ГЛАВНИ-ВЕСТИ

Димитров: Избирачкиот список не е реален

Министерот за надворешни работи, Никола Димитров, изнесе неколку факти за референдумот, посочувајќи дека избирачкиот список не биле реален што влијаело на цензусот и негово неисполнување. Димитров посочува дека позициската ВМРО-ДПМНЕ не учествуваше во рферендимот, затоа што, како што вели, партијата се плашела од пораз.„Дали е факт дека на референдумот не гласаа повеќе од половината граѓани (903.169) од вкупно запишаните на избирачкиот список (1.806.336)? Да.Дали е факт дека избирачкиот список не е воопшто реален, ако се земат предвид податоците на Фондот за здравствено осигурување? Да. 416.382 се малолетни лица, без право на глас, од вкупно 1.872.466 осигуреници. Дали стотици илјади граѓани ни се иселени? Да.Дали е факт дека референдумот беше консултативен, односно незадолжителен? Да.Дали е факт дека без формална излезност, одлука на народот, одлуката се враќа на институциите? Да.Дали е факт дека со постигната излезност беа потребни само 441.585 гласови ЗА? Да.Дали е факт дека имавме 609.813 гласови ЗА? Да. Тоа значи дека не ни требаа повеќе гласови ЗА, туку повеќе гласови ПРОТИВ. Дали е логично да фалат гласови ПРОТИВ, за резултатот да биде ЗА? Не е.Дали е факт дека 609.813 граѓани се поголемо мнозинство од сите граѓани кои гласале на парламентарните избори во 2016 (1.191.854) и од сите кои гласале на локалните избори во 2017 (1.079.876)? Да.Дали е факт дека во програмата на ДПМНЕ на страна 295 пишува дека референдумот ќе биде успешен доколку го поддржат мнозинство од граѓаните кои ќе ИЗЛЕЗАТ да гласаат, а не мнозинство од запишаните на избирачкиот список? Да. Еве цитат:“ВМРО-ДПМНЕ, како одговорна и народна партија, нема да дозволи кое било решение за спорот кој го наметна Грција, да биде прифатено од страна на политичари поединци, Влада или Собрание, без претходно за тоа да се изјаснат македонските граѓани на референдум, а при тоа мнозинството од граѓаните кои ќе излезат на референ- думот да се согласни со можното решение.”Дали е факт дека прашањето за референдумско консултирање на граѓаните за прашањето за името беше воведено од сегашната опозиција за сега да “апстинираат”? Да.Дали е факт дека се плашеа од пораз и решија да не учествуваат (секоја чест на исклучоците) и да се кријат зад иселените, кои решиле да си ја бараат Европа надвор од Македонија? Да.Дали е факт дека ова мнозинство граѓани, кое би победило и на парламентарните во 2016 и на локалните во 2017 сака Македонија да оди напред? Да.Дали Собранието ќе најде сила да го слушне гласот на мнозинството? Гласот на народот? Ќе видиме деновиве.Да имаше еден, ЕДЕН глас ПРОТИВ повеќе, ќе се поклоневме и ќе креневме раце. Но со вака убедливо мнозинство ЗА, наша должност кон народот е да најдеме начин да зачекориме напред, без или со нови избори.Да беше лесно, немаше да биде историски. Напред и нагоре! Ќе не’ биде!“, напиша тој на својот фејсбук профил.

Коментари | пред 7 години

За пет дена ќе се знае дали Јанкуловска ќе оди во затвор, таа плаче во судницата

Поранешната министерка за внатрешни работи, Гордана Јанкулоска во завршните зборови на одвоената постапка за случајот „Тенк“ рече дека кај дел од судечкиот совет, чиј претседател е судијката Добрила Кацарска, постои пристрасност уште од самиот почеток на судскиот процес. По завршувањето на рочиштето, беше кажано дека за пет дена ќе се знае дали Јанкуловска е виновна за набавката на луксузниот мерцедес, но и дали ќе оди во затвор. Поради семејната ситуација, ексминистерката може да добие поблага казна.Јанкулоска низ солзи ја прокоментира одлуката на Судечкиот совет во експресен рок да го заврши процесот.„Ова постапка се води во исклучителни околности за мене. Постои пристрасност кај мнозинството од судечкиот совет кој јавно искажа став дека сум виновна уште при носење на пресудата за Ѓоко Поповски и Никола Груевски. Дополнителна околност за пристрасност е носење на одлука во експресен период. На почетокот на Процесот требаше да се грижам за дете кое имаше 2 месеци, а сега на крајот има 3 месеци“, рече Јанкулоска низ солзи.

