УЈП

УЈП со засилени контроли во градежниот сектор – на удар продажбата на станови, фиктивни цени и непријавени вработувања

Управата за јавни приходи најави интензивирање на даночните контроли во градежниот сектор, со цел откривање на „ризични состојби“ во работењето на дел од компаниите.На мета на инспекциите ќе бидат продажбата на станови по истекот на пет години од изградбата, договори со нереално ниски продажни цени, непријавени вработени и ангажмани, големи разлики меѓу реалниот обем на изградба и пријавените приходи, издавање фактури без прибелешки во јавните книги, како и неправилна примена на механизмот за пренос на даночната обврска (reverse charge).Како дел од Планот за подобрување на усогласеноста во градежниот сектор, кој стартуваше во јануари годинава, УЈП веќе испрати 318 персонализирани известувања до компании со повик да извршат корекција на одбивката на влезниот ДДВ во случаи кога продажбата се врши по пет години од изградбата.Законот предвидува дека првиот промет на станови во рок од пет години од изградбата се оданочува со повластена стапка од 5% ДДВ, додека продажбата по тој рок е ослободена од ДДВ, но без право на одбивка на претходно платениот данок.Од УЈП апелираат градежните компании доброволно да се усогласат со законските прописи за да избегнат казнени мерки и дополнителни контроли, со што, како што нагласуваат, ќе се обезбеди фер конкуренција и заштита на буџетските приходи.

Македонија | пред 2 месеци

УЈП распродаде станови, автомобили, деловен простор одземен од должници: Ако не се плаќа данок – државата има механизми

Управата за јавни приходи (УЈП) во периодот јануари – јули 2025 година преку е-аукции наплатила вкупно 21.619.411 денари (околу 314.206 евра) од продажба на движен и недвижен имот на должници кои не ги подмириле своите даночни обврски.Од продажба на 26 движни предмети – меѓу кои патнички и товарни возила, како и машини – државата инкасирала 6.129.604 денари (99.177 евра). Продадени се, меѓу другото, автомобили како Fiat Panda, Toyota Hilux, Honda Jazz, Golf 6 и 7, Mercedes-Benz ML320, VW Caddy, VW Passat, како и комби возила, товарни возила и машини за шиење и кроење текстил.Од продажба на недвижен имот, пак, се наплатени 13.289.807 денари (215.029 евра). На електронска аукција биле продадени четири недвижности: стан од 72 м² во Охрид, деловен простор од 111 м² во Струмица, земјиште од 103 м² во Прилеп и просторија од 17 м² во Скопје.Поради неплатени даноци, државата стекнала сопственост над повеќе имоти – меѓу кои деловна просторија од 21 м² во Прилеп, земјоделско земјиште од 13.333,92 м² во Кавадарци, деловен простор од 259 м² во Струмица, викендица од 91 м² во Струмица и два стана по 93 м² во Битола. Проценетата вредност на овој имот е 33.176.370 денари (536.794 евра).Од УЈП потсетуваат дека од постигнатата цена на аукција најпрво се наплаќаат трошоците на постапката, потоа каматата, а на крај главниот долг. Доколку продажбата не успее ниту по втора јавна аукција, Република Македонија станува сопственик на недвижноста, а долгот се намалува за 50% од проценетата пазарна вредност.„Даночната обврска не е избор – таа е законска должност. Секое неплаќање навреме значи и поголеми трошоци за должникот“, порачаа од УЈП.

