УЈП

УЈП апелира до трговците да ги прилагодат фискалните системи, ценовниците и фактурите, најави засилени контроли

Согласно Одлуката на Владата на РСМ за определување на видот на добрата и временскиот период на примена на повластена даночна стапка, донесена на вонредна Владина седница одржана на ден 22 март 2026 година, во периодот од 24 март (00:01 часот) до 6 април (24:00 часот) 2026 година ќе се применува повластена даночна стапка на прометот на енергенсите (горивата) од 10%.„Управата за јавни приходи ги известува сите даночни обврзници кои вршат трговија на мало со моторни горива и мазива во специјализирани продавници дека се должни навремено да извршат усогласување согласно Тарифникот од Одлуката, односно да ги прилагодат фискалните системи, ценовниците и фактурирањето, со цел правилна пресметка, евидентирање и прикажување на повластената стапка на данокот на додадена вредност (ДДВ) од 10%.Управата за јавни приходи укажува дека примената на оваа мерка мора да биде доследна и во согласност со законските одредби. УЈП ќе врши засилени контроли со цел да се обезбеди целосно почитување на истите, при што за евентуални неправилности ќе бидат преземени соодветни законски мерки.Ги повикуваме сите засегнати субјекти да постапуваат согласно прописите и да придонесат кон транспарентно и законито работење, во интерес на граѓаните и економијата“, велат од УЈП.

Македонија | пред 2 часа

УЈП воведува системски пристап за ефикасна наплата на даночни долгови

Во рамки на стратешката иницијатива за зајакнување на административните капацитети, Управата за јавни приходи започнува имплементација на зајакнат системски пристап во управувањето со долговите на даночните обврзници, насочен кон јасен фокус, поголема ефикасност и реални резултати.Клучен чекор во овој процес е донесувањето на Стратегија за реална и наплатлива Листа на должници, http://www.ujp.gov.mk/mk/publikacii/pogledni/80, со која листата повеќе нема да биде архива на историски податоци кои се резултат на наталожени и неажурирани состојби во даночните регистри и евиденции, која низ годините стана обемна и го отежнува правилното согледување на даночните побарувања на државата и планирањето на мерките. Целта е да се воспостави реална и употреблива база на податоци како здрава основа за подобро насочување на ресурсите и поефикасна наплата.„Прочистувањето на Листата на должници не значи откажување од наплатата, туку јасен фокус за правилни мерки врз основа на класификација и категоризација на долговите. Чистите податоци се основа за ефикасна наплата“ – истакнува директорката на УЈП м-р Елена Петрова.Како дел од системскиот пристап, спроведуваме и реорганизација на оперативните надлежности за наплата на долгови, преку разграничување меѓу масивните, рутински постапки (блокади на сметки), постапките кои бараат индивидуализиран пристап кон должникот (присилна наплата од имот, приходи и побарувања на должникот) и најсложените случаи во кои се применуваат специфични мерки (судски постапки, гаранции и сл.).Дополнително, УЈП донесе Повелба за формирање на Центар за даночно извршување, со цел зајакнување на теренските капацитети за лоцирање на движен и недвижен имот на должник, правилна процена на неговата вредност и поефикасно впаричување.Со овие мерки, УЈП преминува кон „паметно“ управување со даночните долгови, засновано на реални податоци, јасна приоретизација на случаите и рационално користење на институционалните ресурси.Очекуваните ефекти од овој пристап се: подобрена наплата, намалување на даночниот јаз поврзан со ненаплатени даночни обврски и зголемување на транспарентноста и кредибилитетот на податоците за даночните побарувања на државата.

Македонија | пред 1 седмица

Секоја четврта контрола открива неправилности во готовинскиот промет: изречени 3.200 глоби и 120 затворени објекти

Секоја четврта контрола на Управата за јавни приходи завршува со утврдена неправилност во евидентирањето на готовинскиот промет, покажуваат резултатите од инспекциските надзори спроведени минатата година.Директорката на УЈП, Елена Петрова, информираше дека во текот на 2025 година биле спроведени 6.300 теренски контроли. По нив биле изречени 3.200 глоби, како и 120 мерки за привремена забрана за вршење дејност со запечатување на објекти.Покрај тоа, реализирани биле и 4.200 советодавни посети во дејности кои се сметаат за ризични од аспект на сивата економија.Петрова нагласи дека изборот на објектите за контрола се прави врз основа на анализа на ризик, а фокусот на контролите не е само на касите, туку и на економската суштина на работењето. Според неа, најголем ризик има во угостителството, малопродажбата и услужните дејности, каде плаќањата најчесто се вршат во готово.

