ГЛАВНИ-ВЕСТИ

Јанева ги избегна новинарските прашања, јавноста повторно не доби одговори

Катица Јанева избегне да  одговара на новинарски прашања. Таа не даде одговор на најважните прашања  кои  се во интерес на јавноста како што се: Дали оставката е поради случајот „Рекет“ , Зошто нејзиниот син лажеше кога кажа дека вториот телефон е загубен во Белград, а истиот со избришани податоци беше беше пронајден вчера.Инаку Катица Јанева е единствениот овластен потписник во СЈО.  На Јанева, која на 15 јули депонираше оставка, а веќе утредента отвори боледување, минатата недела ѝ беше одземен едниот телефон за да се провери нејзината комуникација со првоосомничениот во случајот „Рекет“ Бојан Јовановски – Боки 13, а вчера Обвинителството за организиран криминал и корупција го најде и вториот телефон, за кој таа тврдеше дека ѝ бил изгубен.

Македонија | пред 6 години

Катица Јанева ќе даде изјава за новинарите

Новинарите стрпливо ја чекаат специјалната обвинителка која поднесе оставка Катица Јанева пред СЈО, каде таа предмалку пристигна.Јанева ќе треба на јавноста да и одговори дали е дел од случајот „Рекет“, која била нејзината улога, како и зошто поднесе оставка и од што е болна. Покрај ова Јанева ќе треба да каже и зошто нејзиниот  син лажеше кога кажа дека вториот телефон е загубен во Белград, затоа што во текот на вчерашниот ден е пронајден и вториот мобилен телефон на јавниот обвинител по кој се трагаше и тоа со избришани податоци, а новиот сопственик на истиот кажал дека му е даден на подарок.Неофицијално Јанева ќе се сретне со новинарите околу 1:30.

Македонија | пред 6 години

(ФОТО) Маж со пушка пука во кучиња кај поранешната А1 телевизија

На социјалните мрежи се појавија фотографии од маж со пушка во раката за кој очевидци велат дека пукал во кучиња кај просториите на поранешната А1 телевизија.Ова се случува откако пред неколку дена куче беше живо запалено во гевгелиско Стојаково. 

Скопје | пред 6 години

Катица Јанева се појави во СЈО, ќе успее ли да ги одбегне новинарите?

Специјалната обвинителка Катица Јанева која поднесе оставка, но сеуште ја обавува функцијата до назначување на нејзин наследник, денеска се појави во просториите на СЈО, дознава Алсат. Дополнителни информации сѐ уште не се откриваат, но пред влезот на Специјалното обвинителство веќе се собираат новинарски екипи.

Македонија | пред 6 години

Нема фотографија

Законот со кој Русковска ќе ја замени Јанева може да се излгаса и пред септември, вели Џафери

На брифинг со новинари веднаш по средбата со амбасадорката, Џафери соопшти дека новиот закон, со кој се решава статусот на СЈО може да биде донесен и до крајот на август, ама дека тоа зависи од позициите на политичките партии, со оглед на тоа што законот треба да се донесе со 80 гласови.Се очекува владата на денешната седница да го донесе законот што минатата седмица го најави премиерот Зоран Заев и тој веднаш да биде доставен во парламентот.

Македонија | пред 6 години

Податоците од вториот телефон на Јанева се избришани, пронајден е во Скопје синот тврдеше дека го изгубила во Белград

Лазар Јанева, синот на Катица Јанева, тврдеше дека неговата мајка телефонот го изгубила во Белград, Србија. Ова го кажа откако Обвинителството обзнани дека полицијата не може да го заплени вториот мобилниот апарат, кога во понеделникот вршеше претрес во нејзината куќа.Телефонот на Јанева е најден во Скопје, наместо во Белград, неофицијално дознава „Скопје1.мк“. Уредот бил подарен на трето лице соопшти Обвинителството, но не се знае од каде е набавен, односно кој и кога го подарил.Со тоа што телефонот бил изгубен, а потоа пронајден кај трето лице, податоците од него се целосно избришани, а непознато е дали ќе можат да се вратат со помош на „бекап“ алатка.По дадени насоки на Основното јавно обвинителство за гонење на организиран криминал и корупција, во текот на вчерашниот ден е пронајден вториот мобилен телефон на јавниот обвинител по кој се трагаше.По издавање на првата наредба за одземање на мобилните телефони, беше пронајден само еден мобилен телефон и беше дадена информација дека вториот мобилен телефон бил изгубен. Обвинителството со издадено барање до мобилните оператори за следење на IMEI- меѓународен идентитет на мобилна опрема на телефонот, го пронајде мобилниот телефон кај друго лице. 

