Два инциденти во Ѓорче Петров: Татко ја нападнал ќерката, малолетници нападнати во училишен двор

Два одделни случаи на физичко насилство се пријавени во Ѓорче Петров, а во едниот полицијата привела 58-годишен скопјанец, додека во другиот се вмешани повеќе малолетници.

— реклама —

Според МВР, вчера околу 12 часот во семеен дом на подрачјето на Ѓорче Петров, 58-годишниот Б.Ц. физички ја нападнал својата 29-годишна ќерка. Тој бил приведен од полициски службеници еден час подоцна, а по документирање на случајот ќе следува соодветна пријава.

— реклама —

Одделно, тројца родители пријавиле дека нивните малолетни деца и нивни другари биле нападнати во училишен двор во истата скопска општина.

Според пријавата, инцидентот се случил на 2 октомври во 22:15 часот, кога четворица малолетници физички ја нападнале групата деца. Еден од напаѓачите, како што било пријавено во полицијата, носел и остар предмет.

— реклама —

МВР не соопштува дали во вториот инцидент има повредени, ниту дали остриот предмет бил употребен.

— реклама —

Полицијата презема мерки за расчистување на случајот со малолетниците.