ГЛАВНИ-ВЕСТИ

Единаесет години без Тоше

Македонија и Балканот денеска се сеќаваат на Тоше Проески кој на денешен ден пред единаесет години трагично го загуби животот во сообраќајна несреќа кај Нова Градишка, на пат кон Загреб.Како и во изминатите десет години, маратонци од повеќе градови од Македонија во чест на Тоше ќе трчаат маратон и денеска напладне треба да стигнат во Крушево на неговото вечно почивалиште.Оваа година на 5 октомври не се одржа манифестацијата „Ѕвездено небо за Тоше“ која фановите на Тоше во изминатите десет години ја организираа на плоштадот „Македонија“ во спомен на неговиот последен и хуманитарен концерт што го одржа на 5 октомври 2007 на Градскиот стадион. „Ѕвезденото небо“ не се одржа зашто се подготвува голем концерт посветен на Тоше на 2 номеври, со настап на пејачи од Балканот. На концертот треба да биде промовиран и албум со необјавени песни од Тоше Проески, насловен „Secret place".Животот на Тоше заврши во годината кога одбележуваше десет години успешна кариера и кога таа почна да станува меѓународна. Но албумот на англиски јазик што го подготовуваше беше постхумно промовиран (The Hardest Thing).

Магазин | пред 7 години

ВИДЕО: Што значи повикот на премиерот Заев за помирување за настаните од 27 април?

Ви ја пренесуваме анализата на емисијата 360 степени и новинарката Славица Филиповска.https://www.facebook.com/360stepeni/videos/178420566409670/

Македонија | пред 7 години

Села до Заев по повикот за помирување: Не си цар, туку премиер

Лидерот на Алијансата за Албанците, Зијадин Села се огласи на Фејсбук, за повикот на премиерот Зоран Заев за помирување и простување за насилството во Собранието од 27. април.Тој за време на насилството се здоби со најсериозни повреди.„Не знам дали премиерот Зоран Заев имал семејни или лични проблеми на 27 април кога денеска пружа рака за помирување.Ако тој мисли за случувањата на 27. април во Собранието, тогаш треба да знае дека не е над институциите и правдата. Тој е избран за премиер на државата, а не за цар“, напиша Села.

Македонија | пред 7 години

Нема фотографија

ФОТО: Супа со црви и радиоактивни ракчиња се продаваат во маркетите

Скопјанка во кокошкина супа од компанијата “Подравка” пронашла црви, за кои вели дека ги забележала по подготовката на оброкот. Според неа, супата имала рок на траење до идната година.Фотографиите кои таа ги објави, го потврдуваат нејзиното сведоштво “Супата од кокошка од сега со нов вкус на црви”, пишува таа на социјалните мрежи.Инаку, тоа е една од најпродаваните супи во Македонија. На фотографиите реагираа и други корисници на социјалните мрежи.

Скопје | пред 7 години

Притворениот Борис Дамовски со коментар за понудата на Заев

Борис Дамовски, притворениот учесник од граѓанската иницијатива “За заедничка Македонија”, осомничен за “терористичко здружување” за настаните на 27 април 2017-та со коментар за говорот на премиерот Зоран Заев, кој повика на помирување за време на собраниската седница за уставни измени.“Правда, не амнестија!” – е кусиот коментар на Борис Дамовски, еден од обвинетите за настаните од 27 април, по изјавата на Зоран Заев која беше протолкувана од многумина како понуда за амнестија.Од редовите на СДСМ како предводници на парламентарното мнозинство во Собранието уверуваат дека нема да има амнестија за ниту еден обвинет.