Македонија | пред 6 години

Стотици казни за возачи во Скопје: Поради пијанство, голема брзина, поминување на црвено, нерегистрирани возила

Во текот на изминатиот ден на подрачјето на Секторот за внатрешни работи Скопје преземени се мерки и активности и констатирано е дека 69 возачи управувале возила со брзина поголема од дозволената.Од сообраќај исклучени се 22 возачи од кои: двајца возачи управувале возило под дејство на алкохол, 19 возачи затоа што управувале возила без да се стекнат со право за управување на моторно возило и еден возач почетник затоа што не се придржувал на законските ограничувања.Исто така, исклучени од сообраќај се и 20 возила затоа што 19 не биле регистрирани  и едно затоа што било техничи неисправно.Санкционирани се четири возачи поради поминување на крстосница на црвено светло, двајца возачи поради недавање првенство на минување на пешаци, еден поради неправилно престигнување, 22 возачи на мотоцикли затоа што не носеле заштитен шлем-кацига, 19 возачи поради неносење сигурносен појас за време на управување на моторно возило и 14 возачи поради користење на мобилен телефон при управување на возило.Во однос на пешаците, санкционирани  се шест пешаци поради поминување коловоз вон пешачки премин. Во текот на изминатиот ден издадени се 69 мандатни платни налози и 48 возила се подигнати со специјално возило „пајак". Во текот на изминатиот ден се случиле 21 сообраќајни незгоди во кои едно лице се здобиле со тешки телесни повреди и осум лица се здобиле со телесни повреди.

Скопје | пред 6 години

Борисов не го викнал Заев за да разговараат за Камчев, тврди премиерот

Бојко Борисов во никој случај не ме повика за македонскиот бизнисмен Орце Камчев, кој е под истрага. Тој не би дозволил такво нешто, бидејќи тој е европски премиер и го почитува владеењето на правото, изјави премиерот, Зоран Заев, во интервју за бугарската телевизија БГНЕС, прашан за случајот „Рекет“ и објавените инфрмации во медиумите дека Софија наводно бара да биде заштитен Камчев кој е под истрага.–Ние сме европска земја и сакаме да зборуваме за иднината и да направиме модерна политика. Ова е политика што ја прават Макрон и Меркел, политика ориентирана кон иднината, која им дава перспективи на младите – рече Заев.

Македонија | пред 6 години

Пронајден вториот телефон на Катица Јанева, лицето кај кој е пронајден кажал дека му го дале како подарок

Обезбеден е и вториот мобилен телефон во истрагата за противзаконито влијание и перење пари.По дадени насоки на Основното јавно обвинителство за гонење на организиран криминал и корупција, во текот на вчерашниот ден е пронајден вториот мобилен телефон на јавниот обвинител по кој се трагаше.По издавање на првата наредба за одземање на мобилните телефони, беше пронајден само еден мобилен телефон и беше дадена информација дека вториот мобилен телефон бил изгубен. Обвинителството со издадено барање до мобилните оператори за следење на IMEI- меѓународен идентитет на мобилна опрема на телефонот, го пронајде мобилниот телефон кај друго лице.По што, со наредба на судија на претходна постапка телефонот е одземен. Притоа лицето изјави дека телефонот е добиен на подарок. Основното јавно обвинителство за гонење на организиран криминал и корупција во континуитет ги преземеа сите дејствија и мерки во насока на целосно расчистување на кривично правниот предмет.Со цел утврдување на натамошни факти, мобилниот телефон по наредба на обвинителството ќе биде предмет на вештачење. Истовремено, обвинителството испитува дали вториот мобилен телефон бил средство на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.