Македонија | пред 7 години

Нема преговори со опозицијата, ќе има избори

Парламентарното мнозинство е порасположено за предвремени избори наместо да се водат преговори со опозициските пратеници и да се убедуваат да гласаат за уставни измени во согласност со договорот од Преспа. Охрабрени од повеќе од 600 илјади гласа „за“ на референдумот, некои од пратениците од владејачкото мнозинство за „Макфакс“ велат дека постои подготвеност уште веднаш, односно до крајот на неделата да се распишат избори, на кои очекуваат да освојат повеќе пратеници и да се загарантира двотретинско мнозинство во Собранието.Другата опција за која се размислува е спроведување тајно гласање во парламентот, со заокружување гласачко ливче „за“ или „против“. Според Деловникот на Собранието ,тајното гласање може да се спроведе по предлог на претседателот на Собранието или на еден пратеник, чие барање го поддржуваат десет пратеници. Со таквото гласање во јавноста се соопштува само резултатот од гласањето, а не и податокот кој пратеник како гласал. Двете алтернативи, сепак, ќе го чекаат исходот од преговорите што ги најави премиерот Заев со опозициските пратеници.Од ВМРО-ДПМНЕ велат дека сè уште немало никаква средба во ниту еден формат, а според нив, воопшто и нема потреба да се преговара за уставни измени бидејќи референдумот не помина и не треба да се прават понатамошни чекори кон легализација и вметнување на договорот во правниот систем.За да почне постапката за уставни измени, на владејачкото мнозинство му недостигаат уште девет пратеници. Ако не успее да ги убеди, премиерот Заев најави предвремени парламентарни избори, а како можен датум го спомена 25 ноември.

Македонија | пред 7 години

23 години од атентатот врз првиот претседател Глигоров, истрагата сѐ уште е отворена

На 3 октомври 1995 година беше извршен атентат врз првиот претседател на Република Македонија, Киро Глигоров, кој тој го преживеа со тешки повреди на главата.На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Како последица од повредите почина и случајниот минувач Христо Христоманов, а беа повредени и Климе Коробар и Јован Атанасовски.Останува непознато кој стоел зад атентатот. Истражната постапка која се води против непознат сторител се уште е отворена. Истрагата утврди дека атентатот бил добро подготвен и организиран и оти само среќна околност е што претседателот Глигоров го преживеа атентатот.Нападот беше извршен со автомобил-бомба на 3 октомври 1995 година во 9.50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието на Република Македонија.Во автомобил „цитроен ами 8“ биле скриени 20 килограми експлозив, кој бил активиран со далечински управувач кога возилото на Глигоров се движеше кон зградата на Собранието. Пред експлозијата службеното возило на претседателот на улицата „Македонија“ го забавил автомобил фиќо.Во истрагата биле претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата.Киро Глигоров почина на 1 јануари 2012 година на 94 години.

Македонија | пред 7 години

13 сообраќајки во Скопје, две лица потешко повредени

Еден пешак и еден сопатник се здобиле со тешки телесни повреди, а осум лица со лесни телесни повреди во седум од вкупно 13 сообраќајни незгоди на подрачјето на Град Скопје.Откриени се поголем број прекршоци и санкционирани се 27 возачи кои возеле побрзо од дозволеното, еден возач под дејство на алкохол, 14 пред да се стекнат со правото на управување моторно возило и двајца почетници. Од сообраќај се исклучени и две возила кои биле технички неисправни и 17 нерегистрирани возила.Сообраќајната полиција издала 59 казни за непрописно паркирање, а со специјалното возило „пајак“ отстранети се 64 возила.Полицијата санкционирала и еден возач кој поминал крстосница на црвено светло, двајца возачи кои не дале првенство за минување на пешаците, еден за неправилно престројување и еден за неправилно престигнување.Одделението за превенција во текот на вчерашниот ден реализира посебна воспитна мерка сообраќајна поука, на која присуствуваа граѓани учесници во сообраќајот кои сториле прекршоци по разни основи во својство на возачи (мобилен, појас, престројување и брзина).

