УЈП предупредува: Не отворајте линкови од лажни СМС-пораки

Управата за јавни приходи (УЈП) предупредува дека денеска до граѓаните пристигнуваат лажни СМС-пораки испратени во име на институцијата, преку кои се прави обид за измама и можна злоупотреба на лични и финансиски податоци.

— реклама —

Во пораките, кои содржат линк, се наведува: „Потсетник на УЈП: Статусот на вашата сметка за социјално осигурување е абнормален. Препорачуваме да го решите проблемот што е можно поскоро“.

Од УЈП апелираат граѓаните да не го отвораат линкот и да не внесуваат лични, банкарски или други чувствителни податоци доколку ја добијат ваквата порака.

— реклама —

Информациите поврзани со УЈП граѓаните треба да ги проверуваат исклучиво преку официјалните канали на институцијата, односно официјалната веб-страница, е-услугите и објавените контакт-адреси и телефонски броеви.

— реклама —

За дополнителни информации, граѓаните можат да се обратат на е-пошта info@ujp.gov.mk, Инфо-центарот 0800 33 000 и телефонскиот број 02 3253 200.

Од УЈП повторно апелираат граѓаните да не кликаат на линкови од сомнителни СМС-пораки и да не споделуваат лични или податоци поврзани со нивните банкарски сметки.

Граѓаните се повикуваат предупредувањето да го споделат со своите блиски, со цел да се спречат можни злоупотреби.