ПАРИЗ

Зеленски пристигна во Париз: Следува средба со Макрон

Претседателот на Украина, Володимир Зеленски, пристигна во Париз, каде што треба да се сретне со францускиот претседател Емануел Макрон, соопшти портпаролот на украинскиот претседател, Сергиј Никифоров.Тој напомена дека програмата на посетата вклучува разговори меѓу претседателите на Украина и Франција, а Зеленски ќе се сретне и со студенти, пренесува Укринформ.Како што беше претходно најавено, двајцата претседатели ќе разговараат за актуелната состојба во Украина, поддршката од Франција и европските партнери во помошта за Киев, како и за начините за зголемување на притисокот врз Русија, вклучително и борбата против таканаречената руска „сенковита флота“, пренесе Укринформ.На средбата соговорниците ќе разменат мислења и за условите за постигнување праведен и траен мир.

Свет | пред 1 седмица

Скандал во Лувр: Туристички водичи и вработени обвинети за измама, продавале лажни билети на кинески посетители

Париската полиција го разби организираниот обид за измама во музејот Лувр и уапси 10 лица, меѓу кои се и вработени во музејот и туристички водичи, осомничени дека на кинески посетители им продавале лажни билети и преполнувале тури со водичи.Според информациите на весникот „Le Parisien“, полицијата ги уапсила осомничените во вторник откако управата на Лувр пријавила „нерегуларности“.Како што пренесува „Euronews“, одземени се три возила, 130.000 евра кеш, скоро 200.000 евра на банкарски сметки и повеќе банкарски сефови со големи суми пари.Откривањето на оваа измама следи по низа предизвици за Лувр, вклучувајќи штрајк на вработени незадоволни од платите и работните услови, што довело до делумно затворање на музејот секоја недела.Музејот исто така бил критикуван поради зголемување на цената на билетите за посетители од надвор од Европа од 22 на 32 евра, како дел од националната политика за „диференцирани цени“ што ја применуваат и други културни институции во Франција.

Свет | пред 1 месец

Владата уверува во Париз: Македонија останува посветена на заштитата на Охридскиот Регион

Владина делегација составена од Александар Николоски, заменик-претседател на Владата и министер за транспорт и врски, Тимчо Муцунски, министер за надворешни работи и надворешна трговија, Зоран Љутков, министер за култура и туризам, Муамет Хоџа, министер за животна средина и просторно планирање, како и градоначалниците на Охрид и Струга, Кирил Пецаков и Менди Ќира, вчера и денес престојуваше во работна посета на Париз, каде беа остварени средби со високи претставници на УНЕСКО.Делегацијата одржа разговори со генералниот директор на УНЕСКО, Калед Ел-Енани, со претседателот на 43-тата Генерална конференција на УНЕСКО, Конгкер Мохамад Талха, како и со претседателот на Извршниот одбор на УНЕСКО, Насер бин Хамад Ал Хинзаб. На средбите било разговарано за улогата и значењето на УНЕСКО во современиот свет, како клучна мултилатерална организација која промовира дијалог и меѓународна соработка во областите на образованието, науката, културата и комуникациите.Посебен акцент во разговорите бил ставен на состојбата на Охридскиот Регион како природно и културно светско наследство. Притоа била нагласена важноста од континуирана, систематска и навремена имплементација на препораките за заштита, со цел зачувување на статусот на регионот на Листата на светско наследство.Од Владата информираат дека за време на средбите била потврдена јасната определба на државата за доследно спроведување на преземените обврски за заштита на Охридскиот Регион. Истовремено, била изразена подготвеност за продолжување и унапредување на соработката со Република Албанија во рамки на постојните билатерални и меѓународни механизми, со цел обезбедување долгорочна и одржлива заштита на овој исклучително значаен природен и културен простор.

