Двајца мажи уапсени за семејно насилство во Гостивар: Едниот насилно влегол во станот и ја тепал сопругата, другиот ја нападнал партнерката со остар предмет

Двајца мажи од Гостивар и гостиварско биле лишени од слобода по пријави за семејно насилство во два одделни случаи, информира Министерството за внатрешни работи.

— реклама —

Во првиот случај, на 25 октомври во 11:50 часот, полицијата го уапсила 33-годишниот С.С. од гостиварско село, откако неговата 48-годишна сопруга пријавила дека околу 2 часот, по кратка расправија, насилно влегол во станот, ја оштетил балконската врата и физички ја нападнал, при што ѝ нанел повреда.

— реклама —

— реклама —

Во вториот случај, истиот ден во 12:25 часот, бил приведен 55-годишниот А.С. од Гостивар. Неговата 40-годишна вонбрачна сопруга пријавила дека, по кратка расправија, тој ја нападнал со остар предмет и ѝ упатил закани.

Двајцата мажи се задржани во полициска станица. По целосното документирање на случаите, против нив ќе следуваат соодветни поднесоци.