Џенифер Лопез предизвика лавина реакции на социјалните мрежи откако покажа како денес ѝ стои легендарното парче облека од „Версаче“ што го носеше во 2001 година.
Латино-дивата привлече огромно внимание кога откри дека и понатаму може да ги носи истите фармерки од спотот за песната Ain't It Funny од 2001 година.
Станува збор за уникатен модел на Versace, кој и денес привлекува внимание кај љубителите на модата.
Фармерките се со низок струк, имаат врвки наместо патент и детали на страните, а многумина коментираа дека Џенифер Лопез денес изгледа уште позатегнато отколку во периодот кога беше снимен спотот.
Во оригиналниот видеоспот пејачката носеше црна маица со прерамки, додека сега комбинацијата ја надополни со бел ролка-топ, нагласувајќи ја својата фит фигура.
Нејзиниот изглед повторно отвори бројни коментари за дисциплината и редовните тренинзи по кои е позната. Џенифер Лопез со години важи за една од најпосветените ѕвезди кога станува збор за физичката подготвеност и здравиот начин на живот.
Песната „Ain’t It Funny“ останува еден од најголемите хитови во нејзината кариера, а стајлингот од спотот и денес се смета за препознатлив моден момент од почетокот на 2000-тите.