Скопје | пред 7 години

Нема фотографија

Поголема количина дрога запленета во Охрид

Во акција реализирана утрово, СВР Охрид пронајде и одзеде торбица со опојна дрога марихуана и приведе еден македонски и пет албански државјани. Торбицата е пронајдена во автомобил марка „Мерцедес“ со гевгелиски регистарски ознаки управувано по булеварот „Железничка“ во Охрид  од В.В. (55) од Гевгелија.Акцијата, во која се пронајдени и одземени и други предмети, е реализирана поради постоење основи на сомнение дека сега приведените, се сторители на казненото дело „неовластено производство и пуштање во промет на наркотички дроги, психотропни супстанции и прекурсори“.Пронајдената торбица со марихуана и останатите предемти, се испратени на вештачење во Министерството за внатрешни работи во Скопје.СВР Охрид дополнително презема и други мерки за целосно документирање и расветлување на случајот, по што ќе биде поднесена соодветна кривична пријава. 

Македонија | пред 7 години

Нема фотографија

Иванов: Одговорност од Владата, референдумот не е успешен, а пратениците да го слушаат народот

Претеседателот Ѓорге Иванов по референдумот вели дека референдумот е неуспешен, а Владата треба да се соочи со одговорност пред народот. Според него, Македонија останала непоразена. Иванов порача да не се извртува вистината, бидејќи како што кажа, референдумот е неуспешен. Порака испрати и до Собранието, на кое му порача дека треба да го послуша народот кој испратил јасна порака.„На вчерашниот референдум, народот го отфрли преспанскиот договор. Народот е против наметнати и избрзани решенија. Пораката е испратена. Реалноста е дека референдумот не успеа. Не ја поценувајте суверената волја на народот. 36,9 излезност не е волја на народот, туку 69 отсто кои не излегоа. Реалноста е дека референдумот е неуспешен. Време е за одговорност пред македонскиот народ“, порача претседателот Иванов.„Поддршката за ЕУ и НАТО ја намаливте. Ги манипулирате граѓаните, а нашите партнери ги лажете. Истовремено, очекувам набљудувачката мисија на ОБСЕ/ОДИХР сериозно да ги земе забелешките од избирачките места. Оние другите кои се мешаат од страна, да ги почитуваат меѓународните конвенции“, додаде Иванов.Тој го цитираше и Доналд Трамп и тоа што тој го кажал од говорницата во Обединетите нации.„Верувам во амбицијата на нашиот народ. Референдумот не е анкета, туку одлука која обврзува. Собранието мора да ја почитува таа одлука. Им честитам на македонскиот народ за нивната одлука“, рече Иванов.За оние кои излегле да гласаат на референдумот, Иванов рече дека Македонија треба да иде во ЕУ и НАТО, но со реформи, без притисоци и уцени.„Само цврсто сплотени може да го изодиме патот до ЕУ и НАТО. Немаме дилеми дека таму ни е местото. Но таму треба да влезе со човечко достоинство без уцени и притисоци. Имаме два големи предизивика со кои треба да влеземе, тоа се реформите. Со партиски клиентизам и без реформи во правниот систем, не можеме“, додаде Иванов.

Македонија | пред 7 години

Нема фотографија

САД: Граѓаните изразија поддршка за членство во НАТО и ЕУ и за Договорот со Грција

САД ги поздравуваат резултатите од референдумот во Македонија на 30-ти септември, на кој граѓаните изразија поддршка за членство во НАТО и ЕУ со прифаќање на Договорот од Преспа меѓу Македонија и Грција, соопшти синоќа Стејт департментот.„САД силно ја поддржуваат целосната имплементација на Договорот од Преспа, кој и овозможува на Македонија да го заземе заслуженото место во НАТО и ЕУ, и ќе придонесе кон регионалната стабилност, безбедност и просперитет. Во периодот што следи кога македонското Собрание ќе почне расправа за уставните измени, ги повикуваме лидерите да се издигнат над партиската политика и да не ја испуштат историската можност да обезбедат светла иднина за земјата, како полноправна членка во западните институции, се наведува во соопштението од Стејт департментот, по одржувањето на референдумот во Македонија“, велат оттаму.

