ЕВН најави прекини на струјата во Кисела Вода, Карпош, Аеродром, Гази Баба и Сарај

Од ЕВН Македонија информираат дека денеска (12 јуни) поради планирани технички зафати на електродистрибутивната мрежа, без електрична енергија ќе останат корисници во повеќе делови од Скопје и околината.

Според најавата, од 08:00 до 12:00 часот без струја ќе бидат дел од корисниците на улицата „Партизански Пат“ во општина Кисела Вода.

— реклама —

Во периодот од 08:00 до 14:00 часот прекин во снабдувањето ќе има во селото Рашче, Хлорната станица Рашче, селата Бојане и Копаница, како и во делови од Кондово и општина Сарај.

Од 09:00 до 09:30 часот без електрична енергија ќе останат дел од потрошувачите на улицата „Иван Цанкар“ во општина Карпош.

— реклама —

Во општина Гази Баба, од 09:00 до 12:30 часот прекин ќе има на улиците 1 и 2 во населбата Нова Хиподром.

— реклама —

Без струја од 09:00 до 15:00 часот ќе бидат и дел од жителите на улицата „Владимир Комаров“ во општина Аеродром.

Во Карпош, дел од корисниците на улицата „Ванчо Мицков“ ќе останат без електрична енергија од 11:00 до 15:00 часот.

— реклама —

Прекин во снабдувањето е најавен и од 13:00 до 15:00 часот на улица 1, на потегот од општина Сопиште кон Горно Соње.

Од ЕВН апелираат до граѓаните навреме да ги планираат своите активности и посочуваат дека прекините се поради реализација на закажани работи за одржување и унапредување на електродистрибутивната мрежа.