Експлозија во рудник во Турција: Двајца загинати, петмина повредени, еден рудар заробен

Најмалку двајца рудари загинаа, а петмина се повредени во експлозија во рудник во северниот дел на Турција, во провинцијата Зонгулдак, на брегот на Црното Море. Спасувачките екипи сè уште се обидуваат да стигнат до уште еден работник кој останал заробен под земја.

— реклама —

Според информациите од локалните власти, двајца од повредените рудари се во тешка здравствена состојба, а еден од нив бил пренесен на лекување во главниот град Анкара.

— реклама —

Гувернерот на провинцијата потврдил дека спасувачките операции продолжуваат, додека причините за експлозијата засега не се познати.

— реклама —

Рударските несреќи се сериозен безбедносен проблем во Турција, каде што во изминатите години се случија повеќе трагедии со голем број жртви.

Една од најтешките рударски несреќи во историјата на земјата се случи во 2014 година, кога во пожар во рудник за јаглен во градот Сома загинаа 301 лице.