Полицијата на островот Миконос уапси двајца мажи осомничени за кражба на алати и опрема од градилишта на различни локации на островот.
Според истрагата, сторителите одзеле дупчалки, машини за сечење, градежни колички, како и поголем број други алати и материјали од четири градилишта каде што се градат хотели.
Вкупната вредност на украдената опрема се проценува на околу 37.000 евра.
Надлежните органи истражуваат дали осомничените се поврзани и со други слични случаи на кражби.