Македонија | пред 1 седмица

Обврзниците да поднесат хартиено барање за враќање на повеќе или погрешно наплатен данок

Во „Службен весник на Република Северна Македонија“ број 26/2026 од 10 февруари 2026 година е објавен Правилникот за изменување и дополнување на Правилникот за формата и содржината на образецот за враќање на платениот данок на солидарност, образец УЈП-УН-3.2-39/ДС – Барање за враќање на повеќе или погрешно наплатен данок.Управата за јавни приходи ги известува даночните обврзници кои извршиле плаќање на данокот на солидарност согласно Законот за данок на солидарност, дека доколку бараат поврат на платениот данок и на споредните даночни давачки, како што се камата за ненавремена уплата и еднократна такса во постапка на присилна наплата, потребно е да поднесат барање на наведениот образец до даночната канцеларија на УЈП кон која припаѓаат.Барањето се поднесува во хартиена форма, а образецот е достапен за преземање од Управата. Повратот на данокот на солидарност и на споредните давачки ќе се врши исклучиво за обврзниците кои ќе поднесат уредно пополнето барање, и тоа во две еднакви рати: првата во март 2026 година, а втората во март 2027 година.Во делот „Податоци за платен данок на солидарност и споредни даночни давачки“ обврзниците треба да ги наведат вкупните износи поделени на две еднакви рати, како и датумот на уплата и валутата на повратот. Покрај овие податоци, задолжително е да се пополнат и податоците за даночниот обврзник, банкарската сметка на која ќе се изврши повратот, доказ за платена административна такса, како и податоци за потписникот и составувачот на барањето.Од УЈП појаснуваат дека не е потребно да се доставува доказ за платениот данок и споредните давачки, бидејќи Управата располага со податоци за извршените плаќања.Повратот ќе се реализира согласно член 28 од Законот за даночна постапка, за што Управата ќе донесе соодветен даночен управен акт во форма на решение. При одлучување по барањата ќе се применуваат и одредбите од член 25 од истиот закон, што значи дека кај обврзниците кај кои ќе се утврди даночен долг по друг основ, како данок на додадена вредност или данок на добивка, ќе се изврши пребивање на долгот со износот на платениот данок на солидарност.

Македонија | пред 3 седмици

Пожар во Трговскиот центар во Кочани, станарите избегнаа поголема трагедија оти дистрибутер видел дека гори, сведочи Крстевски

Поранешниот вршител на должност градоначалник на Кочани, Венко Крстевски, информираше дека денеска во станбено-деловниот комплекс Трговски центар, станбен блок А со 96 станови, избувнал пожар од угостителски објект, при што станарите поминале со зачадени домови и, како што наведе, огромен стрес.Според неговата објава, пожарот не се проширил благодарение на навремената интервенција на Територијалната противпожарна единица, а клучен бил и фактот што дистрибутер на стока го забележал огнот во кујната, која, како што тврди Крстевски, се наоѓа во посебен објект изграден незаконски. Во моментот на избувнување на пожарот, во кујната немало присутен персонал.Крстевски посочува дека ова не е прв ваков случај и дека во минатото имало слични инциденти во истиот објект, при што, како што наведува, повторно имало среќа што пожарите не предизвикале поголеми последици.Тој упати последен апел до кочанското обвинителство, наведувајќи дека уште на 10 јуни поднел кривична пријава поради, како што ги нарече, незаконски активности на угостителски објекти во рамки на станбениот комплекс.Од надлежните институции засега нема официјална информација за пожарот.

Македонија | пред 1 месец

УЈП потсетува: Пријавете го доходот од странство, без разлика дали данокот е платен

Управата за јавни приходи ги потсетува граѓаните кои во текот на 2025 година оствариле доход од работа во странство дека се приближува законскиот рок за поднесување електронска пресметка и доставување соодветни докази за остварениот доход.Физичките лица, даночни резиденти на Република Северна Македонија, кои во текот на календарската 2025 година оствариле доход од работа во странство, се должни преку системот е-Даночни услуги да поднесат електронска пресметка за доход остварен од странство. Обврската постои без разлика дали данокот во странската држава е платен или не е платен.Даночните обврзници имаат должност да го пријават остварениот доход и заедно со пресметката да достават соодветни докази – потврда од исплатувачот, извод од банка, договор за извршени услуги, платни листи, потврди за исплатен доход и други релевантни документи со кои се потврдува видот, износот и периодот на приходот, како и евентуално платениот данок во странство.Пресметката за доходите остварени во текот на 2025 година треба да се поднесе најдоцна до 31 март 2026 година.Од Управата информираат дека во рамки на редовната меѓународна даночна соработка и размена на информации се поднесени 203 барања до странски даночни органи за проверка на документацијата доставена од граѓани кои во 2020 година преку американски компании остварувале доход од работа во Авганистан и Ирак.Овие активности, како што наведуваат од УЈП, се дел од механизмите за проверка на веродостојноста на податоците и обезбедување точност и транспарентност во даночниот систем. Навременото исполнување на обврските овозможува правилно утврдување на даночната обврска и избегнување дополнителни постапки и санкции.

Македонија | пред 1 месец

Започна исплатата на МојДДВ

Управата за Јавни Приходи - УЈП ја информира јавноста дека започна исплатата на средства за скенираните фискални сметки за четвртото тримесечје од 2025 година.„За К4 - 2025 година ќе бидат исплатени вкупно 924,5 милиони денари кон 526.123 корисници на апликацијата МојДДВ. До денес, реализирани се 184,5 милиони денари, кон 104.000 корисници на апликацијата МојДДВ.Исплатата на средствата продолжува, како се обработуваат налозите така се исплаќаат средствата на сметките на корисниците на МојДДВ.Во овој момент 5.292 корисници кои скенирале фискални сметки имаат внесено погрешна трансакциска сметка, поради што УЈП не е во можност да ја реализира исплатата.Апелираме! Доколку немате добиено средства, проверете ги и ажурирајте ги податоците за трансакциската сметка директно во апликацијата МојДДВ. На тој начин УЈП ќе има точни податоци за корисникот и ќе може да изврши исплата на поврат по основ на МојДДВ“, информираат од УЈП.