Охрид | пред 1 месец

Лет на Wizz Air прекинат по два часа: итно слетување во Брисел

Авион на авиокомпанијата Wizz Air кој утрово полетал од Скопје кон Париз прогласил вонредна состојба околу два часа по полетувањето, додека се наоѓал над Луксембург, пренесуваат специјализирани сервиси за следење на летови.Станува збор за летот W64719, управуван од авион „Airbus A321neo“. Според достапните информации, екипажот одлучил да го прекине летот и да го пренасочи кон аеродромот Брисел–Шарлроа, каде што леталото безбедно слетало околу 7:30 часот по универзално време, по приближно два часа и 15 минути во воздух.Податоците од системот за следење на летови Flightradar24 исто така покажуваат дека авионот бил пренасочен и наместо во Париз слетал во Брисел.Според објавите на домашните медиуми, додека авионот бил во воздушниот простор над Луксембург, пилотите побарале итно слетување на бриселскиот аеродром Шарлоа, кој бил поблизу се со цел да му се укаже лекарска помош на патникот.

Македонија | пред 1 месец

(Видео)Фармерите ги блокираа Ајфеловата кула Триумфалната капија

Земјоделците во Париз ги блокираа Триумфалната капија и Ајфеловата кула. Незадоволството на земјоделците, кои протестираат веќе со недели, е насочено против политиката на колење говеда погодени од болеста јазлеста кожа, ниските цени на пченицата и високите трошоци за ѓубрива.Околу стотина земјоделци се собраа во Париз, и покрај забраните, протестирајќи против договорот за слободна трговија со Меркосур и барајќи административни поедноставувања.Демонстрантите ги блокираа Триумфалната капија и Ајфеловата кула, а делумно беше затворен и автопатот А13 во западниот дел од француската престолнина.

Свет | пред 2 месеци

(Видео) Романскиот претседател Никушор Дан заглавен во Париз поради снежна бура

Претседателот на Романија, Никушор Дан, остана завеан од снег во Франција, откако поради силна снежна бура неговиот воен авион не можеше да полета од Париз ниту синоќа ниту утрово.Воениот авион „Спартан“, со кој патуваше романската делегација, првично требаше да полета во вторник на полноќ, а потоа и во среда наутро, но обилните снежни врнежи ја прекрија пистата на аеродромот, поради што надлежните служби не дадоа дозвола за полетување. Иако авионот бил одмрзнат, полетувањето било одложено во последен момент, а околу 9:30 часот претседателот бил изведен од леталото.На Никушор Дан му било наложено да го напушти авионот додека трае чистењето на пистата, за да се создадат услови за безбедно полетување кон Букурешт. Надлежните информирале дека операцијата ќе трае од еден до еден и пол час, но снежните врнежи продолжиле и пистата повторно била покриена со снег.Според информациите на „Обзерватор“, околу пладне започнале нови операции за одмрзнување на авионот, при што опремата била обезбедена од Префектурата на Париз. Во меѓувреме, се разгледува и можноста за испраќање друг авион, со цел романскиот претседател да може да се врати во земјата.Додека чекал на аеродромот, Никушор Дан разговарал со новинарите и укажал на проблемот со недостигот од модерен претседателски авион способен да лета во тешки временски услови. Тој истакнал дека таков авион нема да може да се набави ниту во 2026 година.„Во одреден момент ќе мора да имаме претседателски авион, и тоа не само за претседателот, туку и за министрите кои патуваат во делегации за важни прашања. Овој авион има многу повеќе функции од обичен авион, а во моментов немаме ни соодветна комуникација – кога сме во лет, ние сме изолирани“, изјави Дан.Тој додаде дека во авионот „Спартан“ не постои безбедна комуникација, поради што претседателот не може во реално време да добие информации доколку во земјата се случи сериозна ситуација. Дан нагласи дека одлучил да патува со овој авион со цел да заштеди средства.

