ГЛАВНИ-ВЕСТИ

Жбогар: Случајот „Рекет“ покажува дека Јавното обвинителство се бори против корупцијата на високо ниво

Евроамбасадорот Самуел Жбогар денес во Новаци рече дека случајот „Рекет“ покажува дека Јавното обвинителство се бори против корупцијата на високо ниво и го поддржуваат да работи на вакви случаи.„ Во државата нема причини за политичка криза, институциите функционираат, Јавното обвинителство е функционално, а функционира и Специјалното јавно обвинителство. Точно е дека специјалната јавна обвинителка Јанева поднесе оставка и тоа го имаме предвид и свесни сме за тоа, но СЈО ќе продолжи да функционира до 15 септември. Дотогаш има доволно време политичките лидери да размислат на кој начин ќе продолжи работата на СЈО, а една од можностите е тоа да биде интегрирано во рамки на општото јавно Обвинителство и има време тоа се реши, истакна амбасадорот  Жбогар.На прес-конференцијата во Општина Новаци, Жбогар појасни дека знае за многу шпекулации во однос на оставката на Јанева. 

Македонија | пред 6 години

Катица Јанева на „Фејсбук“: Ако не можеш да играш на терен, обично викаш од трибини

Цитатите за подигање на самодовербата се доста застапени помеѓу објавите на Катица Јанева уште во времето пред да биде избрана за специјален обвинител.„Никој не може да ги осудува моите избори, ниту моето мислење, бидејќи никој не ги пробал моите чувства и моите болки . Ти не си изгубена. Само така се чувствуваш понекогаш. Ти се движиш низ промените, имај храброст и знај дека твојата душа те води по патот. Подобро помеѓу празни ѕидови, отколку помеѓу празни луѓе. Ако ја бараш личноста која ќе ти го промени животот, погледни во огледалото“ се само дел од мудростите кои гевгеличанката ги објавувала во времето додека се уште работеше како обвинител во ОЈО Гевгелија.Обвинителката која мистериозно ,,изчезна” од јавноста и веќе една недела успешно се крие, додека јавноста со право ги чека нејзините одговори во врска со случајот ,,Рекет,,, се приклучила кон социјалната мрежа Фејсбук во септември 2014 година.Прочитајте ја анализата на Фокус.мк

Македонија | пред 6 години

Нема фотографија

Заев за грчката телевизија Алфа ja обвини Македонија дека преземала светска, балканска и туѓа историја како наша

Премиерот Зоран Заев во интервју објавено на грчката телевизија Алфа, а снимано во Скопје, три дена пред изборите во Грција говори за точките регулирани со договорот со Грција, во однос на јазикот и словенските корени.Оваа изјава предизвика силна реакција на социјалните мрежи, а граѓаните му забележуваат на премиерот кој, како што велат, за да им се додвори на соседите, изјави, дека сме ја присвојувале светската и балканската историја како наша, македонска.– Во минатото обидот да се промени и извитопери нашата историја со преземање на светска, балканска и туѓа историја како наша, без да се води сметка како тоа влијае кај соседите се предизвика состојба да бидеме буквално скарани скоро со сите соседи и се затворија сите процеси за интеграција во ЕУ и НАТО – рече Заев.

Македонија | пред 6 години

Бизнисменот Сеад Кочан оди во затвор, oдбиено и второто барање за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за предметот „Труст“ на СЈО.– Судија за извршување санкции при Основниот кривичен суд – Скопје, надлежен да постапува по предметот од обвинителството означен како „Труст”, по добивање на целокупната медицинска документација неопходна за одлучување по барањето за одлагање на извршувањето на затворската казна на еден од обвинетите во конкретниот предмет, како и разгледување и ценење на истата, на 19.07.2019 година донесе решение со кое барањето се одбива како неосновано, соопшти Основниот кривичен суд – Скопје.Решението веќе е доставено до странките во постапката кои имаат право на жалба до Кривичниот совет, а по правосилноста на решението Кочан е долежен веднаш да се јави на издржување на затворската казна.Сеад Кочан требаше да се јави на издржување на затворската казна на 17 јули, откако Кривичниот совет ја потврди одлуката на судијата од Кривичниот суд да се одбие неговото барање за одложување.

