Драма во грчко летувалиште: Мајка останала без свест во морето, спасена со помош на туристи од Србија

Тројца државјани на Србија се прогласени за херои на социјалните мрежи откако спречиле трагедија на плажа во грчкото летувалиште Неи Пори.

Според објава која масовно се споделува на социјалните мрежи, мајка со деца се нашла во опасност во морето, rелативно блиску до брегот. Наводно, едно од децата и мајката почнале да тонат, додека сопругот се обидувал да им помогне, но не успеал сам да ги извлече.

— реклама —

Во тој момент реагирал Александар Катиќ, кој, според сведоштвото, истрчал кон водата и успеал да го извлече девојчето од рацете на мајката, која веќе била во бессознание.

— реклама —

Во спасувањето се вклучила и Ана Вукосављев, која ја држела главата на жената над водата и започнала да ја влече кон брегот. Набргу потоа во помошта се приклучил и Раде Паниќ, полициски службеник од Србија, кој заедно со Ана успеал да ја извлече жената на безбедно.

„Само благодарение на брзата реакција и присебноста на овие тројца луѓе, сè завршило добро. Заслужуваат јавна пофалба за двата спасени живота“, се наведува во објавата.

— реклама —

Засега нема официјална потврда од грчките власти за настанот, но приказната предизвика бројни позитивни реакции на социјалните мрежи, каде граѓаните им изразуваат благодарност и почит на тројцата спасители.

— реклама —