„Eдното дете го давеше, а другото го удри“: Анџелина Џоли откри шокантни детали

Актерката Анџелина Џоли (47) поднесе противтужба против нејзиниот поранешен сопруг Бред Пит (58), а во неа упати сериозни обвинувања против него, објаснувајќи го инцидентот што го нарече злоупотреба, а кој наводно се случил во приватен авион во 2016 година.

— реклама —

Адвокатите на славната актерка вчера поднесоа тужба во Лос Анџелес, а во неа има наводи за расправија во авионот на 14 септември 2016 година, која наводно довела до поднесување барање за развод неколку дена подоцна.

— реклама —

„Кога едно од децата вербално ја бранеше Анџелина Џоли, Пит се нафрли по сопственото дете, а Џоли го фати одзади за да го спречи“, се наведува во списите доставени до судот.

"Децата побрзаа и храбро се обидоа да се заштитат едни со други. Пред да заврши се, Пит го гушеше едното од децата, а другото му удри шлаканица во лицето. Некои од децата го молеа Пит да престане. Сите беа преплашени", стои во противтужбата.

— реклама —

Се наведува и дека за време на „многуте напнати часови од летот“ Пит „повремено излегувал од задниот дел на авионот, викал и пцуел“. Во „еден момент ја полил Џоли со пиво, а во друг ги полил децата со пиво и црвено вино“.

Адвокатите на Бред Пит се уште не дале изјава за ова прашање.