пред 6 години

Рекордери во Европа: Скопјани трошат најмногу вода

Во текот на летото кога улиците на градот се „празни“, а термометрите покажуваат над 40 степени, скопјани често ги повторуваат стиховите „Скопје има микроклима изгор лето, кочан зима…“ од песната за главниот град на групата „Леб и сол“. Реката Вардар, фонтаните, уличните чешми, но и понекој вир од излеаната вода од тревниците, колку и да изгледаат малку и недоволно под јулското сонце, го разладуваат Скопје благодарение на изворот Рашче.Највисока потрошувачка на вода во Скопје во последните десетина години е регистрирана на 6 август 2017 година, кога според мерењата од градската водоводна мрежа биле потрошени вкупно 353.558 кубни метри, што е околу 640 литри вода по жител.На национално ниво, според податоците на Еуростат, трошиме 118,2 кубни метри вода по глава на жител, што нè прави рекордери во регионот со по околу 323 литри вода по жител на ден. Македонците на годишно ниво трошат повеќе вода од жителите на Словенија, Босна и Херцеговина, Бугарија и Косово заедно.Скопјани трошат просечно околу 500 литри вода по човек во лето

Скопје | пред 6 години

Најчевска: Со уништувањето на „бомбите“ се прикривааат криминални дејствија

Премиерот Зоран Заев на прес конференција објави дека Владата до Собранието ќе предложи нов закон за јавно обвинителство според кој СЈО престанува да постои а се формира ново кое ќе се вика Обвинителство за гонење на организиран криминал и висока корупција. Заев кажа дека снимките од нелегално прислушкуваните разговори кои не се дел од досегашните постапки на СЈО, ќе бидат уништени, како што се уништуваат и посебните истражни мерки.На ова реагира професорката Мирјана Најчевска која тврди дека уништувањето на снимките е прикривање на криминални дејствија.„А зошто да се уништат разговорите? Зошто да не бидат едноставно индиции за сторени кривични дела? Како допрен глас и слично? Уништувањето за мене е прикривање на криминални дејствија“, пишува професорката на социјалните мрежи.

Коментари | пред 6 години

Полицијата казни 200 возачи во Скопје за еден ден

Вчера Одделението за безбедност на патниот сообраќај при Секторот за внатрешни работи Скопје спроведе акциски контроли за санкционирање на прекршоци од возачи на мотори и за контрола на брзина на движење на моторни возила.Во периодот од 20.00 до 24.00 часот, при контролата за прекршоци од возачи на мотори, откриени се 35 прекршоци. Откриени се и два останати прекршоци.Во периодот од 06.00 до 24.00 часот, при контролата за откривање возачи кои управуваат моторни возила со брзина поголема од законски пропишаната, констатирано е дека 92 возачи ја пречекориле брзината во населено место. Откриени се и 68 останати прекршоци.

Скопје | пред 6 години

Рикер на посебна средба со осумте пратеници

Помошникот државен секретар на САД за Европа и Евроазија, Филип Рикер, неделава ќе ги посети Грција и Северна Македонија, каде што освен средби со власта, ќе оствари посебна средба со осумте независни пратеници во Собранието, Елизабета Канчевска Милевска, Сашо Василевски, Крсто Мукоски, Владанка Авировиќ, Емилија Александрова, Љубен Аранудов, Нола Исмајловска Старова и Зекир Рамчиловиќ, дознава „Скопје1.мк“.Во Скопје, Филип Рикер ќе има средби и со претседателот Стево Пендаровски, со премиерот Зоран Заев, министерот за надворешни работи Никола Димитров и други владини претставници. Централни теми ќе бидат билатералните прашања и патот на Северна Македонија кон членство во НАТО и ЕУ. Помошникот државен секретар на САД за Европа и Евроазија, ќе разговара и со пратеници и со претставници на опозицијата, се вели во соопштението на Стејт департментот.

