Две галерии на автопатот Охрид – Кичево целосно завршени, третата во изградба

Изградбата на автопатот Охрид – Кичево се реализира со забрзана динамика, а во следните месеци се очекува пуштање во сообраќај на најкомплицираните 10 километри од трасата, информира министерот за транспорт Александар Николоски.

— реклама —

Тој во објава посочи дека интензивно се работи на изградбата на галериите, при што две од нив се целосно завршени, додека на третата се работи со забрзано темпо.

— реклама —

Според Николоски, изградбата на галериите е најдобро решение за стабилизација на земјиштето, а досегашните активности на терен покажуваат дека ова решение дава резултати.

— реклама —

Паралелно со галериите, се работи и на стабилизација на земјиштето, завршување на мостовите, како и на изградбата на двете цевки од тунелите.

„Ова беше напуштен проект, ова беше проект во кој никој не веруваше, но веќе се гледа крајот. Имаме 34 километри на кои се вози, а во следните неколку месеци ќе отвориме уште 10 километри кои се најкомплицираниот дел од овој автопат, каде што влегуваат тунелите и галериите“, наведе Николоски.