Енергетска криза ја тресе Унгарија: Партијата на Орбан тврди дека новата влада е неспособна

Рекордно нискиот водостој на реката Дунав ја принуди унгарската нуклеарна електрана „Пакш“ делумно да го запре производството на електрична енергија, што предизвика загриженост во екот на летната потрошувачка.

— реклама —

Поголемиот дел од реакторите се исклучени бидејќи електраната нема доволно вода за ладење. Доколку водостојот дополнително се намали, на „Пакш“ ѝ се заканува целосно запирање на работата за првпат по 42 години, што би можело да доведе и до ограничувања во снабдувањето со електрична енергија.

— реклама —

Кризата е првиот голем предизвик за новиот унгарски премиер Петер Маѓар, кој најави дека недостигот ќе се надомести со зголемено производство во други електрани, поголем увоз на струја и апел до граѓаните и компаниите доброволно да ја намалат потрошувачката.

— реклама —

Опозицискиот Фидес, предводен од поранешниот премиер Виктор Орбан, ја обвини владата дека не успева да се справи со ситуацијата, додека од владејачката партија Тиса возвратија дека кризата е последица на недоволните инвестиции во инфраструктурата за време на претходната власт.

— реклама —

Електраната „Пакш“ вообичаено обезбедува околу 40 проценти од потребите на Унгарија за електрична енергија.