Македонија | пред 6 години

ВИДЕО: Село гори, Катица се чешла (ремикс)

По објавата дека Катица Јанева додека користи боледување, оди по фризерски салони за да се разубави, на социјалните мрежи има низа од негативни коментари.Додека сите се прашуваат што ќе биде со СЈО и со предметите кои ги отвори, Јанева се крие од јавноста. Од тука и констатацијата, „село гори, а баба се чешла“.https://www.facebook.com/skopje1mk/videos/2315901725390249/

Магазин | пред 6 години

Заев за предлог-законот за обвинителство и Русковска ќе добие поддршка од осумте независни пратеници

На денешната владина седница, на предлог на Министерството за правда ќе биде разгледан Предлог – законот за јавното обвинителство, како и Предлог – законот за изменување и дополнување на Законот за Советот на јавни обвинители на Република Северна Македонија, соопштија утринава од Владата.Се уште е неизвесно, дали Заев ќе има 80 пратеници за да се изгласаат овие закони во Собранието. Според неофицијални информации, поддршката ќе ја бара од осумте пратеници дел од Независната пратеничка група на ВМРО-ДПМНЕ и коалицијата. Од друга страна, од ВМРО-ДПМНЕ велат дека овие закони не смеат да се донесат без опозицијата.Како што претходно најави премиерот, Зоран Заев, новиот предлог Закон за јавно обвинителство предвидува интегрирање на СЈО во Обвинителството за организиран криминал и корупција, што го води обвинителката Вилма Русковска. Од ВМРО-ДПМНЕ, пак, вчера најавија дека ќе бараат нов состав на Советот за јавни обвинители, кој ќе избере нов шеф на ова Обвинителство.

Македонија | пред 6 години

Неверојатен напредок во отстранувањето на бариерите во ставовите за децата со попреченост!

Новото истражување за знаењата, ставовите и практиките на јавноста кон децата со попреченост покажува дека земјата постигна неверојатен напредок во отстранувањето на бариерите во ставовите кои ги спречуваат децата со попреченост да го заземат своето заслужено место во општеството.Речиси сите анкетирани сега сметаат дека е прифатливо нивното дете да биде сосед, познајник, соученик и другар на деца со попреченост. Сѐ поголем број граѓани редовно комуницираат со деца со попреченост и сметаат дека тие треба да учат во редовните училишта, заедно со нивните врсници, пишува УНИЦЕФ.„Стигмата честопати постои поради сознанија изградени врз стереотипи. Немањето информации, заблудите, изолацијата и сегрегацијата ги одржуваат ваквите стереотипи - па најдобар начин за решавање на стигмата е да се прекинат стереотипите“, рече г. Бенџамин Перкс, претставник на УНИЦЕФ. „Резултатите од истражувањето покажуваат дека кога на децата со попреченост ќе им дадете можности да ги покажат своите способности, општеството може да  ја надмине стигмата која ги спречува децата со попречност да се вклучат и да учествуваат во општеството“.Истражувањето, првично спроведено на почетокот од 2014 г., послужи како појдовна основа за интервенции околу унапредување на правата на лицата со попреченост. Многу организации, вклучувајќи ја и Владата, работеа во таа насока. Последователното истражување покажува дека е остварен неверојатен напредок во отстранување на пречките во знаењата и ставовите за инклузијата. Клучните наоди се:Значително повеќе луѓе - 62 проценти (2018) во споредба со 45 проценти (2014) - потврдуваат дека познаваат дете со попреченост и дека имаат почести контакти со него.Повеќе од 90 отсто (2018) сега сметаат дека е прифатливо нивното дете да биде сосед, познајник, соученик и другар на деца со попреченост. Ова не беше случај во 2014 година, кога во просек 32 проценти сметаа дека е прифатливо нивното дете да биде соученик на дете со попреченост.Јасно мнозинство - 86 проценти (2018) во споредба со 58 проценти (2014) - разбираат дека општеството и околината треба да се прилагодат за да одговорат на потребите на децата со попреченост - пристап втемелен во Конвенцијата за правата на лицата со попреченост.Многумина - 73 отсто (2018) во споредба со 55 отсто (2014) - веруваат дека инклузивното образование им користи како на децата со попреченост, така и на децата без попреченост, така што придонесува за подобрување на социјалните вештини, толеранцијата и почитувањето на различностите.Постои шесткратно зголемување – од 4 проценти (2014) на  24 проценти (2018) - во бројот на луѓе кои веруваат дека најдобар пристап кон образованието на децата со попреченост е да одат во редовни училишта и да учествуваат во редовна настава заедно со своите врсници без попреченост.Иако другите ја поддржуваат идејата децата со попреченост да одат во редовни училишта, 18 отсто сметаат дека тие треба да одат на посебни часови со врсниците; а 22 проценти сметаат дека треба да има одвоени паралелки. Бројот на лица кои веруваат дека децата со попреченост треба да посетуваат специјални училишта се намали од 48 проценти (2014) на 31 процент (2018).„Позитивните промени во знаењата, ставовите и практиките во општеството треба да бидат проследени со забрзано спроведување на политики и програми за претворање на инклузијата во реалност за десетици илјади деца и возрасни со попреченост во земјата“, рече г. Бенџамин Перкс, претставник на УНИЦЕФ.  „Веруваме дека ова ќе покрене демократски барања за поголема инклузија и дека ќе ја забрза имплементацијата на системските реформи кои се во тек, за да се обезбеди секое дете да ја добие поддршката што му треба да оди на училиште со своите врсници, да добие здравствени и социјални услуги, и за да се стави крај на исклучувањето, изолацијата и институционализацијата на децата со попреченост“, рече г. Перкс.„Последователното истражување за знаењата, ставовите и практиките кон инклузијата на децата со попреченост“ беше спроведено како дел од пошироката програма поддржана од УНИЦЕФ за унапредување на правата на децата со попреченост, исто така поддржано од регионалниот проект „Заштита на децата од насилство и промовирање социјална инклузија на децата со попреченост во Западен Балкан и Турција“ поддржан и финансиран од ЕУ и УНИЦЕФ. Како дел од овие интервенции беше спроведена кампањата  „Биди фер за детство без пречки“која поттикна дискусија за стигмата кон лицата со попреченост.

