Во Бангладеш, оваа година од потврдени случаи на сипаници починале најмалку 86 деца, а се сомнева дека болеста предизвикала уште 426 смртни случаи, соопштија здравствените власти.
Земјата се соочува со една од најтешките епидемии на сипаници во последните неколку децении.
Според податоците на здравствените служби, од 15 март до 23 мај биле регистрирани повеќе од 62.000 сомнителни случаи, додека лабораториски биле потврдени 8.494 инфекции.
Болниците се под огромен притисок, особено во руралните области и сиромашните, густо населени градски квартови.
Здравствените експерти предупредуваат дека најзагрозени се децата помлади од пет години, особено оние кои не се вакцинирани или примиле само една доза вакцина.
Светската здравствена организација минатиот месец предупреди дека падот на редовната вакцинација значително го зголемил ризикот од широка епидемија.
Властите во Бангладеш започнаа итни кампањи за вакцинација против сипаници и рубеола, а на терен се испратени и тимови за брза реакција.