Свет | пред 2 месеци

Истекување вода во Лувр: оштетени стотици предмети од египетскиот оддел

Во прочуениот париски музеј Лувр дошло до истекување вода, при што беа оштетени неколку стотици предмети од египетскиот оддел. Инцидентот се случил само неколку недели по кражбата на скапоцен накит, што повторно ги отвори прашањата за безбедноста и застарената инфраструктура на музејот, пренесува весникот „Гардијан“.Заменик-директорот на музејот, Франсис Штајмбок, потврди дека се оштетени меѓу 300 и 400 дела. Станува збор за египтологски списанија и научна документација што редовно ја користат истражувачите. Овие материјали, кои датираат од крајот на 19. и почетокот на 20. век, се оценети како „многу корисни“, но не и незаменливи. Штајмбок нагласи дека ниту еден историски артефакт не е погоден и дека засега нема неповратни штети.Музејот отвори внатрешна истрага. Како причина за инцидентот се наведува случајно отворање на вентил од системот за греење и вентилација, по што водата продрела низ таванот во крилото Молијен, каде се чувала документацијата. Раководството на Лувр предупреди дека системот е целосно застарен и дека е планирано негово целосно заменување дури во септември 2026 година.Инцидентот доаѓа во период кога вниманието веќе е насочено кон безбедносните слабости на музејот. Во октомври беше украден накит вреден 102 милиони долари. Бандата која стои зад кражбата успеа за само седум минути, среде ден, да изнесе драгоцености – настан што предизвика голема загриженост во јавноста.Оштетените дела ќе бидат исушени, испратени на реставрација и потоа повторно ќе се вратат во архивските простории. За да обезбеди средства за неопходните обнови, управата на Лувр најави значително зголемување на цените на влезниците. Посетителите од земји надвор од Европската унија, вклучувајќи ги оние од САД, Велика Британија и Кина, ќе плаќаат 32 евра, што претставува зголемување од 45 проценти.Музејот очекува на овој начин да ги зголеми годишните приходи за околу 23 милиони долари. Лувр во 2024 година го посетиле 8,7 милиони лица, од кои 69 проценти биле странски туристи.

Свет | пред 3 месеци

Лувр ги зголемува цените на влезниците за туристи од земји надвор од ЕУ – зошто најпознатиот музеј на светот поскапува за 45%?

Од почетокот на наредната година, парискиот Лувр ќе воведе значително поскапи влезници за посетителите кои доаѓаат од земји надвор од Европската унија. Управниот одбор на музејот одлучи дека туристите од САД, Велика Британија, Кина и други земји ќе плаќаат 32 евра за влез – што претставува зголемување од 45 проценти.Новата цена, која стартува на 14 јануари, ќе се однесува за сите посетители што не припаѓаат на Европскиот економски простор. Музејот минатата година примил речиси девет милиони луѓе, од кои големо мнозинство се странски туристи. Повеќе од 10 проценти од посетителите доаѓаат од САД, а околу 6 проценти од Кина.Поскапувањето се воведува со цел музејот да обезбеди десетици милиони евра за итни реконструкции, откако ревизија по големата октомвриска кражба – при која четворица крадци украдоа накит вреден над 100 милиони долари – открила застарени безбедносни системи и сериозни инфраструктурни проблеми.Лувр веќе подолго време се соочува со критики поради огромните гужви, долгите редици и недоволниот простор, особено околу најголемата атракција – „Мона Лиза“. Францускиот претседател Емануел Макрон и раководството на музејот во јануари најавија пакет мерки за подобро искуство на посетителите, вклучувајќи план сликата да се премести во поголем, нов простор.Планирани се и големи обнови на други делови од музејот, нови тоалети, проширени зони за одмор и нови ресторани – инвестиции што ќе чинат стотици милиони евра.Во меѓувреме, галеријата со грчка керамика неодамна беше затворена поради конструктивни оштетувања, што дополнително го потенцира проблемот со застарената инфраструктура.Ревизијата по кражбата открила и дека музејот последниве години повеќе вложувал во купување нови уметнички дела отколку во одржување и безбедност – пракса што сега, очигледно, мора да се промени.

Свет | пред 3 месеци

Француската полиција трага по украдениот накит од Лувр, истрагата води кон Антверпен

Француската и белгиската полиција трагаат по накит вреден 102 милиони долари, украден од музејот Лувр во Париз. Истрагата сè повеќе води кон подземниот свет на индустријата за накит во Антверпен, кој со години се поврзува со перење и препродажба на украдени скапоцености.Белгиската полиција преку европската мрежа „Розов дијамант“ добила предупредување за можни обиди за продажба на украдените предмети и веднаш била ставена во готовност.Според истрагата, се следат канали преку кои накитот може да биде преправен или стопен, а се очекуваат и нови претреси во Антверпен и околината.

