Двете лица во кои беше пукано пред Клиничкиот центар во Тетово се префрлени на лекување во скопските клиники. Станува збор за двајца браќа од селото Гајре. Едниот од нив е во покритична состојба. Дали лицата кои пукале се најдени и приведени – не е познато. Докторот Бобан Вучевски од Клиниката во Тетово кажа дека други повредени лица нема.
„Беше интервенирано од наша страна и со екипа од анестезија и реанимација префрлен е на скопските клиники. Кај вториот кој беше повреден, но во постабилна состојба, нашите торакални хирурзи поставија торакален дрен за да се стабилизира и исто така е префрлен во скопските клиники“, кажа Вучевски.
Пукањето се случило откако претходно имало караница помеѓу еден од браќата кој е ранет и осомничено лице. Непознато е поради која причина и како подоцна караницата ескалирала со пукање.
МВР до овој момент не информираше за приведени лица.
„Денеска околу 18 часот и 5 минути во СВР Тетово пријавено е дека пред влезот на Ургентен центар во тетовската Клиничка болница било пукано во две лица од тетовското село Гајре, кои се здобиле со прострелни рани. Служби на СВР Тетово и јавен обвинител се на лице место и се преземаат мерки за пронаоѓање на пет лица, кои се сомничат во врска со случајот. Инаку, на овој случај денеска, исто така, му претходела физичка пресметка помеѓу еден од ранетите и еден од осомничените за учество во пукањето. Се работи на расчистување на случајот“, кажаа од МВР, прашани за првични информации.
Крвава пресметка и пукање во Тетово - две лица погодени од куршуми, едното во тешка состојба
Крвава пресметка со пукање имало во Тетово, дознава „Скопје1“. Според првичните информации има тешко повредени лица. Едното лице кое е погодено, е во тешка состојба и итно пренесен со Брза помош во Клиничкиот центар во Скопје.„Денеска околу 18 часот и 5 минути во СВР Тетово пријавено е дека пред влезот на Ургентен центар во тетовската Клиничка болница било пукано во две лица од тетовското село Гајре, кои се здобиле со прострелни рани. Служби на СВР Тетово и јавен обвинител се на лице место и се преземаат мерки за пронаоѓање на пет лица, кои се сомничат во врска со случајот. Инаку, на овој случај денеска, исто така, му претходела физичка пресметка помеѓу еден од ранетите и еден од осомничените за учество во пукањето. Се работи на расчистување на случајот“, велат од МВР за „Скопје1“Ова се втори пукотници во Тетово за две недели. Претходно, во Челопек, 60-годишен маж уби двајца роднини, а едно лице рани. Причината беше имотно-правни односи.
Македонија | пред 2 години
