Експлозија во објект на „Оранж“ во Париз, две лица во критична состојба

Во експлозија во технички објект на телекомуникациската компанија „Оранж“ во Париз повредени се три лица, од кои две тешко, соопшти денеска градоначалничката на седмиот париски округ, Рашида Дати.

— реклама —

Инцидентот се случил во подрумот на зградата на компанијата, по што избувнал пожар. Според властите, двајца од повредените се во критична состојба, а третиот има полесни повреди.

— реклама —

— реклама —

Пожарникарските екипи успеале да го локализираат пожарот, додека техничарите на „Оранж“ работат на враќање на телефонските и интернет услугите кои се прекинати за околу 80.000 корисници, пренесува Ројтерс.