Македонија | пред 1 месец

Протест пред УЈП во Куманово, се приклучија и граѓани од Тетово

Група граѓани од Куманово, кои работеле во американски компании во базите во Ирак и Авганистан, денеска протестираа пред Управата за јавни приходи (УЈП), барајќи институциите да обезбедат проверка на доказите за платените даноци. На протестот им се приклучија и граѓани од Тетово.Учесниците нагласија дека нивната иницијатива нема политичка заднина и не е насочена против ниту една институција или личност, туку претставува борба за правична и законска постапка. Тие апелираат за поддршка од сите граѓани, без разлика на политичка, етничка или друга припадност.„Упатуваме благодарност до градоначалникот на Куманово, кој јавно се обрати пред Советот на Општината и договори средба со директорката на УЈП. Планираме уште една јавна средба во големата сала на Комитетот со присуство на сите засегнати граѓани, како и на медиумите, за директорката транспарентно да ги образложи ставовите на институцијата“, рече Зоран Наковски во име на присутните.Граѓаните истакнаа дека доставиле и допис за средба до Управата за јавни приходи и изразија благодарност до Советот за отворената расправа. Сепак, нагласија дека биле разочарани од дел од советниците кои не го поддржале ставањето на точката на дневен ред.Протестантите појаснија дека не се против плаќање даноци, туку се спротивставуваат на присилна наплата, селективно толкување на законите и неприфаќање на доставените докази. Главното барање е еднаков и фер третман за сите граѓани.„Бараме правична законска регулатива, не смее да има двојно оданочување. Бараме еднаков третман за сите“, рече Фариз Бајрами од Тетово, најавувајќи дека и во Тетово ќе се одржат протести пред УЈП во вторник со почеток во 14 часот. Во Куманово, протестот продолжува пред општинската зграда во понеделник, исто така со почеток во 14 часот.

Македонија | пред 1 месец

УЈП: Целосна соработка со обвинителството во случајот со 11 вработени, нема компромис со незаконитости

Управата за јавни приходи соопшти дека континуирано соработува со сите надлежни институции во случаите каде што постои сомневање за незаконито постапување во даночната област и дека наодите од спроведените контроли претставуваат основа за постапување на другите надлежни органи.Во врска со актуелниот случај кој се однесува на 11 вработени, од УЈП информираат дека се во постојана и целосна координација со обвинителството, при што биле обезбедени и доставени целосна документација, релевантни материјали и експертски појаснувања поврзани со даночната регулатива и постапките.„Нема компромис кога станува збор за незаконито постапување, злоупотреба или корупција. Овие појави се неприфатливи и целосно спротивни на професионалните и етичките принципи на институцијата“, нагласуваат од Управата за јавни приходи.Истовремено, од УЈП потсетуваат дека во сите постапки мора доследно да се почитува принципот на презумпција на невиност, како темелна гаранција на правниот поредок.Додека трае постапката, Управата за јавни приходи, како што се наведува во соопштението, презела навремени и соодветни мерки за обезбедување непречено функционирање на институцијата и стабилност на работните процеси во засегнатата организациона единица. Со тоа, се овозможува континуитет во работењето, заштита на јавниот интерес и зачувување на институционалниот интегритет.Од УЈП порачуваат дека остануваат посветени на владеењето на правото, отчетното и професионално постапување и на заштитата на јавниот интерес, најавувајќи дека ќе продолжат со целосна соработка со надлежните органи со цел утврдување на одговорност таму каде што постои, но и зачувување на угледот, довербата и интегритетот на институцијата и нејзините вработени.