Македонија | пред 6 години

Павловски до Заев: Размислувај пред да отвориш уста, те молам

По интервјуто на македонскиот премиер Зоран Заев за грчката телевизија Алфа, се огласи академик Божин Павловски.„Господине Заев, за ова што си го изјавил пред грчкиот телевизиски аудиториум во држава што поседува изградени политички критериуми би морал да се засрамиш. 99 проценти од македонската наука, култура и уметност е беспрекорно коректна кон сите свои соседи. Доказ се над 70 илјади наслови на книги и публикации во нашите библиотеки и архиви. Зошто толку лаички и смртно опасно го поткопуваш нашиот духовен живот? Твоето површно гледање на работите може да го разори целиот образовен систем, кој и без тоа минува низ криза. Размислувај пред да отвориш уста, те молам“, напиша Павловски.Инаку Заев во интервјуто вели дека сме ја присвојувале светската и балканската историја како наша, македонска.

Македонија | пред 6 години

Милчин до Заев: Ме вџашува леснотијата со која ги навредувате Македонците

По интервјуто на македонскиот премиер Зоран Заев за грчката телевизија Алфа, на Фејсбук се огласи режисерот Владимир Милчин.„Господине Заев, знаете ли нација на глобусов која не присвојувала? Најголемите нации најмногу присвоиле. И територија и историја. Она што не можеле да го асимилираат, го набркале или го истребиле. Ме вџашува леснотијата со која демонстрирате скудно познавање на историјата и ги навредувате Македонците кои паметат или знаат колку и кои војски газеле овде и што оставиле зад себе“, напиша Владимир Милчин на Фејсбук.Инаку Заев во интервјуто вели дека сме ја присвојувале светската и балканската историја како наша, македонска.

Македонија | пред 6 години

Макрадули: Очекувам Трајчевски веднаш да си поднесе оставка

Заменик министерот за животна средина и просторно планирање, Јани Макрадули преку својот Фејсбук профил побара првиот човек на Агенција за медиуми, Зоран Трајчевски да си поднесе оставка поради дзинформирање на јавноста.„Очекувам Зоран Трајчевски веднаш да си поднесе оставка заради манипулациите изнесени во јавност. Се насобраа луѓе кои за да бидат објавени во медиуми си вадат од ракав наводно податливи информации, напиша Макрадули.Инаку, првиот човек на Агенција за медиуми, Зоран Трајчевски во емисијата „Код“ изјави дека Бојан Јовановски добил обезбедување од МВР како сопственик на медиум. Од МВР оваа информација ја демантираа.,,Тоа апсолутно не е точно. Бојан Јовановски немал службено обезбедување од МВР. Непрофесионално и неетички е Трајчевски, кој е на чело на регулаторно тело на кое му е работа да ја штити јавноста од дезинформации и да внимава на етиката во известувањето, самиот да шири дезинформации“- се вели во демантот од МВР.

Македонија | пред 6 години

Законот за обвинителство утре влегува во Собрание

Дебатата за новото СЈО кое повеќе нема да биде специјално, туку обвинителство за организиран криминал и виска корупција се префрла мегу пратениците. Законот за јавно обвинителство, со кој СЈО се спојува со организиран криминал во вторник влегува во Собрание, велат од министерството за Министерството за правда за Телма.-Владата во вторник законот ќе го прати во Собрание. Очекуваме своите ставови пратениците да ги кажат во Собрание, а ако имаат забелешки и да поднесат амандмани. Градењето 2/3 мнозинство ќе биде во Собранието, велат од Министерство за правда.Тие се зачудени што опозицјата не прифаќа досегашната шефица на организиран криминал Рускоска да биде на чело на новото обвинителство.-Очекуваме поддршка од сите, особено што ВМРО-ДПМНЕ кога поднесе до Министерството амандмани на претходниот текст на законот, со амандманите предложи СЈО да биде дел од ЈО за организиран криминал, а не предлагаше никакви кадровски промени во обвинителството за организиран криминал, што практично значи дека во новиот текст на законот е прифатен нивниот предлог Јавното обвинителство на чело со Рускоска да ги води случаите на СЈО. Сега зачудува измената на нивниот став по ова прашање, велат од Министерство за правда.