Свет | пред 4 месеци

Хартиените билети за парискиот метро заминуваат во историјата

Хартиените билети за париското подземје стануваат минато, а ќе бидат заменети со дигитални билети и картички, соопшти компанијата „РАТП“ (RATP) која управува со овој јавен превоз во француската престолнина.Продажбата на хартиени билети официјално заврши во средата, што претставува дел од постепеното укинување на продажните места за еднократни билети, од кои годишно се продаваа повеќе од 500 милиони.Оваа промена е дел од повеќегодишната транзиција кон дигитални решенија и поголема употреба на картички за превоз, пренесува агенцијата ДПА (dpa).Крај на една ераПред две години во историјата замина и познатиот „Carnet de 10“ – десет билети по намалена цена, многу популарно меѓу туристите.Сите кои сè уште поседуваат хартиени билети ќе можат да ги искористат до следната година, по што ќе можат да ги заменат со други форми на билети.Од „РАТП“ објаснуваат дека укинувањето на хартиените билети, воведени со отворањето на париското метро пред 125 години, има за цел намалување на влијанието врз животната средина преку напуштање на нивното производство и рециклирање.Со оваа промена компанијата сака да го забрза протокот на патници, да го подобри корисничкото искуство и да го олесни пристапот до метрото за сите патници.

Свет | пред 4 месеци

Експлозија во објект на „Оранж“ во Париз, две лица во критична состојба

Во експлозија во технички објект на телекомуникациската компанија „Оранж“ во Париз повредени се три лица, од кои две тешко, соопшти денеска градоначалничката на седмиот париски округ, Рашида Дати.Инцидентот се случил во подрумот на зградата на компанијата, по што избувнал пожар. Според властите, двајца од повредените се во критична состојба, а третиот има полесни повреди.Пожарникарските екипи успеале да го локализираат пожарот, додека техничарите на „Оранж“ работат на враќање на телефонските и интернет услугите кои се прекинати за околу 80.000 корисници, пренесува Ројтерс.

Свет | пред 5 месеци

Јужноафриканскиот амбасадор во Франција пронајден мртов пред хотел во Париз

Јужноафриканскиот амбасадор во Франција, Нати Мтетва, е пронајден мртов пред еден хотел во Париз, соопшти денеска француското обвинителство. Извори блиски до случајот наведуваат дека најверојатно станува збор за самоубиство.Според првичните информации, 58-годишниот дипломат бил во депресија и можно е самиот да си го одзел животот. Тој имал резервирано соба на 22. кат од хотелот, а прозорецот бил насилно отворен, соопшти обвинителството.Телото на Мтетва, близок пријател на поранешниот јужноафрикански претседател Џејкоб Зума, било пронајдено пред хотелот. На местото излегол дежурен судија, а истрагата ја води специјалната единица за сузбивање на злосторства против личности.Неговиот исчезнување во понеделникот го пријавила сопругата, која изјавила дека претходно добила вознемирувачка порака од него.

Свет | пред 5 месеци

Свински глави пред муслимански објекти: Србија уапси група осомничена за злосторства од омраза во Берлин и Париз

Српското Министерство за внатрешни работи соопшти дека 11 лица се приведени под сомнение дека учествувале во серија злосторства од омраза во главните градови на Германија и Франција. Осомничените, сите државјани на Србија, делувале во периодот од април до септември 2025 година, а акциите ги изведувале во Париз и Берлин.Според информациите, нивните активности вклучувале фрлање зелена боја на Споменикот на Холокаустот во Париз, неколку синагоги и еврејски ресторан. Дополнително, биле поставувани свински глави во близина на муслимански верски објекти во париската област, како и пред Бранденбуршката порта во Берлин.Министерството наведува дека групата броела 14 членови, од кои 11 се приведени и се наоѓаат во притвор во Смедерево, во близина на Белград. Тие ќе бидат испрашани во следните 48 часа. Главниот организатор, идентификуван со иницијали М.Г., е сè уште во бегство и, според истрагата, дејствувал по инструкции на „странска разузнавачка служба“. Не е наведено која служба стои зад тоа.Француските власти уште во 2023 година предупредија дека Русија се обидува да предизвика нестабилност во Европа, по појавата на Давидови ѕвезди на повеќе локации низ Париз. Српското министерство не потврди дали и во актуелните инциденти е вклучена Москва, но нагласи дека групата имала за цел да шири идеи што поттикнуваат омраза, дискриминација и насилство врз основа на вера, раса, етничка припадност или националност.Веста доаѓа во контекст на силните односи меѓу Белград и Кремљ. Владата на Српската напредна партија неодамна промовираше документ на Руската служба за надворешно разузнавање (СВР), во кој се обвинува ЕУ дека поддржува „шарена револуција“ во Србија преку антивладини протести. Србија остана меѓу ретките европски земји што не се приклучија на санкциите против Русија по инвазијата на Украина во 2022 година, а редовни авионски линии и понатаму ја поврзуваат со Москва и Санкт Петербург.

