Електронска аукција на УЈП: продава деловни простори, дел од стан, возила и индустриска опрема

Деловни простори во Прилеп и Струмица, дел од стан во Битола, возила и различна индустриска и градежна опрема се најдоа на новиот оглас за продажба на движен и недвижен имот што го објави Управата за јавни приходи (УЈП).

— реклама —

Според огласот број 09/2026, на електронска јавна аукција се нудат деловен простор од 31 квадратен метар во Прилеп, деловен простор од 108 квадратни метри во Струмица и идеална половина од стан во Битола со вкупна површина од 89 квадратни метри, односно 44,5 квадратни метри што се предмет на продажба.

— реклама —

Покрај недвижностите, понудата опфаќа шивачки и текстилни машини, индустриска опрема, опрема за гориво, градежна механизација и вилушкари.

— реклама —

За учество на аукцијата, заинтересираните требало да отворат кориснички профил на официјалниот портал за електронски аукции на УЈП и да уплатат депозит во висина од 10 проценти од утврдената вредност на предметот што го избрале.

Рокот за уплата на депозитот бил 15 октомври 2026 година, а електронското јавно наддавање е закажано за денеска, 22 октомври, од 11 до 13 часот.