Македонија | пред 7 години

Груевски до СДСМ: Ќе ви дојде крајот

“Јасно е дека во недостаток на проекти и паметни работи, портпаролот на СДСМ има добиено насока да ме спомнува во секоја прес конференција и за се и сешто.Очигледно мислат дека така им се поинтересни прес конференциите.Јас најчесто ги игнорирам овие секојдневни нивни прес конференции, соопштенија, изјави и секојдневни лаги, но вчера и денес решив малку за промена да им одговорам, колку да потсетам за какви измамници се работи.Вчера ги демантирав за предметот за патиштата каде лажеа дека сум одел на суд за наводни земени провизии.Кажав дека одам на суд заради обвинение (член 359 од ЗКП), дека сум влијаел да се изградат патиштата со цел да остварам корист со тоа што ќе сум добиел политички поени пред гласачите на изборите заради завршената градба на патиштата.Знам дека на многумина не им се верува дека тоа е можно, ама така е.И многумина мислеа дека за набавеното блиндирано возило Мерцедес сум осуден заради некаква измама, провизија, злоупотреба на буџетски пари и сл., но и таму сум теретен за истиот член-сум влијаел да се купи возилото бидејки сум сакал покрај другите ВИП гости и јас понекогаш да бидам превезуван во него.И за тоа ,,независните,, судии оцениле дека требало да одам 2 години во затвор.Денес истиот портпарол објави дека моите адвокати побарале поништување од Уставниот суд на член 353 став 5 и ја извести јавноста дека со тоа сакале да издејствуваат амнестија за мене, ама СДСМ немало тоа да го дозволи.Ја известувам јавноста дека јас немам обвинение по член 353 став 5 кое се однесува на злоупотреба на сл.должност поврзани со јавни набавки или штета на буџетот.Всушност јас немам обвинение кое ме терети за било што поврзано со корупција, провизии, имотна корист, јавни набавки и слично.Мене освен по член 359 што го опишав погоре, ме теретат за рушењето на дивоградбата на Фијат, каде ме теретат за имотна штета за една класична дивоградба за која Фијат своевремени тужеше и загуби на сите судски истанци. Ме теретат и за потикнување насилство, за шамари кои не постојат и во Титаник за работи поврзани за изборите.Сепак, СДСМ се труди со сите сили да создаде перцепција дека на суд одам заради финасики злоупотреби и проневери, и во секое нивно соопштение или прес конференција се трудат да создадат таква слика во јавноста.Еден ден ќе дојде крај на луѓето кои сега прават политички прогон, а со тоа и на нивните пиуни кои секојдневни ја лажат јавноста.Што ќе прават потоа?”, напиша експремиерот Никола Груевски на социјалните мрежи.

Коментари | пред 7 години

Бугарија до македонските пратеници со бугарски пасош: Ќе ви ги одземеме пасошите на тие што ќе гласате против уставни промени

Лазар Младенов, претседател на Бугарскиот Културен Клуб – Скопје (БККС) во врска со утрешното гласање во македонскиот парламент за уставните промени со што ќе се промени уставното име на Република Македонија, со што и се дава можност на Македонија да ја започне процедурата за присоединување со ЕУ и НАТО, на својот профил на фејсбук го напиша следниов статус.Подземните игри на некои политички кругови во Софија никако да престанат. Истурањето вода под Македонската рогозина може и ним да им го натопи задникот, но тие не покажуваат грижа за тоа. Коктериањето со про-руските протежеа на Македонскиот претседател, не е само чекор против Македонија, тоа е и чин на предавство спрема Бугарија и нејзините национални интереси. Играњето во полза на каузата, Македонија да остане во моменталната состојба, го следиме со големо внимание. Немојте да мислите дека немаме информации. И немојте кон нас да се однесувате како макеа, преземете си ја улогата на мајка, ама сосема сериозно. Овој момент нема повеќе да има репризи. Одговорноста е и ваша. Поразот ќе биде и ваш, ако се случи, порачува тој.Затоа, преземете си ја улогата која ви доликува и удрете ги по рамо вашите скопски пријатели од македонскиот парламент, специјално од ДПМНЕ, утре да си ја завршат работата во полза и ЗА Македонија, специјално тие со бугарско државјанство. Во случај да бидат ПРОТИВ, бараме од вас да подигнете процедура за одземање на истот. Не може некој да ги користи благодетите на Европа преку бугарско државјанство, а да работи против интересите на Македонија да дојде до тие бенефити.И сосема на крајот, колку и да мисли некој дека е некултурно , ние си кажуваме, доаѓаат и вашите избори и тогаш можеби нашиот глас нема да тежи многу, но нашата дума секако!“

Македонија | пред 7 години

Нема фотографија

Дали СДСМ свесно ја втурнува државата во вештачка економска криза поради договорот од Преспа?, прашува ВМРО-ДПМНЕ

Власта е неспособна да го реализира ветеното. Неработата и неспособноста се главна одлика на оваа влада и затоа прави ребаланс. Недозволиво е држава во развој како Република Македонија да има економски раст од 1, 2 или 3% и ниво на капитални инвестиции за осум месеци од само 23.3%. Класичен дебакл и одраз на елементарно незнаење е за осум месеци нивото на реализирани капитални инвестиции да биде очајни 23.3%. Економијата тоне во секој аспект, а секој следен чекор на власт го забрзува процесот на тонење, соопшти ВМРО-ДПМНЕ.Според партијата, Заев и Тевдовски мора да одговорат дали СДСМ свесно ја втурнува државата во вештачка економска криза заради насилно туркање на договорот од Преспа, кој според ставот на граѓаните од референдумот е правно - политички мртов. Дали со лошото работење со економијата се доведени во прашање редовните исплати на пензии и социјални трансфери? И дали економијата на Република Македонија е пред крах и пред банкрот? Неизвесноста кај економските субјекти од ваквите политики е доведена на високо ниво.,,Заев ветуваше раст на економијата од над 5%, во сите години од мандатот. Првата година ја заврши со 0%, а оваа се движи на линија на преживување. Ова го потврди и ММФ, кои ја намалија проектираната стапка на раст за оваа година на ниски 1.6%, во услови кога регионот и Европа галопираат.За катастрофата во економијата директно е виновен Зоран Заев. Ниту една влада во Република Македонија до сега не покажала толкаво ниво на неспособност. Ветуваа 600 километри нови автопати, 550 километри нови магистрални патишта и над 1.000 километри локални патишта до крајот на мандатот во декември 2020 година. Половина од времето им помина, а ништо од ова не е ниту на повидок.Влада што не е способна да реализира проекти, подобро е да им ги остави парите на располагање на фирмите и на граѓаните одошто да им ги одзема а потоа да не знае што да прави со нив. Влада која економијата ја уназадува не треба да биде на чело на државата. Оваа влада мора да си оди", се додава во соопштението.

