Емиратите: Пресретнати 186 проектили и 812 дронови од почетокот на војната

Обединетите Арапски Емирати соопштија дека од почетокот на американско-израелскиот конфликт со Иран кон нивната територија биле лансирани 186 проектили, информираше Министерството за одбрана на земјата.

— реклама —

Портпаролот на министерството, бригадниот генерал Абдул Насер Мохамед Ал-Хумаиди, изјави дека само еден проектил паднал на територијата на ОАЕ. Противвоздушната одбрана пресретнала 172 проектили, додека 13 паднале во морето.

— реклама —

— реклама —

Според официјалните податоци, биле детектирани и 812 ирански беспилотни летала насочени кон Емиратите. Од нив, 57 паднале на територијата на земјата, додека 755 биле пресретнати од противвоздушната одбрана. Дополнително, биле детектирани и уништени осум крстосувачки проектили.

— реклама —

Од почетокот на судирите во ОАЕ загинале три лица, регистрирани се 68 случаи на полесни повреди, како и помали до умерени оштетувања на цивилни објекти, соопшти портпаролот.