Македонија | пред 3 месеци

УЈП алармира: Над 10.000 даночни обврзници не поднеле ДДВ пријави или не платиле долг

Управата за јавни приходи испрати итен повик до сите ДДВ обврзници поради, како што беше соопштено, „загрижувачко непочитување на законските обврски“ за поднесување и плаќање на данокот на додадена вредност (ДДВ).Според состојбата на 25 јули 2025 година:• 142 месечни обврзници и 2.134 тримесечни обврзници не поднеле ДДВ пријави за јули и вториот квартал.• Обврската за плаќање на веќе пријавениот ДДВ не ја исполниле 1.326 месечни и 7.748 тримесечни обврзници.Директорката на УЈП Елена Петрова испрати порака дека секој што не постапил согласно законот мора итно да го стори тоа, посочувајќи дека непочитувањето на роковите претставува сериозен прекршок кој нема да биде толериран.„Даночната дисциплина не е избор, туку обврска и одговорност на секој граѓанин и секоја компанија. Тоа е темел на функционална држава“, порачуваат од УЈП.

Македонија | пред 3 месеци

Македонија воведува електронско фактурирање: Е-фактура ќе ја револуционизира борбата против сивата економија

Управата за јавни приходи (УЈП) денеска ја промовираше новата национална платформа за електронско фактурирање – Е-фактура, која се очекува да го трансформира даночниот систем и да внесе значителна транспарентност и ефикасност во финансиските текови.Е-фактурата ќе биде дигитален документ со двојна функција – комерцијална и даночна – кој ќе го замени досегашниот систем на месечно или тримесечно пријавување на податоци. Со воведувањето на овој систем, секоја безготовинска трансакција ќе биде евидентирана и контролирана во реално време, со што ќе се овозможи значајно намалување на даночните злоупотреби и зајакнување на фискалната дисциплина.Директорката на УЈП, Елена Петрова, истакна дека Е-фактурата не е само технолошка иновација, туку и суштинска административна реформа што ќе донесе олеснување за компаниите, елиминирајќи ја потребата од печатење, архивирање и физичко испраќање фактури.„Овој систем носи сигурност и одговорност, бидејќи секоја фактура ќе биде дигитално потпишана со електронска трага. Компаниите ќе бидат директно вклучени, а во разумен рок ќе ги објавиме стандардите за подготовка,“ рече Петрова.Министерката за финансии, Гордана Димитриеска-Кочоска, додаде дека системот ќе придонесе кон сузбивање на сивата економија и ќе овозможи подобра контрола на буџетските приходи, особено кај ДДВ.„Е-фактурата е моќна алатка против злоупотреби, ќе ги намали трошоците и ќе создаде фер конкурентски услови на пазарот,“ истакна таа.Премиерот Христијан Мицкоски оцени дека новата платформа е стратешко оружје против финансискиот криминал.„Со Е-фактурата ќе ги елиминираме фантом-фирмите кои со години црпеа милиони евра преку фиктивни поврати на ДДВ. Ова е заштита на буџетот и на граѓаните,“ рече Мицкоски.Имплементацијата на Е-фактурата ќе се одвива етапно. Пилот-фазата започнува на 1 јануари 2026, додека задолжителната примена е предвидена за третиот квартал од истата година. За дел од фирмите кои веќе користат алатки на УЈП нема да има потреба од дополнителни прилагодувања, а за останатите ќе се овозможи техничка помош и API-интеграција.УЈП најави интензивни јавни кампањи, обуки и достапност на сите технички и правни документи, со цел деловниот сектор да биде целосно подготвен. Е-фактурата се позиционира како темел на идниот модерен и правично структуриран даночен систем во земјава.

Македонија | пред 4 месеци

Дали УЈП го игнорирала законот и овозможила нелегално работење на клубот „Пулс“?, вели СДСМ