Свет | пред 5 месеци

Нотр Дам повторно со отворени кули – туристите веќе прави редици

Посетителите повторно можат да ги разгледаат кулите на катедралата Нотр Дам во Париз, преку 45-минутна тура која започнува со искачување во јужната кула до камбанаријата. Новиот обиколен пат е унапреден во однос на состојбата пред пожарот, со нови видиковци и дополнителни простори за туристите.Влезниците чинат 16 евра и можат да се купат исклучиво онлајн, а дозволен е влез за само 19 лица истовремено. Карти за првите два дена беа распродадени за само 24 минути.Отворањето на обновените кули доаѓа во согласност со ветувањето на францускиот претседател Емануел Макрон дека реставрацијата ќе биде завршена за пет години.Од повторното отворање на катедралата во декември 2024 година, речиси 30.000 посетители дневно го посетуваат обновеното готско архитектонско ремек-дело. На церемонијата на отворањето, Макрон беше домаќин на светски лидери и познати личности, меѓу кои и украинскиот претседател Володимир Зеленски, британскиот принц Вилијам и тогашниот американски претседател-избран Доналд Трамп.Вредноста на целата реставрација изнесува околу 930 милиони евра. Во работите беа вклучени стотици работници кои користеа современи технологии како дронови и компјутерска анимација за прецизна реконструкција на катедралата. Дополнително, воведени се и нови мерки за заштита од пожар, вклучувајќи метални носачи што го делат покривот во три дела за да се намали ризикот од ширење на огнот.

Магазин | пред 6 месеци

Од Скопје до Париз нова линија со авиокомпанијата Изиџет

Имаме две добри вести, првата е дека конечно ќе се воспостави директна линија од Скопје до Амстердам, што е огромна можност за туризмот, со оглед дека Македонија е популарна дестинација за Холаѓаните. И најновата вест е дека авиокомпанијата Изиџет формално поднесе документи во министерството за Скопје-Париз до аеродромот “Орли”, кој што е најблиску до центарот на Париз, најави вицепремиерот и министер за транспорт Александар Николоски.Тој потенцираше дека во наредниот период се очекува да бидат потврдени уште 3-4 дестинации до кои ќе се лета од македонските аеродроми. Во однос на состојбата во која како министер ги затекнал аеродромите во државата, тој истакна:“Во услови каде приштинскиот аеродром го заминува скопскиот, а охридскиот ќе добие сериозна конкуренција во аеродромот во Валона кој што се гради во моментов, како и во помалите грчки аеродроми во северниот дел на Грција, сфатив дека мора да направиме драстична промена. Таа промена ја направивме со политиката на субвенционирање на летови, каде што прво субвенциите ќе одат по патник кој што доаѓа во Македонија, а не по патник кој што заминува од државата, како што правела претходната власт. Второ, драстично се зголемени субвенциите, и за охридскиот аеродром се повисоки од скопскиот, со цел привлекување на туристи. Тоа ги даде првите резултати и веќе имаме 8 нови линии. Од Скопје ќе се лета до Дубаи, Барселона, Лион и Штутгарт, а од Охрид како дестинации се потврдени Базел и главниот аеродром во Истанбул”, истакна Николоски, кој додаде дека поврзувањето со овој аеродром во Истанбул веќе донесе и резервации на карти од Сиднеј, Вашингтон, Торонто и други светски метрополи до Охрид" потенцираше вицепремиерот Николоски.