Македонија | пред 6 години

Грчкиот парламент изгласа доверба на новата Влада

Со 158 гласа „за“ и 142 „против“ Владата на Кирјакос Мицотакис доби доверба од грчкиот Парламент.Расправата траеше три денa, почнувајќи во саботата попладне, а завршувајќи синоќа.Владата ја доби поддршката само од пратениците од Нова демократија.Од собраниската говорница се обратија  155 пратеници од кои 33 министри, 108 пратеници, лидерите на политичките партии и Мицотакис.Тој претходно пред пратениците ја претстави владината програма.

Свет | пред 6 години

Хан и Рикер доаѓаат да го оправат СЈО, по скандалот со Јанева

Дипломатски притисок или редовни посети. Јоханес Хан и Филип Рикер во само два дена неделава ќе имаат среби со државниот и политички врв на земјава со кои сигурна тема за разговор ќе биде новиот законт за СЈО кој утре влегува во собраниска процедура, но и скандалот кој го терсе СЈО со инволвираноста на специјалната јавна обвинителка во случајот „Рекет“. На дневен ред на средбите на двајцата високи допломати на ЕУ и САД ќе се најде избегнувањето на можноста од нова политичка криза, во која како увертира може да се топлкува одбивањето на ВМРО-ДПМНЕ да учествува на лидерска средба освен ако таа не е за предвремени избори.Посетите коинцидираат со новонастаната ситуација поврзана со СЈО и влегувањето во Собрание на новиот предлог-закон за јавното обвинителство, така што не е исклучено да се примени и дипломатски притисок.Лидерската средба по ова прашање која што ја иницираше Заев не се одржа минатиот петок откако лидерот на ВМРО-ДПМНЕ, Христијан Мицкоски, одби да учествува, по што шефот на Владата истакна дека од решавањето на судбината на СЈО, чиј мандат завршува во септември, зависи и добивањето на Датум за преговори од ЕУ.

