Европската ракета-носач „Аријана 6“ обезбеди договори за 10 идни лансирања, откако нејзиното воведување во употреба беше одложено.
Француската компанија „Аријанеспејс“ објави дека се договорени десет лансирања на најмоќната верзија „Аријана 64“, која може да понесе товар од нешто помалку од 22 тона во вселената.
Американската компанија Амазон резервирала шест од лансирањата, што, според извршниот директор на „Аријанеспејс“, Дејвид Кавајол, претставува најголем број нарачки досега.
„Аријана 6“ требаше да го има првиот лет во 2020 година, но тој беше одложен за 2024 година. Првиот комерцијален лет се реализираше во 2025 година, додека годинава досега се извршени четири лансирања.
Ракетите ги произведува „Аријан груп“, заедничка компанија на француските „Ербас“ и „Сафран“.
