Зеленски пристигна во Париз: Следува средба со Макрон

Претседателот на Украина, Володимир Зеленски, пристигна во Париз, каде што треба да се сретне со францускиот претседател Емануел Макрон, соопшти портпаролот на украинскиот претседател, Сергиј Никифоров.

— реклама —

Тој напомена дека програмата на посетата вклучува разговори меѓу претседателите на Украина и Франција, а Зеленски ќе се сретне и со студенти, пренесува Укринформ.

— реклама —

— реклама —

Како што беше претходно најавено, двајцата претседатели ќе разговараат за актуелната состојба во Украина, поддршката од Франција и европските партнери во помошта за Киев, како и за начините за зголемување на притисокот врз Русија, вклучително и борбата против таканаречената руска „сенковита флота“, пренесе Укринформ.

На средбата соговорниците ќе разменат мислења и за условите за постигнување праведен и траен мир.