Двајца 14-годишници тешко повредени во судир на трактор и мотоцикл во Муртино

Две 14-годишни момчиња од струмичкото село Банско се здобиле со тешки телесни повреди во сообраќајна несреќа меѓу трактор и мотоцикл во селото Муртино.

— реклама —

Според информациите од Министерството за внатрешни работи, несреќата се случила на 16 октомври 2026 година, во 12:30 часот. Во неа учествувале трактор „ИМТ 533“ со струмички регистарски ознаки, управуван од 57-годишниот Т.Т. од Муртино, и мотоцикл без регистарски ознаки, кој го управувал 14-годишен малолетник од Банско.

— реклама —

— реклама —

Во несреќата тешко биле повредени малолетниот возач на мотоциклот и неговиот 14-годишен сопатник, двајцата од селото Банско. Повредите биле констатирани во Медицинскиот центар во Струмица.

Увид на местото на несреќата извршила екипа на Полициската станица Струмица.