УЈП предупреди на лажни екстензии за системот „е-Фактура“

Управа за јавни приходи ги извести компаниите кои моментално го тестираат системот „е-Фактура“, како и оние кои дополнително се вклучуваат во процесот, да се информираат исклучиво преку официјалната веб-страница на проектот.

— реклама —

Од УЈП посочуваат дека сите прашања и сугестии поврзани со системот треба да се доставуваат преку официјалните комуникациски канали или преку даночните агенти со кои компаниите веќе воспоставиле контакт.

— реклама —

Воедно, Управата предупредува дека на Chrome Web Store се појавиле веб-екстензии кои наводно нудат поддршка за електронско потпишување на електронските фактури во рамки на проектот „е-Фактура“, кој сè уште е во фаза на тестирање.

— реклама —

Според УЈП, овие екстензии не се развиени од официјалниот изведувач на системот, поради што апелираат компаниите да ги преземаат екстензиите исклучиво од официјалната веб-страница на проектот.

За повеќе информации, УЈП ги упатува корисниците на: е-Фактура УЈП и официјални екстензии за е-Фактура