Италија е земјата во Европската Унија што троши најмногу енергија за ладење, покажуваат најновите податоци на Евростат за 2024 година.
Според статистиката, Италија потрошила 26,3 илјади тераџули енергија за разладување, пред Шпанија со 14,3 илјади и Грција со 11,9 илјади тераџули.
Евростат наведува и дека вкупната потрошувачка на енергија за ладење во ЕУ речиси се удвоила во периодот од 2018 до 2024 година, зголемувајќи се од 40,5 на 80,4 илјади тераџули.
Во најголем дел од овој период е регистриран континуиран раст, со исклучок на 2020 и 2023 година, кога е забележано благо намалување во споредба со претходните години.
Кипар и Малта имаат најголем удел на енергијата што домаќинствата ја користат за ладење – 16, односно 15 проценти. По нив следуваат Грција со 7,4 проценти, Шпанија со 2,5 проценти и Италија со 2,3 проценти.
Податоците укажуваат дека зголемените температури и сè почестите топлотни бранови придонесуваат за раст на потрошувачката на енергија за разладување низ Европската Унија.
