Едно лице загина во пукање во Париз, властите истражуваат терористички чин

Едно лице загина, а пет други се ранети, од кои тројца се во тешка состојба, во вооружен напад во предградие на Париз. Француските власти го истражуваат случајот како можен терористички чин, а осомничениот напаѓач е уапсен.

— реклама —

Нападите се случиле во петокот во Трап, југозападно од Париз, а потоа и во блиското место Ла Вериер. Напаѓачот пукал од возило кон луѓе на кои наидувал, а целиот инцидент траел речиси 15 минути, изјави францускиот министер за внатрешни работи Лоран Нуњез. Меѓу ранетите има и 12-годишно девојче.

— реклама —

Националното обвинителство за борба против тероризмот соопшти дека случајот засега се истражува како „убиство поврзано со терористички потфат“. Мотивот за нападот сè уште не е утврден.

„Ова е јасно терористичко кривично дело, така изјави обвинителот“, рече Нуњез пред новинарите во Трап.

— реклама —

Градоначалникот на Трап, Али Рабе, изјави дека напаѓачот пукал од своето возило кон повеќе лица. Според сведоци, тој се движел низ неколку населби со сив автомобил „Рено Клио“ и пукал неселективно, со намера да предизвика што повеќе жртви.

Според градоначалникот, луѓе биле нападнати на бензинска пумпа, во медицински центар и на детско игралиште во Трап, по што напаѓачот продолжил кон Ла Вериер. Осомничениот бил приведен на главниот пат Н-10, кој минува низ градот.