Македонија | пред 6 години

ВИДЕО: Катица Јанева снимена во фризерски салон, иако е на боледување

Специјаланта јавна обвинителка Катица Јанева е снимена додека се разубавува во фризерски салон. Снимките покажуваат како Јанева најпрво ја мие косата, а потоа се фенира.Локацијата каде е снимена Јанева засега е непозната, а снимките се објавени на фејсбук профил кај девојка која била во истиот фризерски салон. Засега не е познато ниту кога е снимено видеото. Девојката која го снимила видеото, тоа го правело скришно, за да не ја откријат.Кај корисникот кој ги објави снимките пишува дека живее во Париз, Франција, а дека потекнува од Скопје.Јанева користи боледување издадено од матичен лекар. Таа не се појавила на своето работно место од минатиот понеделник, кога и поднесе оставка, а истовремено, ги уапсија Боки 13 и Зоки Кичеец.

Македонија | пред 6 години

ВИДЕО: Целото интервју на Заев за грчка телевизија кое предизвика револт кај јавноста

Интервјуто на премиерот Зоран Заев за грчката телевизиска станица „Алфа“ кое беше емитувано на 20 јуни 2019 година, веќе предизвика низа коментари во македонската јавност. „360 Степени“, во соработка со овластен преведувач од грчки јазик, ви го пренесува инегрално целото интервју на Зоран Заев емитувано на 20 јули 2019 година на Алфа ТВ од Грција.-Нашиот јазик е со словенско потекло и е дел од групата на јужнословенски јазици. Тој јазик е верификуван уште ’74 година во Обединетите нации и, точно е, како дел од групата на јужнословенски јазици. Да, ’77 година, веројатно да. И што кажува ова, дека преку Договорот ние го потврдуваме она што го чувствуваме – немаме никакви претензии спрема Грција, го почитуваме целосно грчкото наследство, коешто го има, затоа што грчкото наследство е и светско богатство, но секако ние немаме намера или аспирации тоа наследство да го превземеме. Ние си имаме наше посебно, ние сме млада нација којашто нашите корења ги влече од јужнословенската историја и култура којашто дефинитивно го отсликува и нашиот јазик како македонаски јазик, како дел од словенската група јазици, вели Заев на едно од прашањата.Целото интервју можете да го погледнете на овој линк.

Македонија | пред 6 години

Се плаши ли ДУИ од Рускоска?

Сите партии имаат свои барања, но заеднички именител им е противењето, обвинителката Вилма Рускоска да раководи со новото обвинителство.Од БЕСА, пак, испорачаа пакет услови, од кои клучен е датум за предвремени парламентарни избори.ДУИ велат дека, предлогот е добра основа за да се најде компромисно решение, но за Рускоска се воздржани.Осумтемина пратеници од независната пратеничка група, не сакаа да се изјаснат денеска, а од Алијанса за Албанците најавија дека ќе поднесат амандмани во најмалку три члена од законот. Бараат и главниот обвинител да биде човек делегиран од ЕУ, а сите обвинители вмешани во криминал да заминат од обвинителството.Поддршката за законот ќе зависи од тоа дали ќе им бидат прифатени амандманите. И покрај сите овие условувања, од СДСМ се убедени дека ќе го постигнат неопходното двотретинско мнозинство од  80 пратеници, иако не откриваат како.

Македонија | пред 6 години

Затворениците се сместени во руини и во нечовечки услови, а во затворите избилува корупција и насилство

Трошни, влажни, небојадисани, руинирани. Такви се ќелиите во блоковите Б и Ц во истражниот затвор Скопје во Шутка. Исто онака како пред скоро триесет години. Ова го призна директорот на затворот Есад Рахиќ на денешната јавна дебата во Собранието за состојбата во затворите во Македонија.Култниот „Тетовирање“ и денес совршено ја отсликува состојбата во казнено поправните домови низ земјава. А, ако се продолжи со ова темпо, токму тоа ќе ни биде пречка и за преговори со Европската Унија, алармираше денеска на собраниска дебата, новиот директор на затворот Шутка.Нечовечки услови, дефицит на финансии и кадар, отсуство на здравствена заштита и мерки за ресоцијализација. Ова се дел од болните точки што ги нотирале и пратениците, кои биле во посета на затворите. Дел од надлежните пак, велат наследиле систем од долгови, па побараа повеќе пари за инвестиции.„По посетите во затворите, верувајте ми, четири-пет дена не можев да дојдам при себе, не се чувствував добро.“ - изјави Мирсада Емини Асани – пратеничка од ДУИ.„Потребен е ребаланс на буџетот и за 2019-та година и зголемување на буџетот за 2020 година.“ - потенцираше Билјана Зефиќ – заменик директор на Управата за извршување на санкции.Сепак, освен инфраструктурата, аномалиите на казнено-поправниот систем се подлабоки - корупција, дискриминација, насилство.