Македонија | пред 7 години

Протести и блокади пред Собранието против промена на Уставот

Здружението на граѓани „Преродба“ за денес најави протести и блокади пред Собранието со почеток од 10 часот, непосредно пред почеток на парламентарната седница на која пратениците ќе дискутираат и одлучуваат за отворање на Уставот.Впрочем, организаторите најавуваат протести секој ден од 10 до 14 часот, со цел, како што истакнуваат тие, продолжување на македонскиот отпор и се додека не се исполни барањето за поднесување оставкана актуелната власт.„Од говорницата пред Собранието ќе се обратиме со Општ јавен повик за продолжување на континуираниот македонски отпор, народна/граѓанска непослушност, против штетните нелегитимни недемократски и антидржавни политики на нелегитимната власт“, се наведува во нивното соопштение.Воедно, од здружението најавија и организирање мораториумски народен собир и демонстрации пред Јавното обвинителство.„Мораториумските акции на отпорот ќе ги шириме низ Република Македонија и насекаде во светот, во земјите, каде живеат и чии државјани се македонски граѓани, со нивно масовно учество“, велат организаторите.

Скопје | пред 7 години

Пратениците ќе се обидат да го менуваат Уставот

За денеска во 11 часот е закажана парламентарната седница за потребата од уставни измени, кои ги предложи владата согласно Договорот од Преспа.Пред седницата СДСМ ги повика сите пратеници да ги поддржат уставните измени, со цел деблокирање на евроатланските интеграции.Од ВМРО-ДПМНЕ, се изјаснија дека на денешната координација ќе решат како ќе настапат на парламентарната седница, меѓутоа јасно порачаа дека пратениците нема да поддржат уставни измени за промена на уставното име на државата.Здружението граѓани „Преродба“ најави протести и блокади со почеток од 10 часот.

Македонија | пред 7 години

Нема фотографија

Загина мотоциклист, три лица тешко повредени, викендов 29 сообраќајки во Скопје

Еден возач на мотоцикл загина, три лица се здобиле со потешки, а 14 со полесни повреди во вкупно 29 сообраќајни несреќи што се случиле во текот на изминатиот викенд на подрачјето на Град Скопје. Во 12 од сообраќајките е регистрирана само материјална штета.Според полицискиот извештај на СВР Скопје, 253 возачи се движеле со поголема брзина од дозволената, 112 возачи биле исклучени од сообраќај, од кои 50 поради управување под дејство на алкохол, 52 без стекнато право на управување со моторно возило и 10 возачи почетници.Од сообраќај полицијата исклучила 57 возила и тоа едно што било технички неисправно, а 56 зашто не биле регистрирани.Непрописно паркирани биле 156 возила, а пајак службата подигнала 104 возила.

Скопје | пред 7 години

Tетовец си ја убил 52-годишната сопруга

Педесет и тригодишен тетовец синоќа околу 22 часот и 30 минути смртно ја застрелал со пиштол својата една година помлада сопруга по што избегал, информираше портпаролот на СВР Тетово Марјан Јосифовски.Според неговите првични информации, настанот се случил во куќата на двајцата сопружници на улицата „Љуботенска“ во тетовската приградска населба Мала Речица. По застрелувањето на сопругата тетовецот излегол од куќата по што пукал и кон такси возило, но никого не погодил по што избегал.Полицијата презема интезивни активности за негово пронаоѓање и приведување. На местото на настанот увид извршиле јавен обвинител и екипа на СВР Тетово, а повеќе информации за настанот се најавени во текот на денот.

