Нискиот водостој на Дунав создава сериозен предизвик за работата на нуклеарната централа Пакш во Унгарија, поради што започна изградба на привремена подводна брана за да се обезбеди доволно вода за непречено функционирање на постројката.
Во рамките на операцијата започна и контролирано потопување на две баржи, долги околу 80 метри. Тие се полнат со вода со помош на осум пумпи и треба дополнително да го подигнат нивото на водата во критичниот дел од реката.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Експертите непрекинато го следат водостојот и состојбата на речното корито, бидејќи, според проценките, нивото на Дунав дополнително ќе се намалува.
Во операцијата се вклучени и припадници на унгарските вооружени сили. Воените хеликоптери пристигнале на локацијата и подигнуваат бетонски блокови што се поставуваат во коритото на Дунав.
Мерките се преземаат со цел да се обезбеди доволно количество вода за системите на нуклеарната централа и да се овозможи нејзино непречено работење и покрај екстремно нискиот водостој.
