Дождливо и облачно низ Македонија: Најмногу врнежи во Маврови Анови

Врнежливо и студено утро во Македонија. Според податоците на Управата за хидрометеоролошки работи (УХМР), најмногу врнежи во изминатите 24 часа, до 08 часот утрово, се регистрирани во Маврови Анови, каде наврнале 14 литри на квадратен метар.

На второ место е Претор со 11 литри на квадратен метар, додека на Попова Шапка се измерени 8 литри. Во Тетово наврнале 7 литри, а во Гевгелија и Охрид по 6 литри на квадратен метар.

— реклама —

Најмалку врнежи се регистрирани во Скопје-Зајчев Рид, Велес, Крива Паланка и Штип, каде наврнал по еден литар на квадратен метар.

— реклама —

Што се однесува до утринските температури, најстудено било на Попова Шапка, каде се измерени 0 степени Целзиусови. Во Маврови Анови и Крушево температурата изнесувала 4 степени, додека во Крива Паланка биле измерени 7 степени.

Во Берово, Тетово, Битола, Охрид, Прилеп, Претор и Виница утринската температура изнесувала 8 степени. Најтопло било во Гевгелија со 11 степени.

— реклама —

Според прогнозата на УХМР, времето денеска ќе биде облачно со повремени локални врнежи од дожд со слаб до умерен интензитет, особено во попладневните часови и во текот на ноќта.

Ќе дува слаб ветер од северен правец, а максималната температура ќе се движи од 11 до 16 степени.

Во Скопје ќе биде претежно облачно со повремен дожд, особено попладне и во текот на ноќта. Ќе дува слаб северен ветер, а максималната температура ќе достигне до 14 степени.