Еврото зајакна во однос на доларот и јенот

Еврото забележа благ раст во однос на американскиот долар и јапонскиот јен, додека инвеститорите претпазливо ги очекуваат одлуките на големите централни банки за монетарната политика.

— реклама —

Утрово европската валута зајакна за 0,10 отсто во однос на доларот, достигнувајќи вредност од 1,1228 долари, додека во однос на јенот порасна за 0,25 отсто, на 176,15 јени, објави „Ројтерс“.

Индексот на доларот, кој ја следи вредноста на американската валута во однос на кошница од шест други валути, остана речиси непроменет и изнесуваше 101,80 поени.

— реклама —

Растот на еврото следува по падот на цените на нафтата и одлуката на агенцијата „Мудис“ во петокот да не го намали кредитниот рејтинг на Франција.

— реклама —

Пет големи централни банки во текот на неделава ќе ги објават одлуките за монетарната политика. Инвеститорите особено ќе ги следат сигналите за идното движење на каматните стапки. Се очекува американските Федерални резерви, Европската централна банка и Банката на Јапонија да ги задржат стапките непроменети, но да остават можност за нивно зголемување во декември.

Во меѓувреме, цените на нафтата се намалија од највисокото ниво во последните шест месеци, по извештајот на „Ројтерс“ дека катарски посредници во неделата престојувале во Техеран во рамките на напорите, координирани со САД, за намалување на регионалните тензии.

Високите цени на нафтата особено ги погодуваат економиите зависни од увоз на енергенси, меѓу кои се еврозоната и Јапонија.