Ваша лична одлука и како почесен конзул, и како стопанственик ‘Марковски компани’. Повеќе детали и објаснување на оваа тема ќе добиете на вашата официјална e-mail адреса од страна на мојот адвокат.Во меѓувреме, согласно Законот за граѓанска одговорност за навреда и клевета, барам од Вас јавно повлекување на изјавата изнесена во известувањето од почесниот конзулат на Белорусија и јавно извинување во предвидениот законски рок од 48 часа. Согласно законот Ви предлагам повлекувањето на изјавата и извинувањето да го објавите на ист начин и преку истите медиуми до кои сте го дистрибуирале Вашето известување од 26.07.2019 година. Во спротивно ќе ги преземам преостанатите законски можности за заштита на угледот како пратеник при вршењето на мојата службена должност да поставувам прашања за теми од јавен интерес, како што се корупцијата и барањето на рекет од фирми.Со почит, Антонио Милошоски, пратеник во Собранието на Република Македонија“

Македонија | пред 6 години

Одбележани 56 години од катастрофалниот земјотрес во Скопје

Со голем број на настани и манифестации, вчеравечер /26 јули 2019 година  (петок)/, се одбележа 56 годишнината од катастрофалниот земјотрес што со својата уривачка сила во 1963 година го претвори Скопје во урнатина и голем број граѓани ги остави без своите домови.Централната манифестација се одржа во Градскиот парк во Скопје, а пред присутните се обрати градоначалникот Шилегов.- Секоја година 26-ти Јули не потсетува на солидарноста на скопјани и на солидарноста на светот кон Скопје. За само неколку часа по катастрофата, почна големата акција во која што сите светски сили ја дадоа својата помош, а целиот свет се солидаризираше и мобилизираше да му помогне на Скопје и неговите граѓани.  Покажаната хуманост беше толку голема што ги надмина предрасудите и политичките убедувања, така што, Скопје стана место на прва средба на воените единици на Советскиот Сојуз и на САД во екот на Студената војна. Заслугите на домашната и меѓународната помош стануваат видливи штом ќе се спомене дека како израз на сочувство и на поддршка на граѓаните, уште на самиот ден на земјотресот и во следните денови во Скопје, допатувале највисоките сојузни раководители, а на 27 јули, ден по катастрофата, допатувал и претседателот на СФРЈ Јосип Броз-Тито, кој соочен со трагедијата на градот и на неговите жители, порачал: „Скопје доживеа невидена катастрофа. Но, Скопје повторно ќе го изградиме со помошта на целата наша заедница. Тоа ќе стане гордост и симбол на братството и единството, на југословенската и светската солидарност“ - кажа Шилегов.Во рамки на програмата на Школка во Градски парк, пред присутните настапија Градскиот мешан хор „Вардар“,а потоа настапија Биг Бендот под водство на Љупчо Мирковски, поп ѕвездата Канита Сума, познатиот грчки хармоникаш Танос Ставридис, српската пејачка на изворни песни Биља Крстиќ и нашиот Влатко Стефановски.Претходно, одбележувањето на годишнината од катастрофалниот земјотрес започна со положување цвеќиња на Споменикот на жртвите од земјотресот на градските гробишта во Бутел, каде цвеќе положија делегации составени од претставници од политичките партии, делегации од сите општини во градот Скопје, претставници од Црвен крст на град Скопје и на СРМ, претставници од Јавните претпријатија и Јавни културни установи на Град Скопје, претставници од институции во нашава земја, граѓани на Републикава, како и делегации од странство во нашава земја.Младинскиот културен центар во рамки на програмата за одбележување на 26 јули го спроведе настанот „МКЦ за Скопје“ со целодневна програма, каде покрај двете работилници за деца за креативно пишување, илустрација и цртање, беше организирана проекција на најновото остварување на Раде Шербеџија „Ослободување на Скопје“.Традиционално во Дом на хуманитарни организации „Даре Џамбаз“ се одржа крводарителска акција.

