Двајца дрвокрадци приведени во прилепско и крушевско, одземени нежигосани дрва

Двајца мажи биле лишени од слобода во прилепско и крушевско откако полицијата кај нив пронашла нежигосани огревни дрва.

— реклама —

Според информациите од МВР, на 29 октомври во 14:30 часот, во селото Житоше, општина Долнени, полициски службеници од Полициското одделение Ропотово го привеле 57-годишниот В.С. од селото. Тој бил затекнат на местото викано „Надводеница“ со приколка натоварена со нежигосани огревни дрва.

— реклама —

— реклама —

Истиот ден, во 16:20 часот, во селото Белушино, крушевско, бил лишен од слобода и 69-годишниот С.Б. од селото. При преглед на тракторот со крушевски регистарски ознаки што го управувал, полицијата пронашла и одзела нежигосани дрва и моторна пила.

По документирањето на двата случаи, против лицата ќе бидат поднесени соодветни пријави.