Македонија | пред 7 години

Нема фотографија

Момче пронајдено мртво на сред Скопје

23-годишно момче од Скопје со иницијали К.Н. било вчера пронајдено мртво во хотел покрај улицата „Качанички пат“, соопштија од МВР.„На 29.09.2018 година во 19,48 часот од Итна медицинска помош било пријавено дека во хотел на улица „Качанички пат“ има починато лице. Од увидот е констатирано дека се работи за лицето К.Н.(23) од Скопје. По наредба на Јавен обвинител телото е предадено за обдукција. Извршен е увид на местото на настанот“, велат од таму.

Скопје | пред 7 години

Рангелова: Гласав на референдумот

Пратеничката Даниела Рангелова од редовите на опозициската “ВМРО-ДПМНЕ”,  за Скопје1 потврди дека излегла на референдумот. Таа вели дека гласала против договорот со Грција. За неа успешен референдум е оној кој ќе има исполнет цензус.На прашањето дали ќе биде исполнет цензусот, Рангелова одговори дека не може да предвиди и тоа ќе го видиме кога ќе заврши референдумот.Пратеничката на ВМРО-ДПМНЕ, Дниела Рангелова денеска е фотографирана како излегла на гласање за референдумот. По неа фотографиран е и координаторот на пратеничката група ВМРО-ДПМНЕ, Драган Данев.Пратеничката од ВМРО ДПМНЕ, Даниела Рангелова е една од осомничените на Специјалното јавно обвинителство поврзана со случајот за насилство врз градоначалникот и Советот на општина Центар, летото 2013 година.

Македонија | пред 7 години

Нема фотографија

Нападнато 17-годишно момче во „Лептокарија“

Вчера во попладне во полициската станица во Карпош, е добиена пријава од 50-годишен Скопјанец, чиј 17-годишен син бил физички нападнат од неколку непознати лица кои биле на возраст од 17 години. Настанот се случил во 9 часот наутро, во Трговскиот центар „Лептокарија“, информираат од полицијата.Од МВР велат дека се преземаат мерки за пронаоѓање на сторителите и за расчистување на случајот.

Скопје | пред 7 години

Инцидент пред гласачко место во Ново Лисиче – хулигани нападнале жена што гласала, па се судриле со полицијата

Група од млади малтретирале жена која дошла да гласа на референдумот на гласачко место во училиштето, по што интервенирале полицајци кои биле распределени на ова гласачко место. Напаѓачите се спротиставиле и судриле со полицијата, по што дошло засилување и лицата биле приведени и однесени во полициска станица, велат очевидци за Либертас.Лица од групата извикувале „Смрт за ш…..и“.По инцидентот, пред училиштето има засилено присуство на полиција, а гласањето тече непрекинато.Се очекува официјална информација од МВР за инцидентот.

Македонија | пред 7 години

Нема фотографија

Референдум: Ќе има ли цензус?

Започна референдумот во земјава на којшто гласачите ќе можат да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“ со заокружување „за“ или „против“.Право на глас имаат еден 1.806. 336 гласачи запишани во Избирачкиот список.Се гласа на 3.748 избирачки места кои ќе бидат отворени од 7 до 19 часот. Државната изборна комисија и за референдумот постави интерактивна мапа на својата веб-страница на која ќе може да се следи текот на гласањето по општини и излезноста на гласачите.На референдумот први гласаа членовите на избирачките одбори кои го спроведуваат гласањето во странство. На избирачкиот список се запишани 104 такви членови. Иако на посебниот список на граѓани кои се на привремена работа или престој во странство има запишано 76.060 гласачи, за гласање на референдумот во странство пријавени беа 2.695 македонски државјани во 33 дипломатско конзуларни претставништва.Вчера гласаа лицата во казнено-поправните домови, внатрешно раселените, лицата кои се наоѓаат во куќен притвор и немоќните и болните лица кои го побарале тоа од општинските изборни комисии.Според податоците што ги соопшти синоќа ДИК, во затворите одѕивот бил 64,69 отсто.Од 1859 кои гласаат дома, односно болните и немоќни лица, гласачкото право го оствариле 1520 гласачи.Вкупно 36,56 отсто, односно 985 лица гласале досега во странство, каде на 33 места право на глас имаа 2.694 лица, соопшти на прес-конференција Државната изборна комисија.Избирачот може само еднаш да гласа. Гласањето се врши тајно, зад параван, а заокружувањето треба да биде со сино пенкало. Забрането е фотографирање и снимање на избирачкиот материјал и на избирачите додека гласаат. Гласање за друго лице е забрането, може само да му се помогне на избирач кој има физички недостаток или е неписмен.До 19 часот трае и изборниот молк. Дотогаш може да се известува за изборите и текот на гласањето, но престануваат сите облици на изборно медиумско преставување.По затворањето на гласањето во 19 часот, Државната изборна комисија првичните резултати од референдумот добиени по електронски пат ги објавува сукцесивно, а резултатите врз основа на податоците од записниците и целокупниот гласачки материјал од ОИК во рок од 24 часа по нивниот прием. Конечните резултати од референдумот ДИК ги објавува веднаш, а најдоцна во рок од 24 часа од денот на нивната конечност. Комисијата ги објавува резултатите од референдумот во Службен весник во рок од 15 дена од денот на одржувањето.Референдум во Македонија е под лупа на 11.927 домашни набљудувачи. Во ДИК се акредитирани и 493 меѓународни набљудувачи, 194 преведувачи и 111 странски новинари.Најбројна е мисијата на ОБСЕ – ОДИХР со 197 претставници. Комисијата акредитирала и 83 новинари од 32 медиуми од земјава и од регионот.