Македонија | пред 6 години

Рикер доаѓа во Скопје

Американскиот помошник државен секретар за Европа и Евроазија, Филип Рикер ќе ја посети Македонија, каде што ќе се сретне со претставници на владата, граѓанското општество и бизнисот, соопшти Стејт Департментот.Рикер ја почна својата турнеја со посета на Грција, а во текот на неделава ќе допатува во Скопје.Во Скопје амбасадорот Рикер ќе се сретне со претседателот Стево Пендаровски, премиерот Зоран Заев, министерот за надворешни работи Никола Димитров и други владини претставници на разговори околу билатералните прашања и патот на Македонија кон членство во НАТО и ЕУ. Дипломатот Рикер, исто така, ќе присуствува на настанот со учениците од Американското катче во Битола, покрај состаноците со пратениците, членовите на опозициската партија и претставниците на локалната власт", се вели во соопштението на Стејт департментот.

Македонија | пред 6 години

Нема фотографија

Сончево и топло, УВ индексот 9

Времето денеска ќе биде сончево и многу топло со мала до умерена локална облачност, соопшти УХМР.УВ индексот ќе биде 9. Ќе дува слаб ветер од северен правец. Минималната температура ќе се движи од 12 до 19, а максималната од 30 до 38 степени.Во Скопје, времето ќе биде сончево и топло со мала до умерена облачност и температури до 36 степени.Во вторник и среда ќе дува умерен до засилен северен ветер и ќе има услови за краткотраен локален дожд. Дневните температури ќе опаднат за 3 до 4 степени. Потоа во наредните денови повторно ќе биде стабилно и многу топло.

Македонија | пред 6 години

ГАЛЕРИЈА: Огнот го уништи едриличарскиот клуб во Струга, туристите го споредуваа пожарот со Чернобил

До темел изгоре едриличарскиот клуб "Снегар" кој се наоѓа на популарната “Машка плажа” во Струга. Чадот од пожарот надвисна на струшко-охридскиот регион, а туристите кои беа на плажите го споредуваа со експлозијата на реакторот во Чернобил.Според нашите извори, целосно уништени се комплетната опрема едрилици, даски за едрење и гумењаци.Неофицијално пожарот пеплоса 10 едрилици класа "Оптимист", 2 едрилици класа "Европа", и неколку едрикици класа "Ласер".Спасени се само две три едрилици и еден гумењак.

Македонија | пред 6 години

Нема фотографија

Не е точно дека Боки 13 имал обезбедување, велат од МВР

Министерството за внатрешни работи најостро ги демантира дезинформациите што во емисијата „Код“ на ТВ Телма ги изнесе директорот на АВМУ Зоран Трајчевски дека наводно лицето Бојан Јовановски имало службено обезбедување од МВР. Тоа апсолутно не е точно.Бојан Јовановски немал службено обезбедување од МВР. Непрофесионално и неетички е Трајчевски, кој е на чело на регулаторно тело на кое му е работа да ја штити јавноста од дезинформации и да внимава на етиката во известувањето, самиот да шири дезинформации.

Македонија | пред 6 години

Боки 13 користел обезбедување од МВР

Осомничениот за рекет, Бојан Јовановски од почетокот на оваа година користел обезбедување од МВР, отри директорот на АВМУ, Зоран Трајчевски за „Код“.„Бојан Јовановски од почетокот на оваа година имал слижбено обезбедување од МВР, поради добиени закани по емитување на серијата 'Инсајдер'“, вели Зоран Трајчевски, директор на АВМУ.Доколку МВР му дало обезбедување на Јовановски како сопственик на медиум, 1ТВ може да остане без дозвола за работа, што практично значи згаснување на телевизијата.„Доколку Јовановски добил обезбедување од МВР како сопственик на медиум, иако на формално-правно не е сопственик, тогаш станува збор за тајно содружништво, а тоа не е дозволено и во таков случај се одзема дозволата за работа“, додава Трајчевски.

Македонија | пред 6 години

МВР нема обврска да знае каде е Јанева, таа слободно може да оди на одмор иако е болна

МВР нема обврска да знае каде се граѓаните на државата во кој било момент, освен ако има налог од надлежен обвинител или надлежен суд, вели министерот за внатрешни работи Оливер Спасовски одговарајќи дали МВР знае каде е специјалната јавна пбвинителка Катица Јанева. Спасовски кажа дека ако МВР зане каде секој се наоѓа во одреден момент, тогаш тоа не е демократска држава.Истовремено, обвинителката Русковска која го води предметот за рекет врз бизнисмени, каде засега се осомничени само Боки 13 и Зоки Кичеец, вели дека нема ПИ-мерки за обвинителката Катица Јанева, а ниту забрана за напуштање на државата.Во меѓувреме, шефицата на СЈО во оставка, достави боледување во правната служба на обвинителството, а на работа се нема појавено веќе една недела. 