„Продолжуваат да излегуваат нови, загрижувачки детали за институционалните пропусти кои можеби довеле до најстрашната трагедија во поновата историја на Македонија, во која животот го загубија 59 млади луѓе“, вели СДСМ и додава:Објектот познат како дискотека „Пулс“ во Кочани, каде се случи трагедијата, работел нелегално – тоа веќе е документирано и потврдено. Тоа е дел од активната истрага која треба да даде одговори, но и да утврди одговорност кај институциите чии пропусти се сѐ поочигледни.Денес, отвораме нов и мошне сериозен аспект од оваа трагедија – улогата на Управата за јавни приходи.Според податоците објавени во Бизнис мрежа, фирмата „ММММ Кафе“, сопственик на дискотеката „Пулс“, работела со блокирана сметка дури 217 дена. Евидентирана блокада, која сѐ уште не е тргната, била заведена на 16 август 2024 година.И тука се поставува суштинското прашање:➡️ Дали Управата за јавни приходи требала да го затвори клубот уште во септември 2024 година?Според член 117 од Законот за стечај, ако фирма има блокирана сметка повеќе од 45 дена и не исплаќа плати и придонеси подолг период, УЈП има законска обврска да поднесе барање за отворање стечајна постапка и да предложи мерки за обезбедување на имотот.Ако блокадада била заведена на 16 август 2024 година, тоа значи дека веќе до крајот на септември Управата требала да постапи, а клубот „Пулс“ требал да биде затворен.Но, клубот продолжил да работи. И 59 животи беа загубени.Почитувани,Ова не се технички грешки. Ова се системски прашања. Затоа, денес, СДСМ поставува неколку директни, но неопходни прашања до истражителите, до МВР, до Јавното обвинителство:🔴 Дали е точно дека Управата за јавни приходи не постапила по своја законска обврска согласно член 117?🔴 Кој во УЈП бил надлежен да го поднесе барањето за стечај и зошто тоа не било направено?🔴 Дали некој ја стопирал постапката? И ако да – зошто? Со каква цел?🔴 Дали ова е уште еден случај на неажурност, или станува збор за заштита на нередовности и политички врски?СДСМ не изнесува заклучоци. Но СДСМ бара одговори.Трагедијата во Кочани не е последица на една грешка – туку на ланец од институционални пропусти. Секој пропуст мора да биде идентификуван. Секој виновник мора да биде повикан на одговорност.Државата мора да покаже дека законот важи за сите. И дека никој – ама баш никој – не смее да биде над него“.

Македонија | пред 7 месеци

Дискотеката „Пулс“ не била пломбирана во декември, ама е со блокирана сметка од август минатата година

Дискотеката „Пулс“ која функционирала под фирмата „ММММ кафе ДООЕЛ“ не била пломбирана во декември минатата година, посочуваат од УЈП по низата информации кои се појавија во јавноста. Тие посочуваат дека е изречена само казна во 2023 година за сторен прекршок во однос на регистрирање на готовинските плаќања.„’Пломбирање’ кое се пласира и за кое се шпекулира во јавноста е извршено кај друг угостителски објект (со друг назив) кој бил предмет на контрола и за кој изречена привремена забрана за вршење на дејност од 15 дена во периодот јули 2023 година, по претходно извршени контроли од УЈП согласно Законот за регистрирање на готовински плаќања“, велат од УЈПТие додаваат: „Во рамките на законските надлежности на УЈП, кај должникот обврзник ММММ Кафе ДООЕЛ во неколку наврати во период од крајот на 2022 година се реализирани постапки на извршување на неплатен долг со блокада на сметка и долгот е наплатен, по што сметката по автоматизам се деблокира од банката. Но, од август 2024 година постапките за извршување на долгови, се сѐ уште активни заради наплата од средства на должникот во банките по повеќе основи (даночни долгови и плати)“.Посочија и детали за блокираната сметка.„Би укажале дека блокирање на сметка, како мерка, согласно законот за даночна постапка, е предвидена во постапка на извршување односно наплата на долг во постапка на присилна наплата која ја спроведува УЈП. Во постапка на присилна наплата на долг согласно Законот за даночна постапка не е предвидена мерка затворање на објект. Блокирањето на сметка како мерка, и привремена забрана за вршење на дејност како мерка, се изрекуваат за различни основи, согласно различни закони и во различни постапки кои ги спроведува УЈП“, додаваат оттаму.