Скопје | пред 6 години

(ФОТО) Стој на рака во кабинетот на Пендаровски

Претседателот на Република Северна Македонија, Стево Пендаровски, денеска го прими амбасадорот на Државата Израел, Дан Орјан.Покрај официјалниот дел од средбата, Орјан имаше можност на претседателот да му покаже и дел од своите способности. Тој во кабинетот на Пендаровски направи стој на една рака.„Оваа фотографија, "стој на раце" со израелскиот амбасадор Дан Орјан, нека биде мотив и причина повеќе зашто вежбањето е многу важно, а најчесто и забавно“, напиша Претседателот на социјалната мрежа фејсбук по средбата со Орјан. :)За потсетување  Амабасадорот Ориан е познат по вакви "акробации" кои често ги правеше во Скопје, Охрид и Битола.Инаку на средбата во официјалниот дел беа разменети мислења за севкупните односи меѓу Северна Македонија и Израел и беше констатирано дека двете држави во континуитет негуваат блиски пријателски односи, засновани на меѓусебна доверба и почит.Двајцата соговорници се согласија дека Северна Македонија и Израел градат плодни економски релации, притоа изразувајќи подготвеност за интензивирање на соработката во областа на безбедноста, науката и новите технологии, земјоделството, како и во областа на културата и туризмот.Претседателот Пендаровски изрази задоволство од цврстата поддршка и помош што Државата Израел во континуитет и ја дава на Република Северна Македонија, порачувајќи дека Израел во нашата држава секогаш ќе има искрен пријател и партнер.Амбасадорот Орјан упати честитки до претседателот Пендаровски за стапувањето на функцијата и му посака успех во вршењето на должноста, притоа реафирмирајќи ја неговата лична заложба за унапредувањето на билатералните односи меѓу двете држави.    

Македонија | пред 6 години

Стефан Богоев и Наташа Петровска испрашувани за рекетот на Боки 13 и Зоран Кичеец

Основното јавно обвинителство за гонење на организиран криминал и корупција испитува лица за кои цени дека со даден исказ можат да помогнат во натамошното  утврдување на факти во предметот  кој се води против две лица за кривични дела – Примање награда за противзаконито влијание и  Перење пари и други приноси од казниво дело.Во текот на вчерашниот ден  по телефонски повик од јавен обвинител, во обвинителството  даде изјава градоначалникот на општина Карпош.   Денеска  беше повикана и изјава даде градоначалничката на општина Битола. Во интерес на истрагата, обвинителството не е во можност да сподели детали околу содржината на дадените изјави.Паралелно со прибирањето на вербални докази, Основното јавно обвинителство за гонење на организиран криминал и корупција во континуитет дава насоки и наредби за вршење и на други истражни дејствија.Вештачењата на прибраниот обемен материјал од извршените претреси е во тек. По наредба на обвинителството се врши и вештачење на содржината на пронајдениот и одземен втор мобилен телефон на јавниот обвинител.Почитувајќи ја транспарентноста во работењето, Основното јавно обвинителство за гонење на организиран криминал и корупција ќе продолжи со информирање на јавноста за преземените дејствија секојпат кога ќе постојат законски можности и во обем кој не ја попречува истрагата.

пред 6 години

Ексвозачот на Хазби Лика пронајден мртов со рана од огнено оружје

Пред неполн час во близина на главниот плоштад во Тетово е пронајдено безживотното телото на поранешниот возач на Хазби Лика, Фатмир Тахири од Тетово, објавува АлсатМ.Телото, со прострелна рана, е пронајдено во неговиот автомобил од страна на неговиот син, недалеку од местото на живеење. Според првичните информации од увидот, на стаклото од автомобилот се забележани дупки од огнено оружје, но сè уште не е познато дали станува збор за убиство или самоубиство. Фатмир Тахири бил вработен во Секторот за урбанизам во општина Тетово. Засега познато е дека починатиот немал семејни проблеми, ниту пак, имал проблеми на работното место. На местото на настанот има полиција и јавен обвинител од Канцеларијата на обвинителот во Тетово. 

Македонија | пред 6 години

(ФОТО) Сакрофагот експресно кренат, а наоѓалиштето на „Партизански одреди“ затрупано

Саркофагот кој беше пронајде при уредување на булеварот „Партизански одреди“ во Скопје во Карпош 4, рано утрово, експресно беше кренат, а наоѓалиштетот беше затрупано.Ова е малку чудно, затоа што во вакви случаи обично се прекинуваат градежните работи, местото се обезбедува, па се  истражува дали станува збор за некое поголемо наоѓалиште.Образложенито зошто е саркофагот е отстранет од местото е нелогично, но засега официјално. Според стручните лица него го донела некоја голема вода?  