Македонија | пред 2 месеци

Осуммина завршија во притвор по истрагата за финансискиот криминал во УЈП

Заврши распитот на осумте приведени лица поврзани со вчерашната обемна акција во Управата за јавни приходи, по што Основниот кривичен суд Скопје им определи мерка притвор во траење од 30 дена.Како што информира Судот, по нивното произнесување, како и по оценка на фактите и приложените докази, бил прифатен предлогот на обвинителството и на сите осум осомничени им е определен притвор поради постоење на сите три законски основи – опасност од бегство, можност за влијание врз сведоци, како и ризик да го довршат или повторат кривичното дело.Од Основното јавно обвинителство за гонење организиран криминал и корупција соопштија дека истрагата се води под раководство на јавен обвинител од ова обвинителство, а во акцијата учествувале истражителите од Истражниот центар при обвинителството, со асистенција на Министерството за внатрешни работи. Во текот на акцијата, до доцните вечерни часови, биле извршени претреси на 16 локации низ државата, при што биле пронајдени и времено одземени фиктивна документација, парични средства, оружје и лажни печати од правни лица, а осомничените биле обезбедени.Акцијата е резултат на заеднички постапувања на Истражниот центар на ОЈО ГОКК и Управата за финансиско разузнавање, по претходно известување од Агенцијата за национална безбедност. Врз основа на обезбедените докази, обвинителството отвори предмет и донесе Наредба за спроведување истражна постапка против 20 лица, осомничени дека го оштетиле државниот буџет за 297.733.844 денари, односно околу 4,8 милиони евра.Според обвинителството, првоосомничениот – српски државјанин и сопственик и управител на две правни лица – заедно со двајца службеници од Управа за јавни приходи – Регионална дирекција Скопје, во текот на 2023 година формирале организирана група со цел вршење на кривични дела даночно затајување, даночна измама, перење пари и злоупотреба на службена положба. Во периодот од 2023 до 2025 година, во групата биле вклучени и други сопственици, управители и вработени во правни лица во Скопје и Гевгелија.Со прикажување неточни податоци во даночните пријави и со помош од даночни службеници, првоосомничениот во периодот 2023–2024 година избегнал плаќање данок во износ од 11.593.403 денари. Дополнително, други осомничени со лажни пријави побарале и добиле неосновано враќање данок за нерезидентни правни лица, со што на буџетот му е нанесена штета од 31.175.168 денари. Дел од осомничените, пак, вршеле трансфер и подигање парични средства со цел прикривање на потеклото на парите прибавени со кривични дела, во вкупен износ од 91.985.197 денари.Досегашните докази, како што соопштува обвинителството, укажуваат дека осомничени вработени во УЈП – Регионална дирекција Скопје, меѓу кои и лица на високи раководни позиции, со повеќекратни злоупотреби на службената положба нанеле вкупна штета на Буџетот на Република Северна Македонија од најмалку 162.980.076 денари.Јавниот обвинител претходно предложи мерка притвор за десет осомничени, при што судот на осум лица им определи притвор, додека за две лица притворот веќе бил определен во друг предмет поврзан со Агенцијата за финансиска поддршка во земјоделството и руралниот развој. За останатите десет осомничени предложени се мерки за обезбедување присуство, меѓу кои и забрана за вршење работни активности поврзани со кривичните дела и забрана за работа како службени лица во УЈП.

Македонија | пред 2 месеци

Финансиска истрага на 16 локации: 20 осомничени за штета од 4,8 милиони евра врз буџетот

Под раководство на јавен обвинител од Основното јавно обвинителство за гонење организиран криминал и корупција, истражителите од Истражниот центар при обвинителството, со асистенција на Министерството за внатрешни работи, до доцните вечерни часови вршеа претреси на вкупно 16 локации низ државата. При претресите биле пронајдени и времено одземени фиктивна документација, парични средства, оружје и лажни печати од правни лица, а осомничените лица се обезбедени.Како што информираат од обвинителството, акцијата е резултат на постапувања на Истражниот центар на ОЈО ГОКК и Управата за финансиско разузнавање, по известување од Агенцијата за национална безбедност, при што биле обезбедени докази за основано сомнение за сторени кривични дела од финансиска природа. Врз основа на прибраните докази, обвинителството отворило предмет и донело наредба за спроведување истражна постапка против 20 лица, кои, според сомневањата, го оштетиле државниот буџет за 297.733.844 денари, односно околу 4,8 милиони евра.Првоосомничениот, српски државјанин и сопственик и управител на две правни лица, заедно со двајца службеници од Управа за јавни приходи – Регионална дирекција Скопје, во текот на 2023 година формирале организирана група со цел извршување кривични дела даночно затајување, даночна измама, перење пари и злоупотреба на службената положба. Во периодот од 2023 до 2025 година, во групата биле вклучени и други сопственици, управители и вработени во правни лица во Скопје и Гевгелија.Според наодите на истрагата, со прикажување неточни податоци во даночните пријави и со помош на даночни службеници, во периодот 2023–2024 година првоосомничениот избегнал плаќање данок во износ од 11.593.403 денари. Останатите осомничени сопственици и управители на правни лица поднесувале лажни барања за враќање данок за нерезидентни правни лица, кои осомничени вработени во УЈП неосновано ги одобрувале, со што на буџетот му била нанесена штета од 31.175.168 денари.Дополнително, дел од осомничените во истиот период вршеле трансфер и подигање парични средства со цел прикривање на потеклото на пари прибавени со кривични дела, во вкупен износ од 91.985.197 денари. Досегашните докази укажуваат дека осомничените вработени во УЈП – Регионална дирекција Скопје, меѓу кои и лица на високи раководни позиции, со повеќекратни злоупотреби на службената положба нанеле вкупна штета на Буџетот на Република Северна Македонија од најмалку 162.980.076 денари.Јавниот обвинител, ценејќи ги сите околности, утврдил дека се исполнети условите за определување мерка притвор за десет осомничени. До судијата на претходна постапка при Основниот кривичен суд Скопје е доставен предлог за определување притвор за осум лица, додека за две лица мерката притвор веќе е определена во друг предмет поврзан со Агенцијата за финансиска поддршка во земјоделството и руралниот развој. За преостанатите десет осомничени предложени се мерки за обезбедување присуство, меѓу кои и забрана за вршење работни активности поврзани со кривичните дела, како и забрана за извршување службени должности во Управата за јавни приходи.