Македонија | пред 7 месеци

УЈП: Поднесете ги ДДВ пријавите на време, избегнете стрес и нови трошоци

Управата за јавни приходи ги повикува сите даночни обврзници да ги достават потребните документи до своите сметководители и навремено да ги поднесат ДДВ-04 пријавите за изминатиот даночен период. Крајниот рок за поднесување на ДДВ-04 пријавата е 25-ти февруари (вторник).„До вчера до крај на работниот ден од очекуваните 7.396 ДДВ пријави, поднесени се 1.862 што претставува 25% од вкупниот број на ДДВ – 04 пријави за овој даночен период. Ова покажува дека значителен број на обврзници сè уште не ја исполниле својата законска обврска, односно остануваат да се поднесат уште 5.534 ДДВ – 04 пријави.Управата за јавни приходи апелира до сите даночни обврзници да ги исполнат своите законски обврски навремено, за да избегнат стрес, казни и дополнителни финансиски трошоци.Навременото поднесување на ДДВ-04 пријавата е од исклучителна важност за правилното усогласување со даночните прописи, одржување на финансиската стабилност на бизнисите и за развојот на економијата.Даночните обврзници кои имаат потреба од дополнителни информации или поддршка можат да се обратат на:Е-пошта: [email protected]Телефонски броеви:📞 Од фиксна линија: 0800 33 000📞 Од мобилен телефон: 02 3253 200Управата за јавни приходи и нејзините тимови во секое време стојат на располагање за да обезбедат информации со цел успешно исполнување на даночните обврски од страна на даночните обврзници“, велат од УЈП.

Македонија | пред 8 месеци

„Црната листа“ на УЈП: еве кои се фирми должат на државата, над 5 илјади должници се истите од минатиот период

Управата за јавни приходи ја објави листата на должници. Листата ги опфаќа долговите доспеани до 31.10.2024 и неплатени до 31.01.2025.Вкупниот број на должници објавени на оваа листа изнесува 5,705. Нивниот вкупен долг е 11,053 милиони ден.Од претходната листа бр. 01/2025, се повторуваат 5,567 должници, од кои: 3,158 должници имаат зголемен долг за 137,5 милиони денари. 271 должници имаат намален долг за 159,4 милиони денари. 2,138 должници имаат непроменет долг“, објави директорката Елена Петрова.На листата се објавени нови 138 должници, со вкупен долг од 93 милиони денари. За нив, УЈП при следна објава ќе даде информации за преземени мерки за наплата.„309 должници од Листата бр. 01/2025, со вкупен долг од 349,7 милиони денари, не се наоѓаат на Листата бр. 02/2025. За првпат, на Листата бр. 02/2025 се објавени информации за преземени мерки за наплата кај 100 даночни должници. ⚖️ Ова не се смета за даночна тајна според Законот за даночна постапка и додава дополнителна транспарентност на Листата“, додава Петрова.[pdf-embedder url="https://skopje1.mk/wp-content/uploads/2025/02/08-1179-1_Lista_na_dolznici_br.02_10.02.2025.pdf"]

Македонија | пред 8 месеци

Зајакната контрола врз експлоатацијата на минералните суровини – Меморандум меѓу Министерството за енергетика и УЈП