Скопје | пред 6 години

Газди на неколку луксузни куќи во Охрид кои „живеат од плата“ ги продаваат „дворците“

Неколку куќи кои се наоѓаат на атрактивни локации во крајезерскиот дел на Охрид и се проценети на износи од околу 1 милион евра се ставени на продажба во неколку агенции за недвижности во Охрид.Како што дознаваме ваквиот зголемен интерес за продажба на овие атрактивни недвижности се појавил одеднаш и тоа во минатиот понеделник, само еден ден од како полицијата заплени пловен објект за кој подоцна медиумите информираа дека е запленет заради проширување на истрагата во мега аферата „Рекет“ и најавените проверки на потеклото на имотот кои не се знае кого се ќе зафатат, но извесно е дека ќе го зафатат и Охрид.Од агенциите за недвижности велат дека куќите се практично нови, и ги има од населбата Рача па се до Пештани, додека од Трпејца или Љубаништа сеуште нема пријавени газди кои сакаат да продадат набрзина куќи вредни милиони евра. Објектите во најголем дел се во сопственост на луѓе кои живеат од плати и официјално немаат бизниси.

Македонија | пред 6 години

ФОТО-ПРИКАЗНА: Скопје по земјотресот, како се градеше градот на солидарноста?

Градот Скоп­је денеска ја одбележува 53-та го­диш­ни­на од ка­та­стро­фал­ни­от зем­јо­трес. Утро­то на 26 ју­ли во 1963 го­ди­на, во 5 ча­сот и 17 ми­ну­ти, зем­јо­трес со ја­чи­на од 6,9 сте­пе­ни спо­ред Ри­хе­те­ро­ва­та ска­ла го срам­ни Скоп­је со зем­ја и го оста­ви гра­дот без си­те вр­ски со све­тот. За­ги­наа 1.070 ли­ца, по­ве­ќе од 4.000 беа по­вре­де­ни, око­лу 200.000 оста­наа без по­крив над гла­ва­та, 28.000 до­мови беа оште­те­ни и не­што по­ве­ќе од 15.000 ста­но­ви беа ур­на­ти. Пр­ви што им при­стиг­на­ле на по­мош на скоп­ја­ни би­ле вој­ни­ци­те и гра­ѓа­ни­те од по­ра­неш­ни­те ју­гос­ло­вен­ски ре­пуб­ли­ки, а вед­наш по­тоа поч­на­ле да при­стиг­ну­ва­ат по­мош и спа­су­вач­ки еки­пи од це­ли­от свет. Спо­ред то­гаш­ни­те из­ве­штаи, 87 стран­ски на­ции ис­пра­ти­ле нај­раз­лич­на по­мош за Скоп­је и по­мог­на­ле во из­град­ба­та на но­во­то Скоп­је. Од то­гаш и Скоп­је го но­си епи­те­тот „град на со­ли­дар­но­ста“.Како се градеше Скопје?Обновата и изградбата на новото Скопје, односно развојот на модерната архитектура го карактеризираат неколку фази. Архитектот проф.д-р Михаил Токарев, во својот труд насловен како Историско-критички поглед на архитектурата, објавен лани по повод 50-годишнината од земјотресот, посочува дека првиот важен насатан во архитектурата е економска реформа во земја­та, со која привремено се забранува инвес­ти­рање во објекти од нестопанските деј­ности, односно во оние од високоградбата, што многу го стеснува прос­то­рот на архитектонското проектирање. Вториот важен настан претставува воведувањето на престижната Бор­би­на награда за архитектурата (1965), која уште повеќе го поттикнува нат­пре­варувачкиот дух меѓу архи­тек­тите во земјата. Професорот Токарев наведува дека развојот на модерната архитектура во Македонија од средината на 60-тите години е директно зависен од општествено-политичката состојба во СФРЈ, но и од економ­ски­те услови кои владеат во Републиката. Со економското зајакнување на земјата, во средината на 70-тите годи­ни започнува позасилена архитектонска активност, со што се создаваат рела­тив­но голем број разновидни квалитетни објекти и во Македонија.За победник на овој конкурс е прогласен афирмираниот јапонски архитект Кензо Танге, кој понудил ком­пактна изградба и релативна изолираност на градскиот цен­тар. Целата сторија на Фактор.мк