Македонија | пред 2 месеци

Одземени пасоши и забрани за работа: Кривичниот суд определи мерки за претпазливост за 10 лица поврзани со акцијата во УЈП

Во врска со вчерашната акција на Обвинителството за гонење на организиран криминал и корупција, која е поврзана со истрага за незаконски дејствија во Управа за јавни приходи, до Основниот кривичен суд Скопје бил доставен предлог за определување мерки за претпазливост против вкупно 10 лица.Од Кривичниот суд информираат дека девет од осомничените биле спроведени пред судија на претходна постапка, каде што дале свое произнесување по предлогот на обвинителството. По разгледување на наводите, судијата го прифатил предлогот и на сите девет лица им определил мерки за претпазливост.Станува збор за мерки согласно точките 2, 3, 6 и 7 од Законот за кривична постапка, кои опфаќаат одземање на патната исправа, обврска за редовно јавување во суд, забрана за комуникација со определени лица, како и забрана за вршење одредени работни активности поврзани со предметот на истрагата.За десеттото лице, како што соопштуваат од Судот, постапката за определување мерки ќе се спроведе дополнително, согласно законските процедури. Од Основниот кривичен суд Скопје нагласуваат дека мерките се определени со цел обезбедување непречено водење на кривичната постапка и спречување можни влијанија врз сведоци или повторување на делото.

Македонија | пред 2 месеци

Акција за организиран криминал и корупција: приведени вработени во УЈП и бизнисмени

Според повеќе медиуми во денешната акција на органите на прогонот се уапсени поранешна вработена во Управа за јавни приходи, сопственик на бензински пумпи, сопруга на познат доктор, како и вработен во УЈП поврзан со политичката партија ЗНАМ. Акцијата, според истите извори, продолжува и во текот на вечерта, а дел од приведените веќе се спроведени во полициската станица Пролет.Вечерва детали за акцијата соопшти и Обвинителството за гонење на организиран криминал и корупција, информирајќи дека под раководство на јавен обвинител од ова обвинителство, истражители од ОЈО ГОКК, со асистенција на полициски службеници од Министерството за внатрешни работи, од попладневните часови вршат претреси на повеќе локации низ државата.Како што наведуваат од Обвинителството, акцијата се спроведува во Управа за јавни приходи и во други институции, а насочена е кон лица осомничени за злосторничко здружување, перење пари, даночна измама и даночно затајување од поголеми размери. Во рамки на постапката се преземаат повеќе истражни дејствија, се вршат претреси и се обезбедуваат осомничени лица.Од Обвинителството за гонење на организиран криминал и корупција најавуваат дека акциите ќе продолжат и понатаму, додека по завршување на истражните активности ќе биде соопштено повеќе информации за обемот на предметот, бројот на осомничените и евентуалните кривични пријави. Надлежните институции уверуваат дека постапката се води со целосна примена на законските овластувања и во интерес на заштита на јавните финансии и правниот поредок.

Скопје | пред 2 месеци

Претреси на повеќе локации низ државата и во УЈП, истрага за перење пари и даночни измами од големи размери

Во моментов се вршат претреси на повеќе локации низ државата поради сомнежи за перење пари и даночни измами од големи размери, информираат надлежните институции.Според неофицијални информации, претреси се спроведуваат и во Управата за јавни приходи (УЈП).Од Обвинителството за гонење на организиран криминал и корупција соопштија дека од попладневните часови, под раководство на јавен обвинител од ОЈО ГОКК, истражители од обвинителството, со асистенција на полициски службеници од Министерството за внатрешни работи, вршат претреси на повеќе локации во државата.Како што наведуваат, се обезбедуваат лица осомничени за злосторничко здружување, перење пари, даночна измама и даночно затајување од поголеми размери.Од Обвинителството најавуваат дека повеќе информации ќе бидат соопштени во текот на денот.

Македонија | пред 2 месеци

„Мој ДДВ” не се укинува

Управата за јавни приходи ги демантира написите во дел од медиумите дека се укинува „МојДДВ“.„Јасно и недвосмислено истакнуваме дека не постои одлука за укинување на „МојДДВ“. мерката се спроведува континуирано, а сите граѓани можат да ја користат апликацијата и да ги остваруваат своите права согласно законските одредби. За спроведување на мерката „МојДДВ“ се предвидени средства во Буџетот за 2026 година, со што се обезбедува нејзино непречено и континуирано спроведување“, велат од УЈП.На сметките на граѓаните во 2025 година по основ на редовна и дополнителна исплата на средства преку „МојДДВ“, исплатени се вкупно 3.473.172.970 денари или 56,4 милиони евра.УЈП ги известува граѓаните дека веќе ги подготвува налозите за исплата на средства за скенирани сметки во последниот квартал од 2025 година, која треба да се реализира во февруари 2026 година.„Апелираме граѓаните да не потпаѓаат под шпекулации и да ги следат исклучиво официјалните информации и соопштенија на Управата за јавни приходи. Истовремено, УЈП ја информира јавноста дека апликацијата „Мој ДДВ“ функционира редовно. Во рамки на тековните технички подобрувања на системот, можно е повремено забавување при најавување на апликацијата од страна на корисниците или при вчитување на фискалните сметки. Овие појави се привремени, а надлежните технички служби континуирано работат на нивно отстранување, со цел да се обезбеди подобро корисничко искуство. Со ова уште еднаш потврдуваме дека апликацијата „Мој ДДВ“ останува во функција и не се разгледува нејзино укинување“, се вели во соопштението на УЈП.