Македонија | пред 7 години

Нема фотографија

ВИДЕО: Закани и притисоци кон гласачите на референдумот во Австралија

Утрово се отворија гласачките места во дијаспората, каде дел од гласачите пријавуваат дека се соочуваат со закани и притисоци при гласањето.На гласачкото место во Мелбурн неколку лица снимаа постар човек кој излегол да гласа. Откако тој им објасни зошто се одлучил да го исполни своето демократско право, тие со пцости и погрдни зборови викаа по него.Со Уставот се гарантира правото на тајност на гласачите, а прекршувањето на ова право на граѓаните е кривично дело. Без разлика дали некој ќе гласа ,,За”, ,,Против” или ќе го бојкотира (игнорира) гласањето.

Свет | пред 7 години

Нема фотографија

ВИДЕО: Маж се самозадоволува во автобус на ЈСП

На „Јутуб“ мрежата се појави видео, за кое се тврди дека е направено во автобус на ЈСП, каде непознато машко лице се самозадоволува пред останатите патници. Додека тој го правеше тоа, останатите патници, според снимката, не реагираа.Непосредно до него, имаше девојче кое се превезуваше во автобусот. 

Скопје | пред 7 години

На малата Катерина и е потребна наша помош: Зафатот е одложен, недостасуваат уште 800 евра

Да бидеме хумани и да донираме за Катерина Рујковска на која треба да ѝ се пресади рожница за да може светот да го гледа како останатите нејзини врсници.Семејството Рујковски апелира до сите хумани луѓе и институции да им помогнат преку донации.Бидејќи не беа собрани доволно пари во предвидениот рок, хирушкиот зафат е презакажан за на 15-ти октомври. Недостасуваат уште 800 евра, за малата убавица да отиде на посебен хирушки зафат пресадување на рожница (шареница) во Специјлната Болница Свети Вид во Белград.За таа операција потребни се вкупно 5000 илјади евра кои нејзините родители не се во можност да ги обезбедат.

Македонија | пред 7 години

Возач и пешак загинаа во сообраќајна несреќа

Еден возач и еден пешак го загубија животот, две лица се здобиле со тешки телесни повреди, а други 12 со лесни, во вкупно 15 сообраќајки што се случиле вчера во Скопје.По преземените активности и мерки на подрачјето на СВР Скопје, информираат денеска од полицијата, исклучени од сообраќај се вкупно 13 возачи. Четворица од нив управувале возило под дејство на алкохол, седум биле без возачка дозвола, додека двајца биле возачи почетници. Исклучени од сообраќај се шест не регистрирани возила.Во текот на вчерашниот ден пајакот подигнал 40 возила.Одделението за превенција во текот на вчерашниот ден  реализира посебна воспитна мерка сообраќајна поука, на која   присуствуваа  граѓани учесници во сообраќајот кои сториле прекршоци по разни основи во својство на  возачи (мобилен, појас, престројување и брзина).