Македонија | пред 6 години

Фетаи предвреме се вратила од одмор, откако дознала за оставката на Јанева и поврзаноста со случајот „Рекет“

Обвинителката Фатиме Фетаи, која беше на одмор кога шефицата на СЈО, Катица Јанева даде оставка, предвреме се вратила во земјава, дознава „Скопје1.мк“.Според нашите извори во СЈО, Фетаи била затекната од ситуацијата и информациите за случајот рекет, по што го прекинала одморот и се вратила во земјава.За оставката и вмешаноста на Јанева во ректетот  кој го изнудувале Боки 13 и Зоки Кичеец, дознала од медиумите.Минатата недела, тимот на Катица Јанева се огради од неа. Обвинителката Ристовска рече дека тој став делат и обвинителите кои не се присутни во СЈО, меѓу кои и Фетаи.

Македонија | пред 6 години

Заев: „Не може мене да ми се накалемува нешто што не јас, туку Груевски и неговата идеолошка машинерија го правеа“

Интервјуто  на премиерот Заев за грчка Алфа во кое тој вели дека сме ја присвојувале туѓата и балканска историја како своја предизивика силни реакции во јавноста.Токму поради тоа попладнено преку социјалната мрежа се огласи премиерот. Тој на ФБ напиша:„Јас многу често и подолго време јавно говорам за злоупотребата на историјата во политички цели. Така беше и на интервјуто за грчката телевизија Алфа на која бев прашан и одговарав за минатите штетни политики на национализам и антиквизација.Не може мене да ми се накалемува нешто што не јас, туку Груевски и неговата идеолошка машинерија го правеа 10-11 години.Не присвојуваа Македонците туѓа историја, туку Груевски и неговата политичка елита и нивните послушници квазиексперти кои тргнаа во мемдиумска офанзива да оправдаат идентитетски инжинеринг.Не македонскиот народ, туку Груевски и неговата пропаганда спроведоа идентитетски инжинеринг за да насадат нешто што не е природен, ниту суштински дел од македонскиот национален корен.Спроведоа масивна и масовна културолошка операција наречена антиквизација за да букефализираат цел еден народ и со тоа да нѐ скараат со сите соседи. Им успеа цела деценија да нѐ држат во изолација.И додека врвеа и ги поттикнуваа наводните дебати за тоа кои сме и што сме, нѐ фрлија во изолација и ги фрлија во мрачните подруми нашите приоритети - ЕУ и НАТО. Го уназадија и блокираа целиот процес.И додека го правеа тоа, зад таа димна завеса, ги извршија сите криминали и политички злосторства заради кои сега се соочуваат со правдата.Јас ја вложив целата моја политичка сила за да решам прашања за иднината и за сите идни генерации.Нашата земја и нашиот народ се справија со антиквизацијата и јас ќе продолжам да зборувам јавно за потребата од мир и соработка на Балканот, но и за моментите од заедничката историја кои ги спојуваат и поврзуваат нациите“, напиша премиерот Зоран Заев на социјалната мрежа фејсбук. 

Македонија | пред 6 години

Нема фотографија

Новиот закон за ЈО предвидува и формирање на специјализираното судско одделение

Новиот предложен закон за Јавно Обвинителство со кој СЈО ќе се спои со Јавното обвинителство за гонење на организиран криминал, предвидува и формирање на специјализираното судско одделение каде ќе им се суди на случаите отворени од досегашното СЈО и новоформираната Јавно Обвинителство за гонење на организиран криминал и висока корупција, објави civilmedia.mk.Ова се предвидува со членот 30 алинеа 4 на првичниот текст на предлогот кој власта му го испрати на ВМРО-ДПМНЕ за време на преговорите, а како што дознава ЦИВИЛ Медиа, истото решение било пренесено и во финалниот текст на предлог законот кој утре ќе влезе во собраниска процедура.“Јавното обвинителство за гонење на организиран криминал и корупција постапува пред специјализираното судско одделение надлежно за судење на дела од областа на организираниот криминал и корупција, во Кривичниот суд Скопје”, се вели во првичниот текст кој се најавува дека е пренесен и во најновиот предлог закон, пишува civilmedia.mk..Текстот во целост на: civilmedia.mk 