Министерството за енергетика, рударство и минерални суровини и Управата за јавни приходи (УЈП) потпишаа Меморандум за соработка, кој има за цел да го унапреди процесот на инспекциски контроли и надзор врз концесионерите што вршат експлоатација на минерални суровини во Македонија.Со овој документ, двете институции ја зацврстуваат заедничката цел – да обезбедат транспарентно, законско и ефикасно искористување на националните ресурси, со јасен фокус на заштита на јавниот интерес и зголемување на економската одржливост.Министерката за енергетика, рударство и минерални суровини Сања Божиновска, потенцираше дека соработката со УЈП претставува чекор кон воспоставување подобар систем за мониторинг и контрола на работењето на концесионерите.„Нашата држава располага со значајни минерални богатства, но одговорното и законско управување со нив е од суштинско значење за економскиот раст и заштитата на природните ресурси. Со овој меморандум ја комбинираме експертизата на Министерството и капацитетите на УЈП за да ги зајакнеме инспекциските процеси и да осигуриме дека секој кој користи национални ресурси го прави тоа законски и соодветно“, изјави министерката Божиновска.Директорката на УЈП, м-р Елена Петрова, истакна дека оваа соработка ќе донесе ново ниво на синергија меѓу двете институции, преку размена на информации, знаења и практични алатки за инспекциска контрола.„Со заедничка работа ќе обезбедиме поголема ефикасност во следењето на приходите и обврските на концесионерите, што ќе придонесе за зголемување на буџетските средства и праведна распределба на ресурсите“, рече Петрова.Во рамки на Меморандумот, предвидено е да се овозможи навремена и ефикасна меѓусебна размена на податоци, координација и известувања во постапките за следење на плаќањето на надоместоците за вршење на детални геолошки истражувања и за концесија за експлоатација на минерални суровини, што ќе ја унапреди брзината и точноста на контролите.Министерството за енергетика и УЈП остануваат посветени на заедничката визија за транспарентна и праведна употреба на националните ресурси, со цел обезбедување економска стабилност и долгорочна корист за граѓаните на Македонија.

Македонија | пред 10 месеци

Стотина казни од УЈП во ноември

Управата за јавни приходи, во периодот од 01 до 30 ноември 2024 година, спроведе вкупно 907 контроли согласно Законот за регистрирање на готовински плаќања (ЗРГП).Од вкупно извршените контроли, кај 750 даночни обврзници не се утврдени неправилности, што покажува дека голем број даночни обврзници работеле во рамки на законските прописи.Сепак, кај 126 даночни обврзници УЈП утврди неправилности, кои се однесуваат на различни прекршоци и издаде прекршочни платни налози, како и решенија за привремена забрана за вршење на дејност на дел од нив и тоа:93 глоби за неиздавање фискални сметки за извршен промет на добра и услуги;10 глоби за неводење или непоседување на книга за дневни финансиски извештаи;16 глоби за непоседување на резервен фискален систем на опрема;4 глоби за непоседување на одобрен фискален систем на опрема;2 глоби за неиздавање парагон блокови;1 глоба за неприкажување промет од македонски производи.Во овие случаи, целта на УЈП не е само санкција, туку укажување и поддршка во правилната примена на законот и даночно усогласување на обврзниците.Дополнително, во рамките на активностите во контролираниот период беа констатирани 3 случаи на нерегистрирана дејност. За три даночни обврзници дадена е препорака во однос на неможноста за скенирање на фискални сметки од страна на купувачите со цел подобрување на нивното работење.Управата за јавни приходи продолжува со своите активности и ќе ги преземе сите неопходни мерки со цел почитување на законските прописи.Апелираме до сите даночни обврзници да ги почитуваат законските обврски да го регистрираат готовинското плаќање, да издаваат фискални сметки.Даночните обврзници кои имаат потреба од помош во процесот на усогласување со законските обврски, може да се обратат директно во Управата за јавни приходи, каде ќе добијат поддршка и стручни совети за правилно спроведување на сите потребни процедури. Нашата цел е да обезбедиме помош и поддршка за сите даночни обврзници да можат успешно да ги исполнат своите обврски и да бидат усогласени согласно со законите.

Македонија | пред 11 месец

Обврска на трговците е да ги прикажат попустите за Black Friday во фискалните и при секоја трансакција да издадат фискална сметка

Во пресрет на најавениот Black Friday викенд, Управата за јавни приходи упатува препорака до сите даночни обврзници кои ќе применуваат попусти на цените на своите производи и услуги, истите да ги изразат и наведат при издавање на сметката, односно, пресметаниот данок на додадена вредност да биде наведен во сметката со новосоздадената цена.Даночните обврзници кои вршат промет на добра и услуги а за кои плаќањето се извршува готовински, должни се да поседуваат фискален систем на опрема (ФСО), задолжително да издаваат фискални сметки при вршење на продажба и промет и на видно место, да постават соопштение со кое го информираaт купувачот на доброто за неговата обврска да побара фискална сметка, велат од УЈП.Потрошувачите на добрата, односно корисниците на услуги при купување должни се да побараат фискална сметка и истата да ја чуваат по напуштањето на местото на прометот на доброто, заради контрола.Секој граѓанин има право и обврска да ги пријави недисциплинираните даночни обврзници кои не ги исполнуваат своите обврски и не издаваат фискални сметки, соопшти УЈП.