Македонија | пред 6 години

ВИДЕО: Опожарена плажа во Струга, изгореле едрилици и кајчиња

Огромен пожар попладнево настанал на „Машка плажа“ во Струга, а чадот се гледаше и од плажите во Охрид. Според информациите на „Скопје 1“, целосно изгорен едричарскиот клуб „Снегар“, со десетици едрилици.https://www.facebook.com/voxstruga.mk/videos/476964153089574/Последните инфорамции говорат дека опожарени се и кајчиња, кои биле чувани во еден од објектите.Противпожарната единица се обидува да се справи со пожарот, а причините засега се непознати.

Македонија | пред 6 години

Заев за Мицотакис: Тој е искусен политичар, мисли добро на своите соседи

Премиерот Зоран Заев во интервју пред изборите во Грција, вели дека Мицотакис е искусен политичар и мисли добро на својата земји и соседите. На премиерот му се познати ставовите на Мицотакис.– Ги имам следено внимателно ставовите на господинот Мицотакис, секако неговиот коментар дека договорот не е добар ни е познат. Договорот, веројатно ако гледаме низ призмата на двете земји можеби подеднакво не е добар или подеднакво е добар. Јас верувам дека сите заедно ќе гледаме напред, нема да се враќаме назад. Господинот Мицотакис е искусен политичар и сигурно и мисли добро на својата земја и на своите соседи, па и на целиот балкански регион – вели Заев во интервјуто.Инаку интервјуто е направено пред изборите во Грција и пред Мицотакис и официјално да стане премиер на земјата. Премиерот коментира дека сега Грција за нас е нов пријател и стратешки партнер и тоа не е мала придобивка.– Јас сум човекот овде во C Македонија, кој ќе остане запаметен дека под негово лидерство е сменето името на нашата земја. Но, и како во едно семејство, некогаш во животот мора да направите одредени чекори, не толку среќни, не толку што ве исполнуваат, но заради добро на децата, за добра иднина на семејството, но и на соседството заедно ги правите ваквите чекори. Сега имаме нов пријател и стратешки партнер Грција. Зарем тоа е мала придобивка која што ја добивме? Тоа е голема работа за мене – вели Заев,а пренесе МИА.

Македонија | пред 6 години

Има сведоци за уцените на Јанева упатени кон Мицковски, вели Арсовски

„Рекетарите од власта се уште молчат и се обидуваат да ги заташкаат народски кажано најважните факти кои што треба да дадат одговор.Катица Јанева заедно со нејзиниот син Лазар Јанев и Боки 13 рекетирале, уценувале и вршеле притисоци врз бизнисмени и политичари. Впрочем, ВМРО-ДПМНЕ и нејзиниот претседател Мицкоски беа предмет на уцени и притисок од самата Катица Јанева. За тоа како што рековме има и сведок кој може да посведочи доколку биде повикан претседателот во Обвинителството.Боки 13 заедно со врвот на власта, со врвот на СДСМ преку најблиските соработници на Зоран Заев кои ја уживаат доверба на Зоран Заев и безрезервна поддршка во се како што има и самиот Заев кажувано за своите соработници во интервјуата, се стекнале со изнуден рекет во вредност од десетици милиони. Засега, СДСМ и Заев по цена на штета на сите граѓани, ги кријат и се обидуваат да ги заташкаат раководните луѓе од врвот на СДСМ што рекетирале преку СЈО или таканаречените Кики и Фрики кои што се уште им го кријат идентитетот. Дали затоа што и Зоран Заев знаел и затоа тој самиот ги штити бидејќи со негова дозвола рекетирале?Каде е Катица Јанева и дали е направен распит на нејзе и на нејзиниот син? Што се е откриено во телефонот на Катица Јанева и дали навистина другиот телефон го фрлила низ прозор при запленувањето на првиот. Доколку не е фрлен низ прозор и е изгубен или оставен во Белград како што тврди нејзиниот син и што се имало во него, под претпоставка дека може да е најден од органи на друга држава и зошто Катица Јанева не го пријавила истото во моментот кога го изгубила телефонот? Зошто Катица Јанева и син и кои се дел од рекетирањето се уште не се во притвор за да не може да влијаат врз сведоци во постапката?Зошто не се соопштува колку прислушувани и снимани разговори таканаречени бомби се најдени кај рекетарите наменети за приватни цели и дали истите тие во моментот се уште кружат и се пуштени во промет за да може и други луѓе да ги рекетираат истите луѓе кои што биле предмет на уцена?Ниедна глума на Заев не може да го испере од криминалот во кој е вмешан до гуша. Заев е главата на овој рекетарски октопод и антипод на борец против криминалот и корупцијата.“, изјави порпаролот на ВМРО-ДПМНЕ, Димче Арсовски.

