Два земјотреса за неколку минути го погодија Крит

Грчкиот остров Крит денеска беше погоден од два последователни земјотреси, кои се случиле во временски интервал од само неколку минути и биле почувствувани во повеќе делови од островот.

— реклама —

Според првичните информации, првиот земјотрес бил со јачина од 4,6 степени, а вториот достигнал 5,3 степени според Рихтеровата скала. Епицентарот бил регистриран на длабочина од 14 километри под морското дно, во близина на островчето Гавдос, јужно од Крит.

— реклама —

Грчките медиуми јавуваат дека потресите биле почувствувани низ целиот остров, вклучително и во градовите Ретимно и Ханија, предизвикувајќи вознемиреност кај жителите и туристите.

— реклама —

По земјотресите, грчката полиција започнала патроли на погодените подрачја, но засега нема информации за материјална штета или повредени лица.

— реклама —

Од безбедносни причини, дел од туристите во околината биле евакуирани поради можност од одрони, додека надлежните служби продолжуваат да ја следат состојбата на терен.