Двегодишно дете исчезнало на аеродром во Израел, го пронашле на лентата за багаж

Необичен инцидент се случил на меѓународниот аеродром „Бен Гурион“ во Израел, каде што двегодишно дете накратко исчезнало откако се качило на подвижната лента за багаж и се придвижило до делот каде што се сортираат куферите пред нивното товарење во авионите.

— реклама —

Настанот се случил во четвртокот, додека семејството се подготвувало за лет кон Ларнака, на Кипар, објави израелскиот „Канал 12“.

— реклама —

— реклама —

Откако родителите не успеале да го пронајдат детето, ја известиле полицијата, која веднаш започнала потрага на аеродромот.

— реклама —

Детето било пронајдено по неколку минути на подвижната лента за багаж, во просторот каде што куферите се сортираат пред да бидат испратени на товарење во авионите.