Два „ер трактори“ испратени во Велешко за гаснење на големиот пожар

Денеска, попладне, избувна пожар во велешката месност „Дорутовец“, по бензинската станица на „Макпетрол“, пред влезот во Велес, од десната страна на патот гледано во насока кон градот.

— реклама —

Поради ветрот и опасноста пожарот да се прошири, раководителот на Главниот штаб за управување со кризи, Стојанче Ангелов, инаку и директор на ДЗС, активираше два противпожарни авиона „ер трактор“ на Дирекцијата за заштита и спасување. Во прв момент, на терен дејствувале пожарникарите на Територијалната противпожарна единица (ТППЕ) Велес коишто дејствуваат со две ПП возила и 6 нивни припадници, а потоа нивниот број се зголемил според потребите, а во гасењето учествувале и јавни претпријатија и служби на Општина Велес, а и локално население од блиските села и населби.

— реклама —

— реклама —

По дејството на противпожарните авиони „ер трактор“ на ДЗС, пожарникарите на ТППЕ Велес, месно население од с.Чалошево, екипа со цистерна од ЈП ,,Дервен“, а и други служби и сили од Општината, врз пожарот во месноста „Дорутовец“ во Велешко, опасноста беше намалена, но пожарот беше проширен во правец на патот Велес – Штип. Заради чадот што ветрот го насочувал кон автопатот, била побарана поддршка од МВР за подготвеност за регулирање на сообраќајот согласно потреби. Состојбата се следи од раководителот на Штабот, а секако и од Главниот штаб за управување со кризи, во координација со екипите на терен.

Инаку, во државата имало и други пожари, од коишто до 8:00 часот, во ЦУК биле регистрирани вкупно 9 пожари на отворен простор, при што aктивни биле 4 пожари, под целосна контрола немало регистрирано, а изгаснати биле 5 пoжари.