Македонија | пред 7 години

Бучковски заминува за амбасадор во САД

Според неформалниот список на министерот за надворешни работи на Македонија, Никола Димитров, името на избрканиот член на СДСМ, Владо Бучковски е резервирано за амбасадорското место во САД, објави Магазин.Поранешниот премиер и претседател на СДСМ според тоа е потенцијалниот кандидат за амбасадор на Република Македонија во Соединетите Американски Држави.Бучковски, кој е познат и по аферата „Маѓар Телеком“ и „Тенковски делови“, беше исклучен од партијата во 2012-та, но во последно време односите се затоплуваат.

Македонија | пред 7 години

(ВИДЕО) Османи: Ја предадов документацијата во СЈО

Вицепремиерот за евроитеграции Бујар Османи информираше дека ја предал целата документација во СЈО, кое што отвори истрага за него во која се јавува како осомничен во истрагата со кодно име ,,Пациент".,,Веќе неколку дена откако, во рамките на нивната истрага од страна на СЈО го спомнаа моето име, постојано до мене пристигнуваат бројни прашања, како од мои блиски луѓе - роднини, пријатели, така и од новинари, заинтересирани страни, соработници итн. Во најголем дел, оние кои добро ме познаваат, ме контактираат за да ја изразат својата поддршка и доверба, но севкупно, сите покажуваат интерес за овој случај.Сакам да повторам дека шпекулациите за овој случај ги имаше и претходно во медиумите, истите веќе неколку пати се појавија во јавноста и беа насочени директно да ја оцрнат мојата политичка кариера. Свесен за политичкиот ризик, јавно барав, во повеќе наврати, СЈО да отвори истрага и целосно да го расчисти овој случај, затоа што сум сигурен во чесноста на своите постапки, и не сакав шпекулациите да доминираат со јавниот дискурс. Во таа смисла очекував, уште во предистражната постапка, да бидам повикан од страна на СЈО, и да ги претставам фактите со кои располагам, секако, по можност, пред моето име да биде пласирано преку соопштение до сите медиуми како дел од истрагата", изјави Османи на прес-конференција.Тој вели дека изминативе денови собрал голем дел од документација, преку која смета дека се расчистува фактичката ситуација и јасно се гледа дека нема ниту индиции кои укажуваат на некакво незаконско работење, напротив, јасно се гледа дека одлуките се донесени законски и во интерес на сите граѓани.,,Сакам да ве известам дека денес целата оваа документација е предадена во СЈО, а во наредниот период, дополнително ќе бидат доставени и останатите потребни и пробарани документи, со што, што се однесува до мене, овој случај е расчистен и набргу очекувам да биде и завршен. Од страна на претставниците на СЈО, добив уверување и позитивен пристап дека добиените материјали претставуваат значаен инпут за истрагата, и добив уверување дека, во соодветен рок, истрагата ќе биде заокружена, со што, пак, јас сум убеден, ќе се потврди дека нема никакво незаконско работење и што ќе помогне конечно и да запрат сите шпекулации кои се појавија во јавноста уште пред истрагата.Владеењето на правото претставува еден од врвните вредности и принципи кои претставува и еден од најважните политички предизвици на кои сум посветен изминативе две години, период во кој, како заменик претседател на Владата го предводам Секретаријатот за Европски прашања. Сега веќе како главен преговарач со Европската Унија, уште повеќе сум посветен на имплементацијата на овие вредности и принципи во нашето општество, и моја намера е со сиот жар тоа да продолжам да го правам и во иднина. Дозволете во истата насока да порачам дека улогата на СЈО е од исклучителна важност за остварување на овие принципи, и без разлика на оваа условно, новонастаната ситуација, сакам да ве уверам дека мојата поддршка и охрабрувањето за оваа институција останува непроменета, напротив, денес уште повеќе верувам во нивната професионалност и неутралност.А принципот на владеење на правото останува празен и бесполезен доколку не го почитуваме и принципот на пресумпција на невиност, а уште повеќе, во предистражните и истражните фази како оваа, т.е. додека сè уште не е ниту покренато обвинение, а каде јас очекувам истрагата да резултира со заклучок дека нема ниту основа за истото. Моето директно посочување, со име и презиме, од страна на обвинителството уште во оваа фаза претстава предизвик за мојата политичка кариера, но јас ќе дадам сè од себе да го зачувам принципот на пресумпција на невиност, да ги отстранам сомнежите за моето работење, и со тоа да докажам дека секогаш сум работел според законот и во интерес на граѓаните", изјави Османи.

Македонија | пред 7 години

Нема фотографија

Во текот на ноќта кај 25 возачи е утврдено присуство на алкохол

Од страна на одделението за безбедност на патниот сообраќај при Секторот за внатрешни работи Скопје во периодот од 23.00 часот на 13.10.2018 година до 05.00 часот на 14.10.2018 година е спроведена акциска контрола за откривање возачи кои управуваат со возило под дејство на алкохол на подрачјето на Скопје.„Од страна на полициски службеници контролирани се вкупно 188 возачи. Кај 25 од нив било утврдено присуство на алкохол во крвта. По однос на констатираните  прекршоци од Законот за безбедност на сообраќајот на патиштата и Законот за возила, кон возачи преземени се вкупно 113 мерки. Исклучени се 25 возачи од сообраќај, времено се одземени 19 возачки дозволи, издадени се 39 мандатни платни налози и 30 прекршочни платни налози“, велат од МВР.