Македонија | пред 6 години

Мицковски за Русковска: Заев сака Катица Јанева да ја замени со Катица Јанева

Зоран Заев го легитимираше она што одамна го велам, а тоа е дека Рускоска е негов избор, и сега сака една Катица Јанева да ја замени со друга Катица Јанева, овој пат со име Вилма Рускоска. Јасно е дека овој предлог не може да се разбере никако поинаку освен како мајтапење со законите и правната држава. Па не може жената која е персонификација на нестручно работење под политичка палка да се справи со криминалот и да донесе правда вели лидерот на ВМРО – ДПМНЕ, Христијан Мицкоски во интервју за „Република’. Тој зборува за случајот „Рекет“ и низата нејаснотии кои се отвораат – зошто нема обвинение против специјалната обвинителка Катица Јанева, зошто Заев е нем за Кики и Фрики…Премиерот Зоран Заев одлучи да поднесе предлог на закон за организирање на Обвинителство за гонење на организиран криминал и висока корупција, Вие сте против таквиот закон, кои се причините? Очекувате ли доближување на ставовите?Мицкоски: Предлогот на власта не е предлог за воспоставување на обвинителство кое ќе биде независно и кое ќе гони вистински криминал, туку намерата е воспоставување на обвинителство кое ќе биде по теркот на Заев и во функција на криминалниот октопод. Откако увиде премиерот дека ова постојно СЈО е компромитирано пред сé поради политичките влијанија кои тој и неговите луѓе ги вршат врз тоа обвинителство, дополнително притиснато од коруптивниот скандал во кој учествува првиот човек Јанева, тој практично го прифати предлогот на ВМРО-ДПМНЕ да не се даде нов живот на тоа СЈО, туку да се формира ново обвинителство во рамките на постојното Јавно Обвинителство кое ќе се занимава со гонење на висока корупција и криминал. Но проблемот настанува кога Зоран Заев сака на сила да протурка решение кои би било ново СЈО затоа што тоа исто обвинителство би го воделе компромитирани кадри, па дури истите од ова постојното СЈО, со задача да му помогне на Заев да остане на власт, исто како што му помогна да дојде. И што би се случило хипотетички, би се продолжил случајот Талир кој е случај против ВМРО-ДПМНЕ и кој е исклучиво политички конструиран, а позади тоа би се амнестирале вистинските криминали на власта. Едноставно Владата покажува дека не е за сериозна пресметка со корупцијата и се става во улога да штити корупција. Тие трета година ја имаат одговорноста да ја водат државата, а зад себе немаат ниту една правна разрешница на некој криминален скандал. Ние не може да си дозволиме едно урнисано СЈО да го замениме со друго, како и да се вика новото, но тоа да биде еднакво неквалитетно, непрофесионално и корумпирано како постојново.Рускоска е предлогот на Заев за нов јавен обвинител на тој нов оддел. За Вас ова не е прифатливо. Зошто?Мицкоски: Заев го легитимираше она што одамна го велам, а тоа е дека Рускоска е негов избор, и сега сака една Катица Јанева да ја замени со друга Катица Јанева, овој пат со име Вилма Рускоска. Јасно е дека овој предлог не може да се разбере никако поинаку освен како мајтапење со законите и правната држава. Па не може жената која е персонификација на нестручно работење под политичка палка да се справи со криминалот и да донесе правда. По овој терк фали уште Кацарска да стане врховен судија или претседател на Апелација, па Зоран Заев комплетно да го деградира судството за да може слободно да се додаде префиксот СДСМ во имињата на овие институции. Зоран Заев како што ја фалеше Катица Јанева сега ја фали Вилма Рускоска, и да ви кажам тоа треба да не загрижи, зашто првава е дел од афера тешка неколку милиони евра, а вторава,  како демек има улога да ја расветли, ама никако да стигне до Јанева, нејзините соработници од врхушката на власт, па дури и првиот човек на власта. Ви се молам, ова се сериозни работи, и сметам дека никако не може вака една одговорна функција да се препушти на такви кадри.Целото интервју прочитајте го на РЕПБУЛИКА.МК