Македонија | пред 1 година

Пет години по разорниот пожар: Реставрираната катедрала Нотр Дам повторно ги отвора вратите денес

Париската катедрала Нотр Дам повторно ги отвора вратите, обновена по катастрофалниот пожар пред пет и пол години, кој ги уништи кулата, покривот и целото готски ремек-дело за неколку минути.Средновековната катедрала стара 860 години, симбол и на Франција и на Париз, е макотрпно реставрирана, со нова кула и ребрести свод, летечки потпори и врежани камени гаргои, а украсите од белиот камен и златото блескаат посветло од кога било.Вечерта на 15 април 2019 година, Парижаните кои побрзаа на местото на настанот и ТВ гледачите ширум светот во ужас гледаа како кулата и покривот на катедралата се уриваат во бесен пожар што ги загрозува главните камбанарија и целата структура. За влакно беше избегнато уништување.„Планетата беше потресена тој ден“, рече францускиот претседател Емануел Макрон пред церемонијата на отворање во сабота. „Шокот од повторното отворање, верувам и сакам да верувам, ќе биде силен како оној од пожар, но ќе биде шок на надежта“.Макрон, „ослабен“ од длабоката политичка криза во земјата, ќе има можност да заборави на овие неволји кога ќе ги пречека новоизбраниот американски претседател Доналд Трамп, британскиот принц Вилијам и десетици шефови на држави и влади, вклучително и украинскиот претседател Володимир Зеленски. .Свеченото отворање е предвидено да започне околу 19:00 часот (18:00 часот по Гринич).Доцна во петокот, канцеларијата на Макрон и Париската епархија објавија можност прославата целосно да се одржи внатре во катедралата поради очекуваните силни ветрови, при што првично се очекуваше Макрон да го одржи својот говор надвор.Според информациите од кабинетот на Макрон, „толку многу пари се одлеале од целиот свет - повеќе од 840 милиони евра (882 милиони долари) - што останале уште средства за понатамошни инвестиции во зградата“ за реставрација на катедралата.Католичката црква очекува околу 15 милиони луѓе да ја посетуваат катедралата годишно.Од Соборниот храм велат дека од сабота ќе може да се резервираат бесплатни билети онлајн на нивната веб-страница, како и на профил на социјалните мрежи или посебна апликација за независни посети за да се влезе истиот ден или ден или два по резервацијата.За оние кои сакаат да влезат без резервација, ќе има редица за влез.Групите ќе добијат пристап следната година, од февруари или јуни 2025 година.

Свет | пред 1 година

(Видео) Шок снимка од градинка во Париз: Наставничката тепала девојче и ѝ истурила течност на лицето

Француската полиција покрена кривична истрага против учителката која удри 3 годишно девојче во градинка во Париз. На социјалните мрежи се појави видео од наводното насилство кое предизвика голема бура во јавноста, пишува „Дејли мејл“.Според неофицијални информации, покрај ударот, наставничката и прскала неидентификувана течност во лицето на девојчето кога детето извикало „мамо“. Инцидентот се случил во вторник на 3 септември.На видео кое брзо стана вирално на сите социјални мрежи, неидентификувана учителка може да се види како стои над девојче кое плаче. Набрзо ја крева раката кон неа, ја удира по грбот и детето паѓа на подот.Адвокатот на родителите на нападнатoто девојче објави дека „лицето на девојчето било испрскано со неидентификуван производ“. Семејството на девојчето е, како што вели, крајно истрауматизирано, а целиот инцидент го снимила мајката на второто дете, која цело време била во училницата.По ударот, девојчетоа била пробиена во аголот од собата. Цело време плачеше, врескаше и викаше мама, а учителката воопшто не ја забележа.„Наставнчката го призна делото и му се извини на семејството“, рече портпаролот на училиштетоНабрзо била уапсена и сменета. Деталите ги откри началникот на 15-тиот арондисман во Париз, Филип Гужон.„Ова се случи ден по почетокот на учебната година. Наставничката е уапсена и веднаш е отпуштена“, изјави началникот на 15-тиот арондисман во Париз, Филип Гужон.

