Движењето ЗНАМ тврди дека повеќе од 30 члена го напуштиле СДСМ во Ѓорче Петров

Повеќе од 30 членови на Општинската организација на СДСМ во Ѓорче Петров ја напуштиле партијата и преминале во Движењето ЗНАМ – За Наша Македонија.

— реклама —

Од ЗНАМ соопштија дека новите членови биле пречекани од генералниот секретар на Движењето, Горан Минчев, и претседателот на општинската организација во Ѓорче Петров, Славољуб Тотиќ.

— реклама —

Како причини за напуштањето на СДСМ, во партиското соопштение се наведуваат состојбите во партијата, отсуството на јасна политичка визија и губењето на довербата кај граѓаните.

— реклама —

Состојба во која се наоѓа СДСМ, отсуството на јасна политичка визија и губењето на довербата кај граѓаните се дел од причините поради кои членството ја напушта партијата. ЗНАМ продолжува да ги отвора вратите за сите чесни, искрени и принципиелни луѓе кои сакаат да придонесат за поинаква, одговорна и достоинствена политика, велат од ЗНАМ.

— реклама —

Од ЗНАМ оценуваат дека пристапувањето на новите членови е потврда за поддршката на нивната политика и порачуваат дека остануваат отворени за сите кои сакаат да придонесат за, како што наведуваат, поинаква, одговорна и достоинствена политика.