Скопје | пред 6 години

Партијата Алтернатива на Африм Гаши ја предлага Фатиме Фетаи за шефица на новото обвинителство

Сега, кога треба да се избира новото име за управување со новото Обвинителство за гонење на организиран криминал и висока, ја предлагаме обвинителката Фатиме Фетаи да раководи со него, велат од партијата Алтернатива на Африм Гаши.„Како кадар која досега не оставила зад себе траги од злоупотреба на службената должност и како професионалец во борбата за правда, убедени сме дека може да ја врати довербата во владеењето на правото и борбата против организираниот криминал и корупцијата, кои се толку длабоко вкоренети во нашата земја. Се надеваме дека и другите политички фактори во земјава ќе рефлектираат во однос на овој предлог и ќе ги надминат нивните етнички и политички линии за да и гарантираат на Северна Македонија правда, која ќе биде клуч и за владеењето на правната држава, но и за а долгоочекуваната евро-атлантска интеграција“, наведуваат од Алтернатива. 

Македонија | пред 6 години

(ЖИВО) Прес конференција на премиерот Заев и помошник државниот секретар на САД, Рикер

Премиерот Зоран Заев и в.д. помошник државниот секретар на САД за Европа и Евро-Азија, Филип Рикер, ќе одржат заедничка прес конференција по денешната средба во Влада. Прес конференцијата можете да ја следите овде во живо.Темите на кои Рикер ќе се задржи, според најавата на Стејт департментот, се билатералните односи и патот на Северна Македонија кон членство во НАТО и ЕУ, а ќе бидат разменети и мислења за состојбите во регионот. Се очекува да стане збор и за новиот закон за јавното обвинителство со кој треба да се регулира идниот статус на СЈО.

Македонија | пред 6 години

Возачите во Скопје и натаму возат пијани, без возачки, со нерегистрирани возила

Еден возач на патничко моторно возило, двајца сопатници и еден возач на мотоцикл се здобиле со тешки телесни повреди, а 11 лица со лесни телесни повреди во осум од вкупно девет сообраќајни незгоди што се случиле изминатото деноноќие на подрачјето на Град Скопје. Во една сообраќајна незгода е причинета материјална штета.Од сообраќај, според податоците на СВР Скопје исклучени се 25 возачи кои се движеле со поголема брзина, седум возачи кои управувале возило под дејство на алкохол, 19 пред да се стекнат со право на управување на моторно возило и двајца почетници.За непрописно паркирање на моторни возила се издадени 68 казни, 18 казни за нерегистрирани возила, а со специјалното возило „пајак“ подигнати се 55 возила.Евидентирани се и 15 пешаци кои поминале коловоз вон пешачки премин, еден пешак кој поминал коловоз на црвено светло, двајца возачи кои поминале крстосница на црвено светло, тројца возачи кои не дале првенство на минување на пешаците на обележан пешачки премин и еден за неправилно престројување.Казнети се и девет возачи кои не дале првенство на минување на возила во зона на крстосница, девет за неносење сигурносен појас за време на управување на моторни возила и 18 за користење на мобилен телефон за време на управување моторни возила.

Скопје | пред 6 години

(ВИДЕО) Скопје тагува: 56 години од кобните 20 секунди кога градот беше погоден од катастрофалниот земјотрес

И по 56 години од катастрофалниот скопски земјотрес сѐ уште се свежи сеќавањата на старите скопјани. Велат болката по загубените семејства е голема. Иако поминал повеќе од половина век, раскажуваат за разурнатите домови и објекти кои како кули од карти згаснувале пред нивните очи.„Беше мугра. Одеднаш се слушна силно мјаукање на мачки, лаеж на кучиња, а страотни крикови на животни се слушаа дури и од Зоолошката градина. Јата птици во хаотичен лет одлетаа од покривите...На улицата се појави наезда на стаорци кои бегаа од подрумите на сите страни. Веднаш потоа завладеа страшна, злокобна тишина. А по неа, силен татнеж. Облак од густ прав ја покри улицата. Кога правот се сталожи, видов дека се е претворено во пепел."Ова е само едно од многуте сведоштва за утрото на 26-ти јули 1963-та година, кога земјотрес со јачина од 9 степени според меркалиевата скала во 5 часот и 17 минути го разбуди и го разруши Скопје. Скопскиот земјотрес се почувствувал на простор од околу 150.000 квадратни километри, најсилно низ долината на реката Вардар (5-6 степени), но и низ цела Македонија (4-5 степени), па и во соседните држави. Од потресот биле урнати 15.800 станови, а оштетени 28.000. Над 200.000 луѓе останале без покрив над глава. Под урнатините животот го загубиле 1070 негови граѓани, а биле повредени над 4000 граѓани. Штетата од земјотресот е проценета на 15% од БДП-то на цела Југославија за таа година или во денешна вредност помеѓу 3 и 5 милијарди долари, односно повеќе од целиот годишен буџет на Република Македонија. Апаратите до крајот на денот регистрираа 122 потреси, а уште 411 до крајот на годината. Земјотресот траел 20 секунди.