Скопје | пред 7 години

ФОТО: Груевски ги повика граѓаните да одат со него на суд

“Во врска со изјавата на портпаролот на СДСМ поврзана со градбата на патиштата ја информирам јавноста дека во овој случај, ниту јас, ниту другите обвинети во случајот за градбата на патиштата не сме обвинети за земање на провизии како што тврди тој”, пишува експремиерот Никола Груевски на социјалните мрежи.“Обвинението против мене е по истиот член 359 како во случајот за набавката на блиндираниот Мерцедес, влијание заради остварување корист.Во случајот за Мерцедесот, користа исто така не е некаква провизија, туку наводната корист била што покрај останатите гости од странство и јас сум сакал понекогаш да бидам превезуван со тоа возило, и со тоа сум остварил корист.Во случајот со патиштата користа за која СЈО ме терети е дека сум сакал со изградбата на патиштата како политичар да добијам политички поени од граѓаните пред парламентарните избори.Кој не верува во ова нека повели на рочиште во судот да му го покажам и да го прочита обвинението во оргинал. Судските рочиштата се отворени за сите граѓани”, додава тој.

Коментари | пред 7 години

Јанева и Заев нема да ме исплашат

Генералниот секретар на ВМРО-ДПМНЕ, Игор Јанушев ги отфрла сомнежите на Специјалното јавно обвинителство за незаконска набавка на кинеските автобуси. Во изјава за „Независен весник“, тој тврди дека новите истраги на Катица Јанева се дел од политичките притисоци и прогонот што го приредува власта.„Ова е и начин да се прикријат реалните афери и криминали на врхушката на власт, како на пример: полнењето кутии и криминалот за време на референдумот, криминалните милионски иновации, тендерите во четири очи во здравството, тендерите од 650.000 евра за цвеќиња или оној трагикомичен од 1.5 милиони евра за лубриканти што ги набавува владата. Ако навистина на власта и е до борба со криминалот, немаше да го отфрли предлогот за независно обвинителско тело кое ќе ги работи случаите почнати од СЈО, но и сите други за криминал направени од оваа влада. Јасно е дека владата и Заев од противник на криминалот се става во улога на негов заштитник. Нас тоа нема да не исплаши, туку не мотивира во борбата против оваа влада и нејзините катастрофално владеење без резултати“, вели Јанушев.

Македонија | пред 7 години

Еден загинат во тешката сообраќајка кај Млечен ресторан

Возач на мотор загина, а сопатничката се бори за живот по сообраќајката во Капиштец која се случи вчера околу 16 часот на булевар „Митрополит Теодосиј Гологанов“ во Скопје.Во сообраќајката учествуваа возило „цитроен крузер“ управувано од В.Ч.(61) од Скопје и моторцикл „дукати“ управувано од Г.Д.(32) од Тетово.Во незгодата со тешки телесни повреди се здобиле возачот на мотоциклот и сопатникот Н.Д.(31) од Тетово. Со возило на Итна медицинска помош биле пренесени во Ургентен центар при комплексот клиники „Мајка Тереза“, каде им била укажана лекарска помош. Околу 17.30 часот, возачот им подлегнал на повредите, додека сопатничката е задржана на лекување и се наоѓа во животна опасност. Увид на местото на настанот извршила екипа од СВР Скопје.

Скопје | пред 7 години

Нема фотографија

СЈО отвори нова истрага “Поштенска банка”, каде осомничениот Љубчо Георгиевски и Груевски не може да ги гони

