УЈП: Проверете ги сметките, во тек е исплатата на МојДДВ

Управата за јавни приходи соопшти дека започнала исплатата на средствата од „МојДДВ“ за скенираните фискални сметки во првото тримесечје од 2026 година.

Според УЈП, исплатата ќе се реализира етапно, согласно обработката на налозите.

— реклама —

„Кон 528.447 корисници ќе бидат исплатени близу 836 милиони денари“, соопштија од УЈП.

— реклама —

Од таму посочуваат дека кај дел од корисниците се утврдени проблеми со податоците за трансакциските сметки, поради што исплатата засега не може да се реализира.

„Кај 4.968 корисници е утврден неточен податок за трансакциска сметка, поради што исплатата не може да се реализира сè додека податоците не се коригираат“, велат од УЈП.

— реклама —

Дополнително, кај 7.560 корисници износот за поврат е помал од 50 денари, па тие средства ќе бидат префрлени и исплатени во следниот квартал.

УЈП апелира до граѓаните кои сè уште немаат добиено средства од претходни или тековни исплати да ги проверат податоците за трансакциската сметка во апликацијата „МојДДВ“.

„Со точни податоци, исплатата ќе може непречено да се реализира“, додаваат од Управата за јавни приходи.