Македонија | пред 6 години

Героски: Жаки, Коки и Раки - 400.000 евра рекет?!

Новинарот Бранко Героски синоќа на својот фејсбук профил објави статус во кој вели:ЖАКИ, КОКИ И РАКИ - 400.000 ЕВРА РЕКЕТ?!Жаки, важна фаца во телекомуникацискиот бизнис, дал изјава каде што треба, дека Коки му изрекетирал 400.000 евра. 300.000 евра зел Коки, а 100.000 евра биле за Раки, важен човек од власта. Така признал Жаки. Така ми шепна врапчето денеска...https://www.facebook.com/branko.geroski/posts/2295387307249618

Македонија | пред 6 години

Миле Јанакиевски повторно префрлен во болница

Поранешниот министер за транспорт и врски, Миле Јанакиески, денеска повторно е префрлен во една скопските приватни клиники поради преглед за итна здравствена интервенција, потврди за „А1 он“, неговиот адвокат, Александар Новаковски.Новаковски изјавил дека дека во четвртокот при прегледот на Јанакиески му биле констатирани два здравствени проблеми, од кои едниот можел да се третира како итна интервенција.„По одобрение на судот и затворската управа е пренесен на преглед во приватна клиника“, рекол Новаковски за „А1 он“.Јанакиески веќе еднаш беше примен на преглед откако се пожалил на болки, по прекинот на штрајкот со глад..

пред 6 години

Инспекторот Илиевски поднесе прекршочна пријава против Тетовскиот Универзитет и ректорот

Просветниот инспектор Ѓорѓи Илиевски покрена барање за прекршочна  постапка за Тетовскиот Универзитет и до ректорот Вулнет Амети.  Барање до Основниот суд во Тетово, за поведување прекршочна постапка против Државниот тетовски универзитет и неговиот ректор, упати вишиот просветен инспектор Ѓорги Илиевски, поради непочитување на неговите решенија за укинување на незаконски стекнатите виши звања на тројца функционери од ДУИ и поради непојавување на претставниците од универзитетот на закажаното порамнување, денеска.„Денеска беше закажано во 10 часот да дојдат. Истите не дојдоа и јас направив записник за порамнување, бидејќи не се тука и барање за поведување на прекршочна постапка до Основниот суд во Тетово. Понатаму, ќе поднесам, исто така и кривична пријава и до ЈО и до другите институции, надлежни за овие состојби кои се случуваат на Тетовскиот универзитет“, рече Илиевски на средбата со новинарите.Инспекторот се жали и на нетранспарентност во процесот. Откако второстепената комисија одлучи дека тој не бил во право, Илиевски нема увид во нивниот втор надзор за унапредувањата.Случајот со  незаконски стекнатите виши звања на тројца функционери од ДУИ  го разгледува и Антикорупциската комисија. 

Македонија | пред 6 години

Заврши вештачењето на телефонот на Јанева

Завршено е вештачењето на одземениот мобилен телефон на специјалната јавна обвинителка Катица Јанева, изјавија од Обвинителството за весникот Вечер.Според обвинителството, денеска е завршено вештачењето, но во интерес на натамошната истрага, деталите засега, нема да се споделат во јавноста.Што е констатирано при вештачењето, ќе биде обелоденето кога ќе се создадат услови за тоа, изјавија од обвинителството за весникот Вечер.Едниот телефонот на Јанева и беше одземен по барање на судот дента кога беше уапсен Бојан Јовановски. Вториот мобилен, како што објави обвинителката Вилма Рускоска, повикувајќи се на изјава на синот на Јанева бил изгубен во Белград.извор: Вечер 

пред 6 години