Скопје | пред 7 години

Венко Филипче: Не ми недостига операционата сала, уживам во Министерството

Министерот за здравство Венко Филишче вели дека ужива во новата работа во Министерството.„Досега спасував животи и ме исполнуваше таквата работа. Операционата сала во моментов не ми недостига. Сега ме исполнува работата во Министерство, на терен, верувам цврсто дека може да успееме и да направиме промени на подобро за целокупното здравство во Македонија. Цврсто сум убеден дека имаме шанси да го подобриме нашиот здравствен систем, а со влезот на Македонија во ЕУ и НАТО со сигурност ќе обезбедиме европско и квалитетно здравство за сите.“  - вел Филишче во интервју за порталот „Охрид1“Венко Филипче е именуван за министер за здравство во Владата на Република Македонија од позицијата советник за здравство на премиерот Зоран Заев и од професионалната позиција Доцент на медицинскиот факултет во Скопје.   

Македонија | пред 7 години

Богојески : Го поразивме Груевски, но не “груевизмот” во нас

Петар Богојески, еден од лидерите на т.н. реформатори во ВМРО-ДПМНЕ кои први јавно застанаа против Никола Груевски уште додека тој ја водеше партијата, за „Скопје1.мк“ одговара на неколку актуелни прашања поврзани со референдумот и случувањата во ВМРО-ДПМНЕ.На интернет кружи постер на кој е и поранешниот лидер на партијата. Груевски молчи и не кажува став за референдумот. Иста така не се огласува на повиците на членството и дел од јавноста за да каже како ќе гласа во Собранието кога договорот со Грција ќе стигне на гласање. Зошто оваа група пратеници на чело со Груевски не се придружуваат на кампањата Бојкотирам ?Тој стил на „постери“ е под секое ниво, за да може да си дозволам било кој коментар на темата. За се што сакате да го прашате поранешниот лидер Груевски, ќе се обратите до него. Најмалку ја посакувам улогата да бидат портпарол, а секако уште помалку баш на Никола Груевски.Што говорат вашите анализи, ќе успее ли референдумот и ако не успее , зошто граѓаните би го бојкотирале ? што ги мотивира ?Македонија треба да успее на овој референдум. До сега имам наведено повеќе причини за мотивот за бојкот. Прва е организацијата на тој бојкот од страна на странски центри кои тргнувајќи од своите национални интереси, сакаат да ја спречат интеграцијата на РМ во НАТО. Тие најдоа поволна клима кај екс југословенските оперативци во РМ, кај семејствата погодени со „егејската трагедија“, кај семејствата погодени од „антиквизаторската трагедија“ и сл. Второ граѓаните се исклучително незадоволни од работењето на Владата и својот револт сакаат да го изразат преку бојкот, а не се свесни дека вистински револт може да искажат само преку гласање „против“ на овој референдум. Дел од нив се лица на кои личната агенда им е пред државната, па се налутени на власта или опозицијата поради неостварени лични амбиции. И секако бојкотот најголем сојузник пронајде во ликот и делото на „македонскиот инат“. Делумно е оравдан поради решенијата во „Преспанскиот договор“ и неговата одржливост на подолг рок, но повторно ќе кажам, само со масовно гласање „против“ можеме да го истераме „македонскиот инат“. Бојкот е без никаква вредност. Бојкотот е проект кој дирекно му оди во прилог на СДСМ и Зоран Заев, зашто доколку таа акција навистина успее, целиот терет ќе падне врз ВМРО-ДПМНЕ, а ќе ликуваат нашите политички конкуренти.Вие повикувате на гласање, а се појавувате и на маршовите кои ги организира ВМРО-ДПМНЕ. Зошто одите на тие маршови ? Каква порака испраќате? Морам да признам дека уживам да присуствувам на митинзи на ВМРО-ДПМНЕ. На нив сум присутен од дете до денес. Таму сретнувам илјадници пријатели со кои сме биле дел од битката за „вмровската вистина“ да биде услишена. Повторно ги обновуваме тие контакти, споделуваме спомени, се храбриме за она што ни претстои, разменуваме идеи и решенија. Ќе сретнам по некој „незадоволен“ од реформите, некој кој е „презадоволен“ од реформите, на првиот ќе му појаснам да разбере што е суштината, на вториот ќе му објаснам дека имаме уште премногу работа пред нас за вистински реформи, и тоа е секојдневна работа во политиката. Комуникација со различни луѓе, секој со своја вистина. Секогаш сум близок со базата, со членовите, чиј дел сум цел живот.Каде се сега т.н реформатори и до каде е реформирањето на ВМРО-ДПМНЕ ? Се реформира ли ВМРО-ДПМНЕ со Христијан Мицкоски ? Реформаторите се тука каде што биле цел живот, во ВМРО-ДПМНЕ, со своите семејства, со своите пријатели, здрави и живи и секогаш подготвени за унапредување на политичкиот живот во Република Македонија и секако за демократизација и модернизација на ВМРО-ДПМНЕ. Има многу што да сработиме за да констатираме реформирање на ВМРО-ДПМНЕ. Имаме идеја која сите нас не обединува и во вакви историски моменти да останеме единствени и фокусирани на нашата борба за подобро утре за сите граѓани на македонската Република.  Во какви односи сте со Христијан Мицкоски ? Тој доаѓа од крилото на поранешниот лидер Груевски, а вие бевте симбо на внатрепартискиот отпор кон неговиот лик и дело. Како функционира сега внатре ВМРО-ДПМНЕ ?Во овој момент односите помеѓу мене и Христијан Мицковски се такви како што може да бидат помеѓу Зам.ген.сек. и Претседател на Партија. Морам да истакнам дека не само што бевме, туку остануваме симбол на демократизацијата, модернизацијата и европеизацијата на ВМРО ДПМНЕ. Неодамна напишав – „Успеавме да го поразиме Груевски, но не и „груевизмот“ во нас“. Во целост останувам на истото. 