Свет | пред 1 година

(Видео) Само неколку часа пред церемонијата на затворање, во центарот на Париз се одвивала вистинска драма

На само неколку часа пред церемонијата на затворање на Олимписките игри во Париз, вистинска драма се одвиваше во центарот на градот. Еден маж без кошула, подоцна идентификуван како Британец и, според француските медиуми, професионален алпинист, решил да се искачи на Ајфеловата кула висока 300 метри, без никаква опрема.Се движел кон вториот кат од кулата кога бил запрен од полицијата. Тој е приведен поради загрозување на својот живот и на граѓаните. Глетката, пишува британски Телеграф, ги запрепастила туристите кои буквално се слушаат како дишат од грозоморната глетка на различни снимки на социјалните мрежи. За време на целата Олимпијада, Париз беше под опсада на силни полициски сили.Секојдневно на улиците во градот беа распоредени меѓу 35 и 70 илјади различни безбедносни лица, од обезбедување до полиција, па уште понесфатливо е како Британецот успеал да се искачи до вториот кат и да се качи во луда авантура пред некој да го запре.Французите, се разбира, се бесни. „Целосен манијак“, „Вака природата се ослободува од идиотите“, „Забранете му на тој идиот засекогаш да влезе во Франција“, се само дел од коментарите на граѓаните.

Свет | пред 1 година

Нема фотографија

Тревога во Париз поради убиството на лидерот на Хамас, зголемени безбедносни мерки

Израел ќе ја зајакне безбедноста на своите спортисти на Олимписките игри во Париз, по атентатот на политичкиот лидер на Хамас Исмаил Ханије, објави израелски Ynet.„Постои страв дека членовите на израелската делегација во Париз би можеле да бидат цел на одмазднички напади.", наведува израелскиот портал.Француските власти им дозволија на Израел и на САД да испратат свои безбедносни агенти во Париз за да ја осигураат безбедноста на нивните спортисти.Ханије беше убиен рано утринава во Техеран, а Израел не го објави убиството.

Свет | пред 1 година

Пронајдени ковчези кај Ајфеловата кула со натписи „Француски војници во Украина“

Полицијата уапси три лица откако беа пронајдени пет ковчези во близина на Ајфеловата кула во Париз, обложени со француски знамиња со натпис „француски војници во Украина“, пренесува AFP.Инцидентот се истражува како можно мешање на странска сила во француските работи, соопшти полицијата.Вчера околу 9 часот, три лица оставија пет ковчези во близина на подножјето на Ајфеловата кула, една од најпосетуваните туристички атракции во светот. Во кутиите имало гипс, изјави за АФП извор близок до случајот.Возачот на комбето со кое ги превезувал ковчезите, кој бил уапсен во близина, на полицијата и рекол дека за тоа му платиле 40 евра. Се претпоставува дека мажот пристигнал од Бугарија претходната вечер.Останатите двајца биле уапсени подоцна на другиот крај на градот, на автобуската станица Берси, од каде требало да одат до аеродромот за лет за Берлин. Еден од тројцата мажи бил Бугарин, друг Украинец, а третиот Германец.Претседателот Емануел Макрон минатиот месец изјави дека прашањето за испраќање западни трупи во Украина би било легитимно доколку Русија ги пробие линиите на украинскиот фронт и Киев поднесе такво барање.Макрон ги повтори овие тврдења неколку пати, а Кремљ ги осуди неговите изјави, нарекувајќи ги „опасни“.Француските власти се сомневаат дека руското мешање во неколку други неодамнешни инциденти, вклучително и минатиот месец кога беа испишани црвени графити на францускиот споменик на Холокаустот.

Свет | пред 1 година

Големо поскапување на билетите за Ајфеловата кула

Туристите во моментов треба да издвојат 29,40 евра за возење со лифт до врвот на Ајфеловата кула, но според одлуката на градските власти цената на 17 јуни ќе порасне на 35,30 евра.Градскиот совет на Париз, исто така, ја поддржа докапитализацијата на операторот на Ајфеловата кула.За време на пандемијата, Ајфеловата кула забележа загуба на приход од околу 120 милиони евра во 2020 и 2021 година, пресметаа тие. Минатата година, бројот на посетители се врати на речиси шест милиони, откако падна на само 1,5 милиони во 2020 година.Откако е изградена за Светската изложба во 1889 година, ремек-делото на архитектот Густав Ајфел е пресликано 19 пати. Во тоа време, Ајфел препорачал кулата да се пребојува на секои седум години за да се избегне неизбежната 'рѓа. Сепак, железната конструкција висока 300 метри не е целосно обоена од 2010 година.