Македонија | пред 2 месеци

Калајџиев реагира: УЈП бара данок за патни трошоци од 2020 година

Професорот по кривично право Гордан Калајџиев на социјалните мрежи објави дека добил две решенија за оданочување на дневници и патни трошоци од 2020 година, реагирајќи иронично дека, доколку државниот буџет е празен, е подготвен да ѝ даде заем на државата.„Деновиве добив не едно, туку две решенија за оданочување на дневници и патни трошоци како ‘доход’ за далечната 2020 година. Ако е празен буџетот, да ви дадам заем?“, напиша Калајџиев.Тој појаснува дека бил испратен од државата како експерт во меѓународна организација, каде работел про боно, а средствата кои ги добил од Совет на Европа не биле ниту дневници ниту хонорар, туку исклучиво рефундација на реални трошоци за пат и исхрана. Сепак, од него сега се бара да плати 10 проценти персонален данок на тие износи, и тоа пет години подоцна.Реакцијата на Калајџиев доаѓа во период кога до редакцијата се обраќаат и повеќе граѓани со слични поплаки, тврдејќи дека Управа за јавни приходи започнала да наплатува персонален данок за приходи од работа во странство, исто така почнувајќи од 2020 година. Според нивните сведоштва, станува збор за лица кои со уредни работни визи и дозволи за престој работеле надвор од државата, најчесто на Блискиот Исток, при што во Македонија престојувале помалку од два месеци годишно.Тие наведуваат дека платите им биле исплаќани на сметки во домашни банки, но дека сметале оти, со оглед на тоа што престојувале надвор од земјата повеќе од 183 дена годишно, не се даночни резиденти и немаат обврска за плаќање персонален данок во Македонија. Дел од нив тврдат дека за ова добиле и усни уверувања од службеници во УЈП. По речиси пет години, велат тие, започнале да добиваат решенија со кратки рокови за плаќање, а сумите во некои случаи достигнуваат и неколку илјади евра.Како дополнителен проблем го посочуваат фактот што Министерство за внатрешни работи не издава потврди за влез и излез од државата за 2020 година, со образложение дека тие податоци не се чуваат подолго од пет години, поради што граѓаните не можат да го докажат реалниот престој во странство. „Зошто не бевме известени навреме, во 2020 или 2021 година, и дали е правично целиот товар да падне врз граѓаните?“, прашуваат тие.Директорката на УЈП, Елена Петрова, ги отфрла обвинувањата за ретроактивно оданочување, истакнувајќи дека законската обврска постоела и претходно и дека тоа што не била доследно применувана не значи дека не важела.Засегнатите граѓани најавуваат дека ќе бараат институционално и правно решение, предупредувајќи дека ваквата пракса погодува илјадници семејства и сериозно ја доведува во прашање нивната финансиска стабилност.

Македонија | пред 2 месеци

УЈП се пофали со рекордна наплата во 2025, во буџетот се собрани над 4,4 милијарди евра

Управата за јавни приходи информира дека во 2025 година во државниот буџет се собрани 4 милијарди и 426 милиони евра од даноци и социјални придонеси. Ова според УЈП е 308,3 милиони евра повеќе во споредба со 2024 година.„Приходите од ДДВ се темелат на стабилен раст на наплатата на данокот платен за промет во земјата, при што во повеќе месеци е забележан пораст од 10 до 13 проценти во однос на истиот период минатата година. Кај данокот на добивка растот произлегува од аконтативното плаќање за 2025 година на повисока даночна основица, како и од зголемената наплата на задржан данок од дивиденди и други приходи исплатени кон странски основачи и партнери на компаниите, каде што е регистриран раст од над 30 проценти. Во делот на данокот на личен доход, најголемо учество има данокот на плати кој бележи стабилен месечен раст и вкупен пораст над 10 проценти, а висок раст е остварен и кај данокот на доходите од договорни услуги, земјоделство и самостојна дејност. Кај социјалните придонеси се собрани 2 милијарди и 92 милиони евра, што е 145,2 милиони евра повеќе од 2024 година, односно раст од 7,5 проценти”, соопштуваат од УЈП.Овие резултати, според УЈП се должат на засилената навремена наплата на обврските со заедничка одговорност на даночните обврзници, раното интервенирање и доследната примена на законските мерки.

Македонија | пред 2 месеци

СДСМ: Додека УЈП собира арач - нема пари за плати има само за тендери

СДСМ обвинува дека во државниот буџет недостигаат околу една милијарда евра, додека Владата предводена од Христијан Мицкоски нема средства за повисоки плати, зголемување на минималната плата, повисоки пензии и навремен поврат на ДДВ.Според опозициската партија, Управата за јавни приходи врши силен притисок врз граѓаните и стопанството за да ги пополни буџетските дупки, додека истовремено власта, како што наведуваат од СДСМ, ги троши јавните пари на сомнителни и криминални тендери.„Владата на Мицкоски и ВМРО нема пари за работниците и пензионерите, но има за милионски тендери. Доделени се 161 тендер на една фирма во износ од 5,3 милиони евра, девет милиони евра на друга фирма со само двајца вработени, како и тендери поврзани со студент на Мицкоски“, обвинуваат од СДСМ.Од партијата посочуваат дека загрозена е и ИПАРД 3 програмата вредна 130 милиони евра, поради, како што велат, криминал и корупција на ВМРО-ДПМНЕ и ЗНАМ.СДСМ предупредува дека струјата поскапува, животниот стандард постојано се влошува, а граѓаните живеат сè потешко, додека власта, според нив, се богати преку јавни набавки и тендери.„Одговорност мора да има. Сите ќе одговарате. Работата не е завршена“, порачуваат од СДСМ.