Македонија | пред 7 години

Во Скопје 11 сообраќајки и шестмина повредени

Во текот на вчерашниот ден на подрачјето на Скопје се случиле вкупно 11 сообраќајни незгоди од кои три сообраќaјни незгоди со лесни телесни повреди и осум со материјална штета. Во сообраќајните незгоди шест лица се здобиле со телесни повреди.Од преземените мерки и активности констатирано е дека 73 возачи управувале возила со брзина поголема од дозволената. Од сообраќај се исклучени 14 возачи од кои: тројца возачи затоа што управувале возила под дејство на алкохол, 10 возачи управувале возила без да се стекнат со право за управување на моторно возило и еден возач затоа што бил возач-почетник.Исто така исклучени од сообраќај се и 10 возила бидејќи биле нерегистрирани. Санкционирани се двајца возачи поради поминување на крстосница на црвено светло, двајца возачи поради недавање првенство на минување на пешаци, двајца поради неправилно престројување и еден возач поради неправилно престигнување.Во однос на пешаците санкционирани се шест пешаци поради поминување на коловоз вон пешачки премин. Во текот на изминатиот ден издадени се 62 мандатни платни налози и 62 возила се подигнати со специјално возило “пајак”.

Скопје | пред 7 години

Нема фотографија

Виршли со отров расфрлани низ Кисела Вода

Жители на Кисела Вода забележале отров во расечени виршли расфрлани на улица Марко Орешковиќ, објави Сител. Преку фотографии испратени до медиумите граѓаните алармираат на опасноста која демне од јавните површини во оваа општина, пишува Фокус.Проблемот со труење на животните е се уште актуелен. Невладината организација за заштита на животни „Анима Мунди“ со месеци предупредува дека трујачите се се уште активни и дека е забележан отров на повеќе локации низ Скопје, кој претставува опасност како за животните, така и за граѓаните.

Скопје | пред 7 години

Нема фотографија

Новинар на Алсат-М ја искина новинарската легитимација од Владата затоа што е напишана на македонски јазик

