Експлозија во Црното Море: Два танкера во пламен кај турскиот брег

Два танкера се запалија по силна експлозија во Црното Море, во близина на турскиот брег, јавуваат турските медиуми. Екипажот од 25 морнари од едниот брод е успешно евакуиран, а властите го оценуваат инцидентот како сериозен морски безбедносен ризик. Според Министерството за транспорт на Турција, експлозијата избувнала на големиот танкер „Kairos“, долг 274 метри, додека пловел од Египет кон Русија. Огнот брзо се проширил на надворешните делови од бродот, по што екипажот испратил итен повик за помош.

— реклама —

— реклама —

Турската Дирекција за поморски работи соопшти дека бродот бил на пат кон руската лука Новоросијск кога е пријавен „удар“ што го предизвикал пожарот, но засега не е познато дали станува збор за технички дефект, надворешен фактор или евентуален напад. Спасувачките тимови и турската крајбрежна стража веднаш интервенирале, а морскиот сообраќај во поширокиот регион е ставен под посебен надзор додека трае контролата на пожарот и процената на штетата.

— реклама —

Инцидентот предизвика загриженост бидејќи Црното Море е еден од најфреквентните трговски коридори меѓу Блискиот Исток, Турција и Русија. Турските власти најавија дополнителни информации по целосното разјаснување на причините за експлозијата.