Македонија | пред 2 месеци

ДДВ за купување новоизграден стан останува 5%

Повластената стапка на ДДВ од 5 проценти за новоизградени станови ќе важи и по 1 јануари 2026 година. Ова го предвидуваат измените и дополнувањата на Законот за данок на додадена вредност.Дококу не се изгласаше измената, од јануари 2026 година данокот требаше да се покачи на 18%, што драстично ќе ги зголемеше цените.Мерката се однесува на прв промет на станбени згради и станови кои се користат за станбени цели.

Македонија | пред 2 месеци

УЈП побарува данок за работа во странство од 2020 година: Граѓани во правна и финансиска стапица, сега должат илјадници евра

Граѓани се обратија до редакцијата на Скопје1 со сериозни обвинувања кон Управа за јавни приходи, тврдејќи дека институцијата ретроактивно побарува данок за приходи остварени од работа во странство уште од 2020 година, со што, како што велат, директно им се загрозува егзистенцијата.Според сведоштвата, станува збор за лица кои во изминатите години работеле во странство, најчесто на Блискиот Исток, со валидни работни визи и резидентски дозволи, при што престојувале надвор од државата по 10 до 11 месеци годишно. Платите им биле исплаќани на сметки во македонски банки, но тие, повикувајќи се на законската одредба за даночен резидент, биле убедени дека немаат обврска за плаќање персонален данок на доход во Македонија.Граѓаните посочуваат дека согласно важечката регулатива, лице кое престојува надвор од државата повеќе од 183 дена во текот на една календарска година не се смета за даночен резидент. Дополнително, тврдат дека во тој период се консултирале и со службеници во УЈП, од каде што добиле усни информации дека не подлежат на оданочување во земјата.По речиси пет години, УЈП почнала да испраќа известувања и решенија за наплата на данок за тие години, со кратки рокови за плаќање и без, како што велат граѓаните, да им се признаат доказите за престој и работа во странство. Износите што се побаруваат, според нив, достигнуваат неколку илјади евра по лице.Дополнителен проблем, на кој укажуваат, е одбивањето на Министерството за внатрешни работи да издаде потврди за влез и излез од државата за 2020 година, со образложение дека податоците не се чуваат подолго од пет години. Со тоа, граѓаните тврдат дека се доведени во ситуација да не можат да докажат факти кои самите институции им оневозможуваат да ги документираат.„Зошто не бевме известени навреме, во 2020 или 2021 година? Зошто сега се бара нешто што тогаш не беше побарано? И дали е правично граѓаните да ја сносат целата одговорност за институционални пропусти и различни толкувања на законот? Станува збор за голем број граѓани и сериозен удар врз нивната егзистенција.“, прашува еден од засегнатите граѓани.По јавните реакции, директорката на УЈП, Елена Петрова, изјави дека не станува збор за ретроактивно оданочување, ниту за воведување нова мерка, туку за постоечка законска обврска предвидена со Законот за данок на личен доход, а претходно и со Законот за персонален данок на доход. Таа нагласи дека фактот што во минатото обврската не била доследно применувана не значи дека не постоела, ниту дека може да биде изземена од законската примена.Сепак, граѓаните остануваат на ставот дека се доведени во неправедна и финансиски неодржлива позиција, најавувајќи дека ќе бараат институционално и правно решение за проблемот што, според нив, засега илјадници семејства.

Свет | пред 2 месеци

(Видео) „Зимзоленд“ вечерва затворен по контроли на УЈП

Забавниот парк „Зимзоленд“ вечерва не работи, откако, според неофицијални информации на “Скопје1”, биле извршени контроли од страна на Управа за јавни приходи, при што биле утврдени неправилности во работењето.Иако засега нема официјално соопштение од надлежните институции, извори тврдат дека токму констатираните неправилности се причина поради која објектот вечерва е затворен за посетители. Откажан е настапот и на ДЈ Тина.Во изминатиот период во јавноста се отворија повеќе прашања поврзани со „Зимзоленд“, меѓу кои и дали содржините што се поставени се безбедни за граѓаните, како и дали организаторите поседувале соодветни дозволи за поставување и функционирање на забавниот парк.Се очекува во текот на наредните денови надлежните институции да се произнесат официјално за резултатите од контролите и за тоа дали и под кои услови „Зимзоленд“ ќе може повторно да продолжи со работа.Засега нема ниту објава од Зимзоленд за тоа што се случувало попладнево.

Македонија | пред 2 месеци

УЈП нема одговор зошто третина од граѓаните не ги добија парите од скенираните сметки

Управата за јавни приходи нема одговор зошто голем дел од македонските граѓани не ги добија своите средства кои им следуваат од скенирањето на фискални сметки.Измина и последниот рок за исплата на средствата, а голем дел од граѓаните не ги добија своите средства.Ова е првпат од воведувањето на оваа мерка.Се работи за редовниот поврат на средства од ДДВ за последниот пресметковен период (јули, август и септември) кој треба веќе да е легнат на трансакциските сметки на граѓаните.

