Ексдиректорот на „Охис“, Јорго Ќука е прегазениот велосипедист на мостот „Гоце Делчев“

Човекот кој вчера беше прегазен на „црната точка“ на мостор „Гоце Делчев“ во центарот на Скопје е поранешниот директор на хемискиот гигант ОХИС, Јорго Ќука.

— реклама —

— реклама —

78-годишникот Ќука возел велосипед кога во него удрил автомобилот „фолксваген пасат“, по што возачот го оставил автомобилот и избегал од местото на настанот, но полицијата го пронајде неколку часа подоцна.

— реклама —

Јорго Ќука беше еден од најпознатите директори во македонската економија во 1990-те. Подоцна тој беше уапсен и осуден во 2007 година на четири и пол години затвор за злоупотреба на служебата должност и незаконско работење.