Македонија | пред 6 години

Аеродромци не дозволуваат зависници од дрога да се лекуваат во нивната општина, стравуваат дека децата ќе им бидат нападнати

Зависниците од дроги кои треба да се лекуваат во поликлиниката Јане Сандански, не се добредојдени за локалните жители. Тие денес на протест побараа министерот Филипче да ја поништи одлуката, бидејќи како што велат, во близина има улилишта и градинки, па стравуваат дека нивните деца можат да бидат нападнати.„Овој протест е револт по одлуката на министерот Филипче тука да се лечат зависници од дрога. Мислим дека моите деца можат да бидат нападнати од зависници, бидејќи сум видела како се лечат, а притоа, бараат пари. Нека се отворат посебни места каде ќе примаат терапија. На пример во Драчево или Лисиче. Таму нека се лечат, таму каде нема многу население. Три простории можат да се напраат за три месеци“, вели Оливера Стефановска, жителка на Аеродром.На протестот беше и ексградоначалникот Ивица Коневски кој ги поддржа протестите. Тој вели дека масовноста ќе се зголемува.„Сметаме дека одлуката е скандалозна бидејќи објективно проблемот на Кисела Вода ќе биде решен, но ќе биде префрлен на други три места. Тоа секојдневие кое го има во Кисела Вода ќе се префрли тука. Бараме одлуката да се повлече. Решението треба да го најде Филипче. Масовноста ќе се зголемува од ден на ден ако одлуката не се промени. Нема расположение ниту зависниците привремено да останат тука“, рече поранешниот градоначалник на Аеродром, Ивица Коневски, кој беше присутен на протестот.

Скопје | пред 6 години

Запленетите возила и пловила проценети на над 1.000.000 евра

Возилата кои вчера навечер ги заплени државата како дел од истрагата за случајот „Рекет“ вредат повеќе од 1 милион евра.Во кругот на охридската „Касарна“ се наоѓа пловило кое вреди повеќе од 100.000 евра, а запленети се џипови, мотори, и скутери за забава на вода.Извори во истрагата информираат дека биле вршени претреси во повеќе објекти сопственост на Зоран Милески Кически на територија на општините Охрид и Дебрца.Неофицијално заплените ќе продолжат понатаму врз недвижен имот.

Македонија | пред 6 години

Заев вели од септември раст на платите, а од јануари и пензиите

„ Откако ги решивме сите големи политички прашања останува да го зголемиме економскиот стандард и главна задача е раст на платите, пензиите и капиталните инвестиции за подиректна благосостојба за сите граѓани“, изјави премиерот Зоран Заев. Тој додаде:„ Влегуваме комплетно со сите свои перформанси. Тевдовски останува да работи околу мене, веројатно и како советник во тој дел. Следуваат храбри решенија и храбри одлуки, каде бенефит треба да имаат сите граѓани и во делот на социјалниот аспект и во делот на земјоделието и пензиите и платите. Кога веќе се решени сите големи политички прашања на нашата земја останува да го зголемиме економскиот стандард“– изјави Заев.Премиерот додаде дека наесен е можно да има ребаланс. Најави дека од септември ќе има зголемување на платите во голем дел од јавната администрација, додека од 1 јануари се очекува да се овозможи и раст на пензиите.Тој изрази уверување дека до крајот на годината ќе имаат доволно финансии и капацитети за зголемување на пензиите од 1 јануари 2020 година. 

Македонија | пред 6 години