Македонија | пред 3 месеци

Двајцата инспектори од УЈП остануваат во куќен притвор – судот во Кочани го одби барањето за построги мерки

Кривичниот совет на Основниот суд во Кочани одлучи дека двајцата даночни инспектори осомничени во случајот со дискотеката „Пулс“ ќе останат во куќен притвор. Со ова, Судот ги одби жалбите поднесени од Основното јавно обвинителство Кочани, кое бараше нивно испраќање во истражен затвор.Обвинителството тврдеше дека постои опасност осомничените да влијаат врз сведоци или да го повторат делото и затоа побара построги мерки. Но, Кривичниот совет процени дека домашниот притвор е доволна гаранција дека тие ќе бидат достапни за понатамошната постапка.Во соопштението на Судот стои дека жалбите се целосно одбиени и дека решенијата на судијата на претходна постапка остануваат во сила.Инспекторите на УЈП се сомничат дека ја злоупотребиле службената положба, земале поткуп и однапред ги предупредувале сопствениците на дискотеката за претстојни контроли, со што им овозможувале да избегнат законски обврски.Со оваа судска одлука се завршува спорот околу мерките за обезбедување присуство. Истрагата продолжува додека осомничените се наоѓаат во домашен притвор под надзор.

Магазин | пред 3 месеци

Обвинителот Коцевски соопшти детали за новите приведени во акцијата поврзана со случајот „Пулс“

Обвинителството отвори нов сегмент од истрагата поврзана со трагедијата во кочанската дискотека, а фокусот овој пат е насочен кон вработени во Управата за јавни приходи. Како што потврди денеска главниот јавен обвинител Љупчо Коцевски, вчера и денес се спроведуваат интензивни активности, вклучувајќи приведувања и претреси на лица опфатени со кривичната пријава.– „Јавноста беше запознаена дека се водеше предистражна постапка за лица вработени во Управата за јавни приходи. Денеска се приведени околу десетина лица и во моментов се вршат претреси на лицата опфатени со кривичната пријава. Во овој момент можам да кажам само дека се работи за вработени во УЈП, а за кривични дела допрва ќе видиме. Првичните сознанија се дека се работи за кривичните дела – злоупотреба на службена положба и овластување, како и примање и давање мито“, рече Коцевски.Обвинителот додаде дека во акцијата се користат и електронски комуникации како доказен материјал:– „Дел од тие комуникации што беа презентирани во јавноста, дел се опфатени. Меѓутоа дадена е изјава Обвинителството дека дел од тие електронски пораки се дадени во Судот. Меѓутоа, тоа беше само дел за тој предмет, а се поврзани и со овие лица. Ова е постапка во врска со предметот за Кочани“, истакна тој.Во моментов, како што нагласи Коцевски, не може да се откријат имињата на приведените.– „Јавноста ќе биде запознаена откако ќе се земат генералиите, а за мерките што ќе бидат предложени против приведените ќе биде донесена одлука откако ќе бидат земени изјавите од приведените“, додаде тој.Истрагата формално се води во Обвинителството во Кочани, бидејќи таму е извршено евентуалното кривично дело.– „Доколку излезе нешто ново, можеби тоа да биде преземено од Обвинителството за организиран криминал. Засега надлежно е Обвинителството во Кочани“, изјави Коцевски.Тој појасни дека овој предмет не може да се спои со истрагата за пожарот во дискотеката, бидејќи се работи за различни кривични дела:– „Се работи за кривични дела за злоупотреба на службена должност и овластување и земање и давање поткуп, односно што нема поврзаност на штетната последица. Се работи за кривични дела што немаат врска со предметот што е во тек за кривичниот настан во дискотеката во Кочани“, рече главниот јавен обвинител.Со ова, истрагата за трагичниот настан добива нова димензија и дополнителни институционални слоеви кои ќе се проверуваат во наредниот период.

Македонија | пред 4 месеци

Нов бран апсења за шемите поврзани со дискотеката „Пулс“ во Кочани

Истрагата за пожарот и работењето на дискотеката „Пулс“ во Кочани, каде животот го загубија 63 млади луѓе, а повеќе од 200 беа повредени, влегува во нова фаза. Со проширената акција на МВР се опфаени уште 11 лица – службеници, вработени и раководни кадри од Управата за јавни приходи и од Државниот пазарен инспекторат.Дел од овие лица веќе се лишени од слобода, а за сите се поднесени кривични пријави за низа сериозни кривични дела. Меѓу нив се злоупотреба на службена положба и овластување, примање поткуп, фалсификување службени исправи, како и постапување спротивно на прописите за безбедност во објекти од ваков тип.Според информациите, 11-те новоосомничени се товарат за различни форми на незаконско постапување кое индиректно придонело за дозволување, одобрување или толерирање на работењето на дискотеката „Пулс“, и покрај очигледните безбедносни и правни пропусти.МВР најавува дека акцијата продолжува, а јавноста ќе биде дополнително информирана по завршувањето на сите оперативни активности.

Македонија | пред 4 месеци