Јавното обвинителство за гонење на кривични дела поврзани и кои произлегуваат од содржината на незаконското следење на комуникациите ја известува јавноста дека е отворена нова истрага со кодно име „Поштенска банка“. Станува збор за финансиска истрага, во рамки на која, три од осомничените девет лица се приведени пред судија на претходна постапка при Основниот суд Скопје 1.Истрагата опфаќа повеќе поврзани настани за сторени кривични дела – Перење пари и други приноси од казниво дело од чл.273 и со истата се опфатени девет лица и тоа: Коле Смилевски, Томе Главчев, Ратко Димитровски, Викица Поповски, Гкеорги Каратолис, Кирил Јаневски, Зоранчо Митровски, Ристо Милев и Златко Ѓорчев. Од извршените кривични дела сторени во временскиот период од 2001 до 2010 година била прибавена имотна корист во износ од околу 5 милиони евра.Во почеток на 2001 година Љубчо Георгиевски, како претседател на Владата на Република Македонија, Марјан Ѓорчев како вицепремиер и Никола Груевски како министер за финансии, со цел да го контролираат фактичкото функционирање на „Поштенска банка“, организирале во основањето на Банката, покрај „Македонска пошта“, која била во државна сопственост, да учествуваат и правните лица кои тие ги избрале – „Ноел Експорт импорт“ Гевгелија и печатница „Европа 92“ Кочани.На сопствениците на овие правни лица, на Томе Главчев и Ратко Димитровски им било кажано дека во основањето на Банката нема да учествуваат со сопствени средства, туку со пари кои ќе ги обезбедат од кредити. Планот бил основањето на „Поштенска банка“ да не биде со средства на осомничените, туку со средства од други извори, што е спротивно на Законот за банки.Согласно добиените насоки од наведените владини функционери, осомничените Томе Главчев, сопственик на „Ноел Експорт импорт“ Гевгелија и Ратко Димитровски, сопственик на „Европа 92“ Кочани, со кредити подигнати од три банки, ги уплатиле основачките влогови во „Поштенска банка“, по што осомничениот Коле Смилевски, како генерален директор на „Поштенска банка“ АД Скопје, овозоможил кредитирање на правните лица „Ноел Експорт импорт“ Гевгелија и „Европа 92“ Кочани и правни лица поврзани со нив. Сите средства добиени од кредити од „Поштенска банка“ се слеале на сметките на овие две правни лица и се искористени за враќање на првобитните кредити.Станува збор за индиректно кредитирање на основачките влогови со средства од банката која се основа, што е спротивно на Законот за банки и преставува кривично дело – Злоупотреба на службената положба и овластување.Воедно, осомничените Томе Главчев и Ратко Димитровски, искористувајќи ја нивната позиција во „Поштенска банка“, издејствувале осомничениот Коле Смилевски да овозможи одобрување на повеќе кредити на правните лица „Ноел“ и печатница „Европа 92“, како и на друштвата кои што биле директно поврзани со нив.Овие вториве, добиените кредитни средства веднаш ги префрлале на сметките на „Ноел“ и „Европа 92“, кои ги користеле за сопствени потреби. За сите овие одобрени кредити заедничко е дека било договорено воопшто да не се враќаат на Банката, со што била прибавена корист за „Ноел“ и „Европа 92“, а Томе Главчев, Ратко Димитровски и Коле Смилевски сториле Злоупотреба на службената положба и овластување.Поради проток на време во однос на лицата Љубчо Георгиевски, Марјан Ѓорчев, Никола Груевски, Томе Главчев и Ратко Димитровски, настапила застареност на кривичното гонење за кривичното дело Злоупотреба на службена положба и овластување.Во насока на прикривање на фактот дека паричните средства кои потекнуваат од незаконски добиените кредити, како и фактот дека акциите во „Поштенска банка“ ги стекнале на незаконски начин, осомничените Томе Главчев и Ратко Димитровски во временскиот период од 2005 година до 2010 година презеле дејствија на перење пари и други приноси од казниво дело.Имено, осомничените Томе Главчев и Ратко Димитровски преку нивните друштва-„Ноел“ и „Европа 92“ подигнале кредити од „Еуростандард банка“, кои биле наменети за сервисирање на обврските од претходните кредити подигнати од „Поштенска банка“.Како гаранција за подигнатите кредити во „Еуростандард банка“, истите ги заложиле сопствените акции од „Поштенска банка“. Со оглед на фактот што кредитот кон „Еуростандард банка“ откако поминал рокот за плаќање не бил вратен, Еуростандард банка“ го активирала обезбедувањето на кредитот и станала акционер во „Поштенска банка“.На овој начин осомничените со пренос на незаконски стекнатиот имот – акциите во „Поштенска банка“ и средствата добиени од кредитите од „Поштенска банка“, го прикриле нивното противправно потекло, со што сториле кривично дело Перење на пари и други приноси од казниво дело.Дејствијата на осомничените лица не завршуваат тука. Имено, осомничените Смилевски, Главчев и Димитровски со цел, незаконски да извлечат парични средства од „Поштенска банка“ направиле обид за докапитализација на Банката со издавање на втора емисија на акции за однапред познати купувачи.Ваквата докапитализација Народна Банка на РМ не ја одобрила, затоа што управителите на друштвата „ГД Тиквеш“ АД Кавадарци, „ГП Бетон“ АД Тетово, АД „МИК“ Кавадарци, „Венгал“ АД Скопје, „Езимит Груп“ ДОО Штип и АД „Жито Скопје“ – Скопје како потенцијални купувачи постапиле спротивно на чл.38 од Законот за банки, со тоа што се обиделе акциите од втората емисија во „Поштенска банка“ АД Скопје ДА ги купат од средствата на истата банка.Притоа, осомничениот Смилевски, со управителите на овие правни лица кои се обиделе да учествуваат во втората емиција на акции, склучил договори и на сите им признал побарување во износ од по 13 милиони денари за наводно обештетување, иако истите не претрпеле никаква штета и реално немале право на вакво нешто. Притоа, било договорено износот кој го примаат правните лица на име обесштетување да биде искористен за затворање на преостанатите обврски кои по основ подигнати кредити од „Поштенска банка“ ги имале правните лица „Ноел Експорт импорт Гевгелија“ и „Европа 92 Кочани“.На овој начин истите се стекнале со противправна имотна корист од 81.703.525 денари. Појаснуваме дека управителите на правните лица кои ги склучиле договорите за обесштетување знаеле за фиктивноста на договорите, но дејствувале како членови на група што се занимава со перење на пари заедно со осомничените Смилевски, Главчев и Димитровски, поради што постои основано сомнение дека и лицата Викица Поповски, Зоранчо Митровски, Георги Каратолис, Ристо Милев, Златко Ѓорчев и Кирил Јаневски сториле кривично дело Перење на пари и други приноси од казниво дело.