Магазин | пред 1 година

(Видео) Во текот на ноќта, крилата на ветерницата од познатиот Мулен Руж во Париз паднаа

Крилата на иконата црвена ветерница на врвот на Мулен Руж, најпознатиот париски кабаре клуб, паднаа на земја во текот на ноќта, изјави портпаролот на клубот.„Не знаеме што се случило, се случило помеѓу 2 и 3 часот по полноќ. Никој не е повреден“, рече портпаролот, додавајќи дека последниот настап на вечерта завршил во 01:15 часот.Мулен Руж, во областа Монмартр во Париз, е една од најголемите туристички атракции во Париз.Клубот е основан во 1889 година, а публиката за неговите танцови рутини е главно составена од туристички групи.https://twitter.com/AlertesInfos/status/1783372179490418887?ref_src=twsrc%5Etfw%7Ctwcamp%5Etweetembed%7Ctwterm%5E1783372179490418887%7Ctwgr%5E68f958f15d450775903e4f1279b28b5cfa9c49d6%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fpreko-noci-otpala-krila-vjetrenjace-s-kultnog-pariskog-moulin-rougea%2F2559500.aspx

Магазин | пред 1 година

Нема фотографија

Макрон: Имаме план Б и план В, закана од тероризам на Олимписките игри

Емануел Макрон во интервју изјави дека спектакуларната церемонија на отворање на Олимписките игри, која беше планирана да се одржи на реката Сена, може да биде преместена на друга локација доколку постои сериозен ризик од терористички напад.Говорејќи за француската BFM-TV, Макрон рече дека француските безбедносни сили ќе бидат мобилизирани на високо ниво за да ја одржат безбедноста на настанот на отворено, пренесува Ројтерс.„Сепак, ако сметаме дека има ризици, во зависност од нашата анализа, имаме и резервни сценарија. Има план Б и план Ц“, рече Макрон.Церемонијата на 26 јули ќе биде прво отворање на Олимпијадата надвор од стадионот.Околу 10.500 спортисти ќе поминат со брод на Сена низ центарот на Париз, по патека од шест километри.Со цел да се намалат безбедносните ризици, Макрон рече дека организаторите би можеле да одлучат да го скратат времетраењето на церемонијата на Сена, па дури и да го преместат на стадионот „Франција“.Организаторите претходно планираа грандиозна церемонија на отворање, која ќе ја следат 600.000 луѓе, од кои повеќето ќе можат бесплатно да го следат од брегот на реката. Сепак, безбедносните и логистичките причини ја принудија владата да го намали бројот на гледачи на околу 300.000, според Ројтерс.

Свет | пред 1 година

Нема фотографија

Нема терористичка закана насочена кон Олимписките игри во Париз, потврди француската министерка за спорт

Француската министерка за спорт Амели Удеа-Кастера денеска изјави дека нема „терористичка закана“ насочена кон Олимписките игри во Париз и додаде дека церемонијата на отворањето на Игрите останува „централен план“.„Ги следиме терористичките закани со сета потребна внимателност. Немаше никаква закана насочена кон Олимписките игри“, рече Удеа-Кастера во интервју за Франс 2.Француската влада веднаш по нападот на концертната сала во Москва на 22 март, во кој загинаа 144 лица, одлучи да го подигне нивото на безбедност во земјата на највисоко ниво.На прашањето дали постои план Б за церемонијата на отворање на Игрите на 26 јули, Удеа-Кастера одговори дека церемонијата планирана на Сена е сè уште централниот план и дека „постои дискреција што мора да се почитува“.Министерката рече дека првата проба за отворањето на Олимписките игри ќе се одржи на 27 мај, а генералната проба на 17 јуни.

Свет | пред 1 година

Нема фотографија

(Видео) Нов терористички чин во Париз: Нападнати работници на аеродром

Три лица се повредени во средата во инцидент предизвикан од приврзаници на Работничката партија на Курдистан (ПКК) на францускиот аеродром Шарл де Гол во Париз.Групата ја нападнала екипата на Националната единица за репатријација која го следела Коркмаз.Тензиите настанаа и меѓу поддржувачите на ПКК и цивилниот персонал на аеродромот.Инцидентот бил ставен под контрола од француски војници. Тројца аеродромци се повредени, но никој не е уапсен.Коркмаз беше екстрадиран во Турција.https://twitter.com/clashreport/status/1773231390475116705

Свет | пред 1 година