ДОМ бара итно да се изнајде решение за поранешната фабрика Купрум

Општинската организација на Демократската Обнова на Македонија - ДОМ од Ѓорче Петров апелира до премиерот и новата влада во ист контекст и до општината за изнаоѓање конечно решение за локацијата кај поранешната фабрика Купрум.

— реклама —

„Моменталната состојба на оваа локација преставува опасност за жителите кои се во непосредната близина и создава лош имиџ на општината и главниот град Скопје. Во тој контекст како можни решенија на овој проблем ги нудиме следните два предлози на пошироката јавност:

— реклама —

Студентски град - иницијатива која ја поддржавме во изработка на здружението Културно Ехо , и дел од нашата програма за последните локални избори. Можете да ја погледнете на следниот линк: https://issuu.com/.../kuprum_-_rudnik_na__sub_kultura...

— реклама —

Создавање на нов парк на истата површина со кој на ѓорчепетровци и граѓаните на Скопје ќе им се овозможи нова огромно зеленило, катче за уживање, можност за намалување на загадувањето и звучноста, ридонесувајки за зачувување на животната средина.

Општината Ѓорче Петров заслужува проекти кои ќе нудат развој, нејзина модернизација, чиста и здрава животна средина и создавање на услови за првата зелена општина во градот Скопје“, велат од ДОМ.