ЕУ испраќа пет милиони евра итна помош за Венецуела по разорните земјотреси

Европската Унија обезбеди пет милиони евра итна хуманитарна помош за заедниците погодени од катастрофалните земјотреси во Венецуела, соопшти високата претставничка на ЕУ за надворешна и безбедносна политика, Каја Калас.

— реклама —

Таа на социјалната мрежа Икс информираше дека разговарала со привремената претседателка на Венецуела, Делси Родригез, за да ја изрази солидарноста на Европа со венецуелскиот народ.

— реклама —

Калас истакна дека Европската Унија го активирала Механизмот за цивилна заштита, а неколку земји членки веќе испратиле тимови за потрага и спасување, пожарникари и медицински персонал.

— реклама —

Дополнително, сателитскиот систем „Коперникус“ на ЕУ се користи за проценка на размерите на штетите и за насочување на помошта кон најпогодените подрачја.

— реклама —

Според последните информации на властите, најмалку 1.430 лица загинале во двата последователни земјотреси со магнитуда од 7,2 и 7,5 степени, кои во средата го погодија северниот дел на Венецуела. Повеќе од 50.000 луѓе сè уште се водат како исчезнати.