Новинарот на Алсат-М, Адријан Керими, ја искина новинарската легитимација одРепублика Македонија, со која може да присуствува на настани во владата, само заради тоа што е напишана само на македонски јазик. Причина за тоа е дека таа не е напишана на албански јазик.-Таква лична карта не прифаќам! Се додека не го почитувате мојот мајчин јазик и не ги почитувате меѓународните правила за медиумите. Не зборувајте за слободата на медиумите, доколку не ги почитувате правата на новинарите, напиша новинарот на својот профил на „Фејсбук“.Реагираше и Алсат-М.Еднојазичните и непрактични акредитации, според оваа телевизија, отсега ќе бидат единствената дозвола на медиумските работници за да влезат во Влада, министерства и другите институции на централна власт.Запрашани зошто овие документи за легитимирање не се преведени на албански за новинарите и вработените Албанци во медиуми на албански јазик, од Владата само изјавија дека се работи за процес кој ќе се смени и подобри, објави телевизијата.Владата подолго време функционираше без да бара акредитација за медиумите кои ги следат настаните во оваа институција. Сепак, пред неколку години, новинарите и вработените во медиумите имаа документ за легитимирање на нивните активности. Барем зборот „прес“ што значи медиум, се пишуваше на англиски јазик и коректно. Акредитациите на Владата никогаш не беа преведени на албански за новинарите Албанци, велат од Алсат-М.Последните публикации преведени на албански датираат од пред неколку месеци додека соопштенијата на адресата на медиумите на албански јазик ретко стигнуваат и на тој јазик. Законот за употреба на јазиците кој се очекува законски да ги обврзе институциите да го употребуваат и албанскиот јазик при службените и јавните комуникации, сè уште не влезен во сила и целосно е заборавен, констатира Алсат-М.

Македонија | пред 7 години

Шилегов за украсување на Скопје, огномет и елка ќе плати 220 илјади евра

Град Скопје распиша тендер за новогодишно украсување на градот во износ од 220 илјади евра. Овие пари ќе се платат за изработка на проект за украсување и реализација на истиот.Јавната набавка ќе ја добие фирмата која ќе даде најниска понуда. Според техничката спецификација, со овие пари ќе се украси плоштадот и централното градско подрачје.“Украсувањето треба да е современо и на највиско можно ниво. Треба да се постави и елка од 20 метри, но местото дополнително ќе се утврди. Треба да се обезбеди и огномет за дочек на 2019 со шест минутен огномет”, пишува во техничката спецификација.Останува нејасно зошто Град Скопје набавува нови реквизити за новогодишно украсување на градот и не ги користи ланските. Новата набавка на 20 метарска елка е исто така спорна, бидејќи веќе има постоечка која е променета пред две-три години.Како за споредба, за украсување на Скопје, ексградоначалникот Коце Трајановски во 2016 година потрошил близу 138 илјади евра, а пак минатата година од народното ќесе биле дадени 165 илјади денари. Оваа година, сумата која ќе се потроши е највисока.

Скопје | пред 7 години

Нема фотографија

Нема во ЕУ со судии од тефтерчето и без Договорот од Преспа

Утре во Брисел патува тим од четириесетина луѓе предводени од министерот за евроинтеграции Бујар Османи, министерката за правда Рената Дескоска и техничкиот преговарач Бојан Марушиќ. На овие состаноци претставниците на ЕУ ќе ни соопштат кои закони и во кои области треба да се хармонизираме со европската регулатива од поглавјето 23 кое се однесува на правосудството во целина и фундаменталните права. Потоа, нашата страна треба да направи анализа на состојбата и да изготви акциски план во кој ќе биде наведено тоа што ќе се преземе и роковите во кои тоа треба да се направи.Кои поглавја први ќе се отвараат и дали Владата е целосно подготвена прочитајте во утрешниот број на „Слободен печат“.

Македонија | пред 7 години

Мицкоски уверува дека Македонија ќе стане бинационална

Лидерот на опозицијата, Христијан Мицкоски стравува дека со најавените уставни измени, покрај менувањето на името, ќе дојде и до редефинирање на државата со што Македонија ќе стане бинационална творба.– Знаете ли што во овој момент е вистински важно, покрај договорот со Грција и референдумот? Тоа се уставните амандмани кои власта ги наметнува, но ги крие од јавноста, и јас би бил навистина среќен кога медиумите повеќе би се позанимавале со нивната содржина, бидејќи таму се крие пандорина кутија не само на промена на Уставот со цел преименување, туку и редефинирање на државата. Треба Заев и власта да одговорат дали има нешто плус што се крие во нив и дали практично власта ќе ги чести соседите со нешто дополнително што сега не го соопштува. Бидејќи станува збор за Уставот, еве нека кажат дали можеби ќе има и некоја дополнителна измена која ќе биде исполнување на уште некое барање кон втората по големина заедница во пресрет на претседателските избори во државата. Дали покрај менување на името следува редефинирање на државата во бинационална творба, вели Мицкоски во интервјуто дадено за Независен.

Македонија | пред 7 години