Македонија | пред 7 години

(ФОТО) Стивенсон, Груби, Рангелова ручкaат

Според написите на социјалните мрежи, вчера пратеничката на ВМРО-ДПМНЕ Даниела Рангелова била на ручек со Артан Груби од ДУИ и Дејвид Стивенсон од Американсата амбасада во Скопје.https://twitter.com/macedonus/status/1050689946196029441Според истите, се врши притисок таа да гласа за уставни измени, откако јавно кажа дека тоа нема да го направи. Истовремено, бараат оставка од Рангелова како потврда дека нема да биде „за“ менување на Уставот.  

Македонија | пред 7 години

Убиецот на бугарската новинарката се враќа на местото на злосторството

Германија во следните 10 дена ќе и го испорача на Бугарија осомничениот за убиството на бугарската новинарка, Викторија Маринова, соопшти денеска германското обвинителство.Дваесетгодишниот бугарски државјанин, Северин Красимиров делумно го призна злосторството што се случи во северниот дел од Бугарија. Негова ДНК е пронајдена на местото на убиството, на основа на што беше издаден европски налог за апсење. Тој во вторникот беше уапсен во Германија, каде побегнал.Красимиров призна дека вербално спорел со жртвата на 6 октомври, бил под влијание на алкохол и дрога и ја удрил новинарката со тупаница по лицето. Тој рече дека потоа ја фрлил младата жена во грмушките, но не сакал да ја убие, одбивајќи ги и обвинувањата за силување.Изјава за медиумите даде и мајката на Красимиров, која потврди дека нејзиниот син и раскажал за убиството.Телото на новинарката Викторија Маринова, која известуваше за можна корупција во бугарската влада, беше пронајдено во близина на Дунав. Полицијата тогаш наведе дека Маринова била претепана, силувана и задавена.

Свет | пред 7 години

Шилегов најави контејнери со чипови

Контејнери со чипови кои ќе откриваат кој контејнер е полн и треба да се испразни, најави градоначалникот на Скопје, Петре Шилегов на денешната седница на Советот на Град Скопје.– Состојбата со комуналниот отпад се базира на еден модел кој е сериозно застарен. Веќе најавив дека Град Скопје ќе започне со вистинска дигитализација. Наместо досегашните рути, планот е компјутеризацијата да ја прави рутата, според тоа кој контејнер е полн. Во контејнерите да има чипови. Возилата би биле нови и специјални. Инсистирам контејнерите да бидат достапни за лицата со посебни потреби – рече Шилегов.

Скопје | пред 7 години

Рангелова: Бев изложена на притисок и закани заради гласањето на референдумот, партијата не се огласи со осуда