Македонија | пред 11 месец

Поради зголемен прилив на ДДВ – 04 пријави, системот е – даноци работи забавено

Управата за јавни приходи ја известува јавноста дека поради зголемен прилив на поднесувања на ДДВ-04 пријавите, некои даночни обврзници имаат потешкотии при поднесувањето на пријавите. Тимови од УЈП активно го следат функционирањето на системот.УЈП постојано апелира до даночните обврзници и сметководителите да не го чекаат последниот момент за поднесување и кооперативно да придонесат за навремено, целосно и точно исполнување на даночните обврски со цел да се спречат вакви ситуации кога има масовно поднесување во последните денови пред истекот на законскиот рок и е потребно повеќе време за обработка во системот на УЈП.

Македонија | пред 1 година

УЈП: Остануваат уште пет работни дена за поднесување на ДДВ -04 пријавите

Управата за јавни приходи ги повикува сите даночни обврзници да ги исполнат своите законски обврски и навреме да ги поднесат ДДВ-04 пријавите за изминатиот даночен период. Крајниот рок за поднесување на ДДВ-04 пријавата е 25-ти октомври 2024 година (петок). Важно е да се напомене дека 23-ти октомври е неработен ден, но системите на УЈП работат и сите кои имаат обврска за поднесување на ДДВ – 04 пријави истото ќе може да го сторат и во среда..Досега, поднесени се само 11.113 од очекуваните 40.975 ДДВ пријави, што претставува само 27,12% од вкупниот број. Ова укажува на значителен број обврзници кои сè уште не ја исполниле својата обврска.Запомнете, непостапувањето во рок може да доведе до казни и дополнителни финансиски трошоци. Затоа, не чекајте! Поднесете ги вашите пријави навреме и избегнете стрес и дополнителни санкции.Навременото поднесување на ДДВ-04 пријавата е важно не само за даночната усогласеност на фирмите, туку и за општата финансиска стабилност на секој бизнис. Со исполнување на даночните обврски се придонесува за развојот на економијата и одржувањето на позитивната деловна средина, соопшти УЈП.Даночните обврзници кои имаат потреба од дополнителни информации и поддршка сите прашања и коментари, поткрепени со документација можат да ги достават на инфо сандачето [email protected]. Даночните службеници по службена должност ќе ги разгледаат и ќе помогнат во решавањето на истите.Даночните обврзници кои имаат потреба од дополнителни информации или поддршка можат да се обратат на телефоните:📞 Од фиксна линија: 0800 33 000📞 Од мобилен телефон: 02 3253 200Не чекајте, постапете веднаш Управата за јавни приходи и нејзините вработени се тука за да ви понудат навремени, точни и јасни информации со цел исполнување на даночните обврски, велат од УЈП.