Скопје | пред 6 години

Шилегов два дена ќе чисти, а ако фрлате ѓубре - ќе ве казни

Утре и задутре градот Скопје генерално ќе се чисти најави градоначалникот Петре Шилегов. Акцијата ќе биде реализирана со сите ресурси и капацитети на јавните претпријатија и пет општини.„Оваа акција ќе ги вклучи сите технички и човечки потенцијали кои ни стојат на располагање, ќе се метат и мијат улиците, ќе се крпат дупките и ќе се поткаструва зеленилото. Ги повикуваме граѓаните кои сакаат да живеат во чист градот да се вклучат во акцијата. После ваквата акција за масовно чистење на нашиот град ќе следи засилен инспекциски надзор и од Градот и од Општините, со цел да се спречи создавање на диви депонии“, рече Шилегов.Генералката ќе опфати чистенје на депонии миење на улици рече Шилегов и додаде дека по чистењето ќе бидат засилени инспекциските контроли и казни од несовесните граѓани кои ќе продолжат да фрлаат ѓубре и да ја загадуваат околината. 

Скопје | пред 6 години

(ФОТО) Димитров и Рикер слават со вино: Наздравје за идното сојузништво со САД

Американскиот помошник државен секретар за Европа и Евроазија Филип Рикер е во дводневна посета на земјава. По посетата на Грција која траеше од понеделникот, тој денеска беше во Битола, каде што имаше средба со градоначалничката, Наташа Петровска. По средбата немаше изјави, туку само соопштение.Во меѓувреме, министерот за надворешни работи, Никола Димитров објави фотографија каде тој заедно со Рикер наздравува со чаша вино за ратификацијата за нашето членство во НАТО во Комитетот за надворешни односи во Сенатот на САД.„Помина ратификацијата за нашето членство во НАТО во Комитетот за надворешни односи во Сенатот на САД. Наздравје со Филип Рикер за идното сојузништво!“, напиша Димитров

Македонија | пред 6 години

Закон за „фејк њуз“ и пропаганда: Па нека допишат таму и дека смее само да се фали Заев и решен проблем, вели јавноста

https://twitter.com/istoricarizsk1/status/1154429276541870080Најавената „борба“ на Владата против дезинформациите не може да се спроведува еднострано – за предлог акцискиот план да биде доследен во спроведувањето клучна алка лежи кај медимската јавност која не смее да биде исклучена едногласни се од ЗНМ и Советот за едика во медиумите.Токму најавата за оваа „борба“ од страна на премиерот Зоран Заев наиде на бурни реакции кај јавноста и твитер заедницата.https://twitter.com/Hank___Chinaski/status/1154483066506817537https://twitter.com/Badijaldzija/status/1154465739144757248https://twitter.com/istoricarizsk1/status/1154429276541870080https://twitter.com/DonRoko1/status/1154385861351530496https://twitter.com/saltwatered/status/1154366479804055552https://twitter.com/boni99943/status/1154359027385688065https://twitter.com/ABavcov/status/1154350347953090560https://twitter.com/Sulimanovic/status/1154341413733175297https://twitter.com/aerodrom1312/status/1154473431238242304https://twitter.com/PravednaTavita/status/1154463970180440064