Јас со крената глава и достоинствено на референдумот гласав „против“ Преспанскиот договор и тоа е во рамки на партискиот став на ВМРО-ДПМНЕ – секој да одлучи по сопствено убедување, вели претседателката на Унијата на жени на ВМРО-ДПМНЕ, Даниела Рангелова во интервју за Призма.-Јас дејствувам транспарентно во партијата и за мојот став дека сум против апстиненција или бојкот го информирав извршниот комитет на ВМРО-ДПМНЕ и не се каам поради тоа. Прашањето за името е натпартиско и за него треба да одлучуваат единствено граѓаните на Република Македонија, на референдум, затоа што само на тој начин ќе имавме јасна слика за волјата на граѓаните, дали сме „за“ или „против“ – објаснува Рангелова.Таа додава дека по гласањето била изложена на невиден притисок, омаловажувања, понижувања и закани по животот во јавноста преку социјалните мрежи, заедно со нејзините колеги.-Не сакам да помислам дека ваквите закани се оркестрирани од некаков центар на интерес, но останува фактот дека партијата не се огласи со осуда и реакција на ваквиот низок степен на примитивизам кој преовладува на социјалните мрежи – посочува Рангелова, истакнувајќи дека би била среќна ако и нејзините колеги пратеници се охрабреле да гласаат против Договорот.Според неа, ВМРО-ДПМНЕ не ја одигра вистинската улога во процесот, за што впрочем говорат и критиките од страна на шефот на Европската народна партија, Жозеф Дол, кој изрази разочараност од неконстурктивноста на ВМРО-ДПМНЕ.-Токму затоа, мојот глас „против“ на 30 септември е израз на конструктивност, демократски капацитет и опозициско дејствување, а не израз на предавство, како што многумина сакаа да го прикажат. Знаете, ако сите поддржувачи на ВМРО-ДПМНЕ излегоа и гласаа на референдумот ‘против’, ќе бевме мнозинство и на легитимен начин ќе кажевме ‘НЕ’ за Договорот. Ќе си ги одмеревме силите со СДСМ и убедливо низ бројки власта ќе се увереше дека води погрешна политика што граѓаните не ја поддржуваа – посочува Рангелова.Таа додава дека сака да ја види Македонија како дел од НАТО, но нема да гласа за уставни промени во парламентот.„Моменталната актуелна состојба во партијата зборува за одредени дисонантни тонови во контекст на идната поставеност на партијата, кои се движат од радикално десни позиции до централно десни позиции, но се надевам и верувам дека за кратко време состојбата ќе биде искристализирано чиста, особено ако се земе предвид дека нашата партија во фокус ја има евроантлантската интеграција и ова веќе одамна е апсолвирано прашање  и не ни помислувам на друга опција – порача претседателката на Унија на жени на ДПННЕ.

Македонија | пред 7 години

(ВИДЕО) Стојаноска: Катица Јанева сама закажува рочишта и ги диктира процесите

Зоран Заев е исплашен од храброста и решителноста на македонскиот народ кој не потклекна на сите притисоци и манипулации и на референдумот покажа дека по ниедна цена нема да поддржи антидржавни политики со кои се брише името Република Македонија, изјави на денешната прес-конференција Дафина Стојаноска, член на ИК на ВМРО-ДПМНЕ.Како што рече Стојаноска, Заев е во паника затоа што не поминала неговата капитулација и граѓаните го осудиле обидот да добие амнестија за сопствените криминали преку штетниот договор со кој се прифатени грчките црвени линии.„Заев тргна со реализација на планот Б, а тоа е игнорирање и газење на волјата на сопствениот народ. Заев тргна со обид да ја заплаши опозицијата преку нарачан политички прогон и злоупотреба на институциите. Заев е свесен дека ВМРО-ДПМНЕ било со народот и дека секогаш ќе стои на браникот на државните и национални интереси и затоа сега бара помош од неговите послушници во СЈО“, нагласи Стојаноска и оцени дека вчерашниот настап на СЈО е уште една потврда дека Македонија не е веќе правна држава.Според претставничката на ВМРО-ДПМНЕ, Катица Јанева си чита имиња и сама ги суди.„Катица Јанева сама закажува рочишта, ги диктира процесите и ги прозива судиите што не и се по волја. Зоран Заев ги нарачува предметите и кажува која мерка и која пресуда е преостра или преблага. Вака функционира партиско – политичкиот прогон со кој што треба да се скрши македонскиот отпор. Вакво силување на правото и правдата во моментов нема во ниту една демократска земја“, рече Стојаноска и порача дека Македонија ќе ги издржи сите злодела на криминалниот картел на власт, но дека на крајот граѓаните ќе победат, а за се што се прави одговорност ќе понесат Заев и, како што кажа, неговите послушници.

Македонија | пред 7 години

(ВИДЕО) Канје Вест на ручек со Трамп во Белата куќа

Пристигнувањето на Канје Вест во Белата куќа предизвика голем интерес во јавноста. Рап-ѕвездата денеска се состана со зетот на претседателот Трамп, Џаред Кушнер, а потоа пристигна на ручек со Доналд Трамп. Голем број медиуми во живо ја пренесуваа средбата.https://www.facebook.com/RTnews/videos/1827948263991784/Посетата е резултат на пријателските односи меѓу Трамп и Вест, кои претходно се состанаа во кулата на Трамп во Њујорк за време на претседателската транзиција во 2016 година, по што разменуваа твитови во текот на изминатата година.

Магазин | пред 7 години