Македонија | пред 1 година

УЈП: Даночни обврзници, не чекајте, поднесете ги ДДВ-04 пријавите навреме

Управата за јавни приходи ги повикува сите даночни обврзници да ги исполнат своите законски обврски и навреме да ги поднесат ДДВ-04 пријавите за изминатиот даночен период. Крајниот рок за поднесување на ДДВ-04 пријавата е 25-ти октомври 2024 година (петок). Оваа обврска важи и за оние даночни обврзници кои во соодветниот период немаат реализирано оданочив промет.До моментов поднесени се само 6.607 од очекуваните 40.975 ДДВ пријави, што укажува на значителен број обврзници кои сè уште не ја исполниле својата обврска.Навременото поднесување на ДДВ-04 пријавата е важно не само за даночната усогласеност на фирмите, туку и за општата финансиска стабилност на секој бизнис. Со исполнување на даночните обврски се придонесува за развојот на економијата и одржувањето на позитивната деловна средина.Управата за јавни приходи потсетува дека поднесувањето на ДДВ-04 пријавата не е само законска обврска, туку и начин да се заштитите од непредвидливи трошоци и понатамошни постапки. Не чекајте до последен момент, навремено доставете ги пријавите и избегнете стрес.Даночните обврзници кои имаат потреба од дополнителни информации и поддршка можат да ги упатат своите прашања и коментари, поткрепени со документација на инфо сандачето [email protected]. Нашите даночни службеници ќе ги разгледаат и ќе помогнат во решавањето на истите.За дополнителна поддршка, доколку се јавувате од фиксна линија, можете да се обратите на телефонскиот број 0800 33 000, а доколку се јавувате од мобилен телефон, повикајте 02 3253 200.Управата за јавни приходи и нејзините вработени се тука за да ви понудат навремени, точни и јасни информации со цел исполнување на даночните обврски.

Македонија | пред 1 година

Директорката на УЈП Елена Петрова на работна средба со шефот на мисијата на ММФ од Вашингтон

Директорката на УЈП, м-р Елена Петрова, со нејзиниот тим задолжен за наплатата на даночните приходи, се сретнаа со претставниците на мисијата на ММФ во земјата, предводена од шефот на мисијата Aнет Kјобе, на која присуствуваа и Јуан Ксао, член на мисијата од Вашингтон, како и локалните економисти во Канцеларијата на ММФ во Скопје, Симона Ковачевска Стефанова и Фатон Сулејмани.Во фокусот на разговорите беше наплатата на приходите во првите три квартали од годинава, очекувањата до крајот на 2024 година и проекција на приходите за идната година. Освен тоа, се разговараше и за реформите кои се спроведуваат во рамки на УЈП, за активностите за справување со неформалната економија, како и процесот на дигитализација, со цел зголемување на приходите преку поголема наплата на даноците.Директорката Петрова информираше дека во месец септември годинава, како и кумулативно во периодот е остварен планот за наплата и има поголема наплата на даноците во споредба со наплатата во 2023 година.„Во септември 2024 година наплатени се 10,4 милијарди денари, што е 2,2 милијарди денари повеќе наплатени даночни приходи во однос на истиот период лани.“Директорката Петрова ги запозна членовите на мисијата со преземените мерки и активности за проактивно управување со даночната дисциплина за даночните обврски кои доспеваат во овој период, како и дека ќе продолжи засилениот фокус до крајот на годината за наплата на приходите преку превентивни мерки и мерки за брзо интервенирање во законските рокови за плаќање на обврските. Воедно, таа истакна дека УЈП работи на целосна имплементација на концептот управување со ризиците на даночна усогласеност, за што во претходните три месеци УЈП организираше и до крајот на годината ќе продолжи со таргетирани кампањи за стопански дејности кои се актуелни за сезоната.Во однос на реформите, во завршна фаза е подготовката на Програмата на УЈП во која се инкорпорирани стратешките и реформските цели на УЈП и истата се заснова на 4-Д клучни области, односно даночни приходи, даночни обврзници, даночна администрација и дигитализација. Реформите треба да обезбедат мобилизација на даночните приходи преку проширување на даночната база со зафаќање во нефромалната економија, но и во формалниот сектор преку детектирање и справување со избегнувањето плаќање даноци, погрешно толкување и примена на даночната регулатива и други форми на даночна неусогласеност. Исто така, се очекува подобра наплата на даноците и како резултат на мерките за зголемена даночна свест и даночен морал кај даночните обврзници, а воедно и како резултат на автоматизација на процесите и поефикасно работење на УЈП, користење на современи аналитички алатки и сл.

Македонија | пред 1 година