Коментари | пред 6 години

(ВИДЕО + 18) ВНИМАВАЈТЕ: Дедо манијак се самозадоволува во автобус на ЈСП

До редакцијата на курир.мк попладнево пристигнало видео на кое јасно се гледа како дедо во автобус на ЈСП Скопје се самозадоволува пред многуте патници.Станува збор за дедо кој живее во Маџари во близина на Кванташкиот пазар, а во моментот на снимањето на ова видео се возел во автобусот со број 3Б.Ваква ситуација не се случувало прв пат во автобусите на ЈСП вели нашиот сведок кој додава дека истиот дедо правел слични ситуации и во маалото во кое живее, а додава дека надлежните треба да преземат повеќе мерки за безбедноста на патниците и децата низ во целиот град.Редакцијата на КУРИР поради експлицитен материјал го замати видеото кое можете да го погледнете во продолжение. 

Скопје | пред 6 години

(ФОТО) Сообраќајна несреќа по тунелот кај Катланово, има повредени

Сообраќајна несреќа се случила околу 12 часот на автопатот Велес – Скопје по тунелот кај Катланово, потврдија од МВР за „А1 он“. Од полицијата велат дека случаен минувач ја пријавил сообраќајната несреќа помеѓу две возила, но дека увидот сè уште трае. Очевидци за „А1 он“ велат дека видел повредени лица на самото место. Брзо пристигнале две возила на брза помош и противпожарни возила кои се обиделе да ги извлечат патниците од возилата.Текстот е превземен од „А1 он“

Македонија | пред 6 години

Заев му одговори на Милошоски: „Да кажете дека Зафировски е советник оти соработувал со Заев е лага“

„Веројатно имате ваша стратегија, но она што го кажувате кажете го надвор од говорница затоа што лажете, бестрамно лажете“, му одговори премиерот Зоран Заев на пратеникот Антонио Милошоски на писменото пратеничко прашање во кое побара да се обелоденат детали за ангажманот на советникот на премиерот Љупчо Зафировски.– Да кажете дека Зафировски е советник оти соработувал со Заев е лага. Не можете сами да си креирате приказни за да исполнат некои ваши стратегии. Истото се случува и со бизнисменот. Тоа е одговорот на прашањето. Се знае дека ако некој бизнисмен бил рекетиран каде се пријавува, кај мене не дошол никој од белоруската амбасада. Ако тоа е така, на прес конференција со докази треба јавно да обелодени. Креирањето на вакви амбиенти нема да дозволиме да ви помине. Ваквите шпекулации имам обврска да ги демантирам“рече Заев одговарајќи му на Молошоски.Премиерот додаде:-Ми замерувате за советник кој го плаќаме 1.200 евра. Па на Влатко Ѓорчев сопругата за 1.800 евра ја ангажиравте. Вие ќе држите предавање за тоа кого сум ангажирал. Еве ќе ја видиме Франција како ќе гласа во октомври – рече Заев осврнувајќи се на неговото објаснување дека Зафировски бил ангажиран поради неговите контакти во кабинетот на францускиот претседател Емануел Макрон.Само за потсететување Милошоски преку говорница кажа дека наводно бизнисмен од Битола кој во првите три месеци од годината добил тендер за РЕК Битола, функционер на власта му побарал 250.000 евра во кеш. Како што рече Милошоски, за да се заштити од ваквото барање, бизнисменот од Битола искористил лични контакти со амбасадата на Белорусија во Белград која ја покрива и Македонија. 

Македонија | пред 6 години

Милошоски: Советникот Зафировски нема врска со Макрон, туку тој е помошник на фирмите на Заеви да извезуваат во Србија

Пратеникот на ВМРО-ДПМНЕ, Антонијо Молошоски, од собраниска говорница денеска обвини дека советникот на премиерот, Љупчо Зафировски, нема никакви врски со кабинетот на францускиот претседател, Емануел Макрон, како што претходно изјави Заев.Заев нешто крие со тоа што не сака да ја сподели биографијата на Зафировски,рече Милошоски, потенцирајќи дека тој нема никакви врски со претседателот Макрон туку дека им помага на Заеви за извезување на прехранбени производи во Србија и Франција.„Но, очигледно е дека премиерот нешто крие. Што крие премиерот? Во Собранието премиерот говореше дека Љупчо Зафировски има посебни дипломатски контакти со кабинетот на претседателот Макрон и со луѓе во владата во Франција. Но, кој е всушност Љупчо Зафировски после некои истражувања. Љупчо Зафировски во 99 година основа фирма за надворешна трговија со прехранбени производи која што фирма се вика Фортуна регистрирана во Скопје. Љупчо Зафировски после одредено време фирмата Фортуна ја регистрира Фортуна и во Струмица за трговија со земјоделски и прехранбени производи. Љупчо Зафировски почитувани граѓани нема никакви врски со претседателот Макрон или пак со негови советници во кабинетот во Париз. Љупчо Зафировски има врски со Заеви кои се занимаваат со производство на храна и им помагал, и се уште им помага да извезуваат прехранбени производи и храна во Србија и Франција. Затоа се крие биографијата на Зафироски и не се кажува кој го потпишал неговиот договор“, рече Милошоски. 

Македонија | пред 6 години

Боки 13 си го стеснувал кај Орце, а лажел во српски медиуми дека се оперирал во Лондон

Нa 6 ноември годинава во скопскиот граѓански суд треба да се појават неформалниот сопственик на „1 ТВ“, Бојан Јовановски и неговиот правен застапник и адвокатoт на приватна скопска болница во судска парница поради неплатена здравствена интервенција.Неофицијално Орце Камчев т.е „Систина“ го тужи Боки 13 за хируршките интервенции за слабеење и естетика кои беа направени во Македнија, а за кои Боки лажеше дека му се правени во Лондон.Српски курир пишува:„Имаше 130 килограми, носеше штикли, се шминкаше, па ослабе 60 килограми: Боки 13 во Лондон даде многу пари за овој третман. Кога ќе видите како сега изгледа ќе останете без текст. Со сличен наслов и другите српски медиуми пишуваа за Боки 13. Инаку, Боки 13 останал должен за 10.313 евра кон „Систина“.Двете страни ќе се соочат пред судијката Лилјана Зафировска-Петреска во скопскиот граѓански суд во септември.

Македонија | пред 6 години

(ВИДЕО) Маж брутално претепа жена сред Скопје

Жена била нападната од таксисит во близина на Универзитетот св. Кирил и Методиј во Скопје. На социјалните мрежи е споделено видео, каде жената застанува пред такси возило, а потоа, непознат маж истрчува и ја фрла на земја.Во близина има и едно лице кое се обидува да го оттрге мажот од жената, но безуспешно.Според неофицијални информации, тоа е таксистот на возилото.Погледнете го видеото:https://twitter.com/JaNicharce/status/1154289152952872960?ref_src=twsrc%5Etfw%7Ctwcamp%5Etweetembed%7Ctwterm%5E1154289152952872960&ref_url=https%3A%2F%2Ftocka.com.mk%2Fvesti%2F314218%2Fincident-vo-skopje-zena-fizicki-napadnata-vo-blizina-na-kontinental

Скопје | пред 6 години

Љупчо Зиков предложен за нов финансов директор на МЕПСО

Новинарот и директор на неделникот „Капитал“ е предложен за директор на финансии и комерција во МЕПСО, дознава „Фокус“.-Секако дека сум информиран, и ја прифаќам оваа покана, сепак треба да поминат законските процедури за да бидам избран на оваа позиција, вели Зиков за „Фокус“.Текстот во целост на: „Фокус“

Македонија | пред 6 години

Хан: Жалам за јуни, но блиску сте за да направите голем чекор во октомври

Блиску сте за да направите голем чекор во октомври, рече еврокомесарот Хан на денешната пресконференција. Хан додаде дека корупцијата и оранизираниор криминал се главните точки на кои треба да биде фокусирана владата. Еврокомесарот беше дециден веднаш да се преземат чекори и да се обезбеди независно обинителство.Премиерот Зоран Заев пак истакна дека Еврокомесарот Хан е искрен поддржувач за нашето членство во ЕУ.Нашите очи се фокусирани на октомври очекуваме ЕУ да го одржи зборот и тогаш да ни даде датум за отпочнување на преговорите за членство во ЕУ, рече премиерот Зоран Заев по средбата со еврокомесарот Јоханес Хан.Тој го рече дека носењето на новиот закон за Јавно обвинителство, како придонес кон владеењето на правото во државата. Никој не  е привилегиран, никој нема да биде амнестиран, порача Заев.Тој заврши со зборовите Македонија се докажа и покажа како земја во која владее правото. 

Македонија | пред 6 години